ЯҢАЛЫКЛАР
24
октябрь, 2012 ел
чәршәмбе
Татарстан Республикасы Президенты Рөстәм Миңнеханов Россия Мөфтиләр шурасы рәисе, Россиянең Европа өлеше мөселманнары Диния нәзарәте рәисе, мөфти шәех Равил Гайнетдинне; Баш мөфти, Россия мөселманнарының Үзәк Диния нәзарәте рәисе Тәлгать Таҗетдинне; Татарстан Республикасы мөселманнары Диния нәзарәте рәисе мөфти Илдус Фәезне Корбан бәйрәме белән котлады.
Агымдагы елның узган 7 ае эчендә Татарстан хезмәт урыннарында үлемгә китергән травма алу очраклары буенча Идел буе төбәкләре арасында “лидерлыкка” чыккан. Әлеге күрсәткеч буенча республика ил күләмендә дүртенче урын били. 9 ай йомгаклары буенча хәл бераз яхшыра төшүгә карамастан, вазгыять эре шәһәрләрдә генә түгел, республика районнарының яртысында әле катлаулы кала. Бу хакта бүген ТР Хөкүмәт йортында Республика ведомствоара комиссиясенең Премьер-министр Илдар Халиков рәислегендә узган киңәйтелгән утырышында хәбәр ителде.
Hyundai Universe Luxury автобусларының Казанга кайтарылган беренче партиясе бүген башкалабыз урамнарыннан элдерә. Аларны Универсиада авылы территориясендә Татарстан Республикасының транспорт компанияләренә тантаналы төстә тапшыру чарасында ТР Премьер-министры Илдар Халиков, Hyundai Motor Company вице-рәисе Чой Хан Янг, ТР Яшьләр эшләре, спорт һәм туризм министры урынбасары Сергей Иванов, “XXVII Бөтендөнья җәйге Универсиада-2013” Башкарма дирекциясе генераль директоры Владимир Леонов, Универсиада авылы мэры Фәрит Абдулганиев һәм башка рәсми затлар катнашты.
23
октябрь, 2012 ел
сишәмбе
Бүген Самарада РФнең Бөтендөнья сәүдә оешмасында һәм Таможня берлегендә катнашуы мониторингы буенча Федерация Советы вакытлы комиссиясенең күчмә утырышы булды. Самара филармониясендә пленар утырышта ТР Премьер-министры Илдар Халиков катнашты.
Бөтендөнья сәүдә оешмасына керү шартларында, РФ икътисадының бер төркем тармакларына һәм юнәлешләренә ярдәм итәргә кирәк, һәм Татарстан федераль үзәккә бу өлкәдә бер төркем дәүләт сәясәте чараларын тәкъдим итәргә әзер.
22
октябрь, 2012 ел
дүшәмбе
Бүген ТР Дәүләт Киңәшчесе, “Яңарыш” Республика фондының Попечительләр советы Рәисе Минтимер Шәймиев Варна шәһәрендә (Болгария Республикасы) IV Халыкара Болгар форумын ачты.
Бүген ТР Премьер-министры Илдар Халиков Төркиянең Казандагы Генераль консулы Сабри Тунч Ангылы белән очрашты. Хөкүмәт йортында узган очрашуда ТР сәнәгать һәм сәүдә министры Равил Зарипов, ТР Премьер-министрының тышкы икътисади эшчәнлек буенча ярдәмчесе Альфред Закиров һ.б. катнашты.
Бүген ТР Премьер-министры Илдар Халиков “MasterCard компетенциясе үзәге” проектын тормышка ашыру мәсьәләсе буенча киңәшмә уздырды. Киңәшмә ТР Хөкүмәт Йортында үтте, анда ТР Министрлар Кабинеты, министрлыклар һәм ведомстволар, “Ак Барс” банкы, “Казан 2013” Башкарма дирекциясе” вәкилләре катнашты.
Бүген ТР Министрлар Кабинетында ТР Премьер-министры Илдар Халиков рәислегендә “Сетевая компания” ААҖ Директорлар советы утырышы үтте. Утырышта компаниянең финанс-хуҗалык эшчәнлеге мәсьәләләре, компаниянең 2012-2013 нче елларның көзге-кышкы чорга әзерлеге турында хисап, 2013 нче ел XXVII Бөтендөнья җәйге универсиадага әзерләнү һәм уздыру чорында Казанны энергия белән тәэмин итү буенча чаралар уздыру мәсьәләсе каралды.
Татарстан Республикасы Президенты Рөстәм Миңнеханов 2012 елның 20 октябреннән алып 28 октябренә кадәр кыскавакытлы ялда.
Датасы буенча тикшерү
ЯҢАЛЫКЛАРГА ЯЗЫЛУ
Адрес: 420060, Казан шәһәре, Ирек мәйданы, 1
Телефон:
+7 (843) 264-77-74
E-Mail: prav@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз