ЯҢАЛЫКЛАР

Бүген Казан Кремлендә Татарстан Республикасы Дәүләт Киңәшчесе, “Яңарыш”  фондының Попечительләр советы рәисе Минтимер Шәймиев Дагыстан Республикасы башлыгы Рамазан Абдулатипов белән очрашты.

Рамазан Абдулатипов Казанга, бүген “Корстон”да ачылачак, Татарстан халыкларының III съездында катнашу өчен килде.

Татарстан Республикасында уҗым культураларын һәм күпьеллык үләннәрне ашлау һәм тырмалау эшләре 215 мең гектарда гамәлгә ашырылды, ягъни барлык мәйданның 20%ы. Көннәрнең болай начар торуы язгы кыр эшләрен масштаблы итеп алып барырга мөмкинлек бирми. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов хәбәр итте. 

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры вазыйфаларын башкаручы Алексей Песошин да катнашты.

2017 елның 1 кварталында торак-коммуналь хезмәт күрсәтү мәсьәләсе буенча гражданнардан 5 мең 577 мөрәҗәгать алынды, бу 2016 елның беренче кварталына караганда 474 мөрәҗәгатькә азрак. Бу хакта бүген республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне видеоконференцэлемтә режимында бөтен муниципаль районнар белән Татарстан Республикасы Президенты Рөстәм Миңнеханов уздырды. Киңәшмә эшендә шулай ук ТР Премьер-министры Алексей Песошин катнашты. 

2017 елда Татарстан Республикасында Торак инспециясе тарафыннан 43 муниципаль берәмлектәге капиталь ремонт объекты булган күп фатирлы торак йортларда 1 мең 418 тикшерү түкәргән. 

Бу хакта бүген республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте. 

Киңәшмәне видеоконференцэлемтә режимында бөтен муниципаль районнар белән Татарстан Республикасы Президенты Рөстәм Миңнеханов уздырды. Киңәшмә эшендә шулай ук ТР Премьер-министры Алексей Песошин катнашты. 

Бүген Татарстан Республикасы Президенты Рөстәм Миңнеханов төштән соң Татарстанның тарихи җирлекләрендә шәһәр төзелеше эшчәнлеге мәсьәләләре буенча ведомствоара комиссиянең чираттагы утырышын уздырды.

Чара Татарстан Республикасы Министрлар Кабинетында узды, анда шулай ук Татарстан Республикасы Президенты ярдәмчесе Олеся Балтусова, Татарстан Республикасы Прокуроры Илдус Нәфыйков, Татарстан Республикасы төзелеш, архитектура һәм ТКХ министры Ирек Фәйзуллин, Казанның баш архитекторы Татьяна Прокофьева, республика министрлыклары һәм ведомстволары вәкилләре һәм башкалар катнашты. 

Казанда тарихи җирлекләр территориясендә яңа төзелеш проектларын   комиссия әгъзаларына Казанның баш архитекторы Татьяна Прокофьева тәкъдим итте.

Бүген Татарстан Республикасы Президенты Рөстәм Миңнеханов татар теле һәм әдәбияты  буенча V халыкра олимпиаданы ябу тантанасында  катнашты. Чара Казанда «Баскет-холл»да узды.   

Олимпиадада төп җиңүчеләр – Накамура Мидзуки (Япония) һәм Ризәлә Йосыпова (Татарстан Республикасы Саба районы).

Җиңүчеләргә дипломнарны һәм бүләкләрне Татарстан Республикасы Президенты Рөстәм Миңнеханов тапшырды. 

Бүген Казан Кремлендә Җирле үзидарә көненә багышланган тантаналы чара узды. Чарада Татарстан Республикасы Президенты Рөстәм Миңнеханов катнашты һәм җирле үзидарә вәкилләрен бәйрәм белән котлады. 

Бүген Татарстан Республикасы Президенты Рөстәм Миңнеханов Россия Федерациясе Президенты администрациясе җитәкчесе урынбасары Мөхәммәдсәлам Мөхәммәдов белән очрашты.

Чара ТР Хөкүмәте Йортында узды. 

Анда шулай ук ТР Президенты Аппараты җитәкчесе Әсгать Сәфәров катнашты. 

Мөхәммәдсәлам Мөхәммәдов хәбәр иткәнчә, бу көннәрдә Татарстанда республика өчен генә түгел, ә бөтен ил өчен әһәмиятле вакыйга узачак - Татарстан халыкларының III корылтае (2017 елның 22 апреле). 

Соңгы 10 елда Татарстан Республикасы Кулланучылар кооперациясе оешмалары берлеге предприятиеләре – Татпотребсоюз – әзерләү эшчәнлеге күләмен 15 мәртәбә арттырды. Бүген бу хакта Татарстан Республикасы Президенты Рөстәм Миңнеханов «Кооперация һәм икътисадның тотрыклы үсеше. Өндәүләр һәм карарлар» конференциясендәге чыгышында хәбәр итте.

Конференция Казанда («Корстон» КСККда) Россия Федерациясе кулланучылар кооперациясенең Үзәк берлеге форумы кысаларында узды.

Форум  кооперация үсеше перспективалары турында фикер алышу һәм булган казанышларны күрсәтү максатларында уздырылды. Аның эшендә илнең 70 төбәгеннән вәкилләр катнаша.

Форумда Россия Федерациясе Үзәк берлеге Советы рәисе Дмитрий Зубов, Татарстан Республикасы Премьер-министры урынбасары-Татарстан Республикасы авыл хуҗалыгы һәм азык-төлек министры Марат Әхмәтов, Ульяновск өлкәсе губернаторы Сергей Морозов, Татарстан Республикасы Кулланучылар кооперациясе оешмалары берлеге (Татпотребсоюз) идарәсе рәисе Мәхмүт Фәттахов һәм башкалар катнаша.

Бүген Татарстан Республикасы Президенты Рөстәм Миңнеханов Ульяновск өлкәсе губернаторы Сергй Морозов белән очрашты.   

Очрашу Казанда Россия Федерациясе Үзәк берлегенең кулланучылар  кооперациясе форумы кысаларында узды.  

Кунакларны сәламләп, Рөстәм Миңнеханов билгеләп үткәнчә, бүген кулланучылар  кооперациясе ролен һәм мөмкинлекләрен бәяләп бетермиләр. Аныңча, бу оешмага альтернативалар булмады да һәм булмаячак та. Шунысы мөһим: бу система авылда эшли «Безнең катнашудан – төбәкләр дәрәҗәсендәге хакимият, дәүләт ярдәменнән башка, кызганычка каршы, кулланучылар  кооперациясе системасы тиешенчә эшли алмый», - диде Рөстәм Миңнеханов.