ЯҢАЛЫКЛАР


12
ноябрь, 2010 ел
җомга

Узган 10 ай эчендә Татарстанда 1 млн. 518 мең кв. метр мәйданда торак сафка бастырылган. Бу еллык биремнең 75 проценты. Планны үтәп чыгу өчен ел ахырына кадәр калган санаулы вакыт эчендә тагын 500 мең кв. метр мәйданда торакны төзеп бетерергә кирәк. Бу күләм тулысынча диярлек социаль ипотека программасына туры килә. Бу хакта бүген ТР Министрлар Кабинетында Премьер-министр вазыйфаларын башкаручы Равил Моратов рәислегендә видеоконференция режимында узган киңәшмәдә сүз барды.a


11
ноябрь, 2010 ел
пәнҗешәмбе
Бүген ТР Президенты Рөстәм Миңнеханов катнашында Казанда 4нче җылылык энергиясе чыганагы проектын гамәлгә ашыру мәсьәләләренә багышланган киңәшмә узды. Аның эшендә шулай ук республика министрлык-ведомстволары, Казан мэриясе җитәкчеләре, проектны гамәлгә ашыруда катнашучы M+W Group, Bertsch, Siemens Energy, PB Berlin Projekte GMBH, Hitachi Power Europe GmbH, FORTUM компанияләре вәкилләре катнашты.

10
ноябрь, 2010 ел
чәршәмбе
Бүген Казанга, Россия Федерациясенә визиты кысаларында, Финляндия Президенты Тарья Халонен килде. Ул кичен Казан федераль университетының Гыйльми советы утырышында катнашты. Тарья Халоненны ТР Президенты Рөстәм Миңнеханов озата килде.
Финляндия бизнесына Татарстанга актив килергә кирәк. Бүген республика Президенты Рөстәм Миңнеханов Финляндия Президенты Тарья Халонен белән очрашуда шулай дип белдерде. Очрашу Казан Кремлендә Т.Халоненның Россиягә рәсми визиты кысаларында узды.
Бүген Финляндия Президенты Тарья Халонен Казан Кремле белән танышты. Аны Татарстан Президенты Рөстәм Миңнеханов озатып йөрде. Алар Кол Шәриф мәчетендә һәм Благовещение соборында булды.
Берничә минут элек Казанга, Россия Федерациясенә визиты кысаларында, Финляндия Президенты Тарья Халонен килде. Финляндия делегациясен аэропортта Татарстан Президенты Рөстәм Миңнеханов каршы алды.
Бүген Татарстан Президенты Рөстәм Миңнеханов ТР Министрлар Кабинетында дәүләт теркәве, кадастр һәм картография Федераль хезмәте җитәкчесе урынбасары Виктор Кислов белән очрашты.

9
ноябрь, 2010 ел
сишәмбе

Татарстан Республикасы Президенты Указы нигезендә, Әгъләм Садретдинов, башка эшкә күчү сәбәпле, Татарстан Республикасы экология һәм табигый ресурслар министры вазифасыннан азат ителде.

Бүген Татарстан Республикасы Министрлар Кабинетында Рөстәм Миңнеханов республикага бер көнлек визит белән килгән Суд приставлары федераль хезмәтенең директоры – Россия Федерациясе баш суд приставы Артур Парфенчиков белән очрашты.


8
ноябрь, 2010 ел
дүшәмбе

Бүген ТР Хөкүмәт йортында Татарстан Республикасы Президенты Рөстәм Миңнеханов белән “Әл Хабтур” компанияләр төркеме Рәисе Хәләф Әл-Хабтур белән очрашты.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International