ЯҢАЛЫКЛАР
Россия Федерациясе Хөкүмәте рәисе урынбасары Александр Хлопонин бүген Татарстанга килде.
“Казан” халыкара аэропортында аны Татарстан Республикасы Премьер-министры вазифаларын башкаручы Алексей Песошин каршы алды.
Бүген Россия Федерациясе Президенты Администрациясе җитәкчесенең беренче урынбасары Сергей Кириенко губернаторлар – Россия Инновацион төбәкләре ассоциациясе (АИРР) әгъзалары белән очрашты
Очрашуда Россия Федерациясенең12 субъекты башлыкары – Татарстан Республикасы Президенты, Башкортостан Республикасы башлыгы, Мордовия Республикасы башлыгы, Алтай крае, Красноярск крае, Пермь крае, Калуга өлкәсе, Липецк өлкәсе, Новосибирск өлкәсе, Самара өлкәсе, Төмән өлкәсе, Ульяновск өлкәсе губернаторлары катнашты.
Бүген Мәскәүгә эш сәфәре кысаларында Татарстан Республикасы Президенты Рөстәм Миңнеханов төбәкләр губернаторлары – Россия Инновацион төбәкләре ассоциациясе әгъзалары белән очрашты.
Очрашу эшлекле иртәнге аш форматында узды.
Очрашуда катнашучылар илнең инновацион төбәкләрен киләчәктә дә үстерү мәсьәләләре һәм юнәлешләре турында фикер алыштылар.
Төзелеш комплексы Татарстан Республикасы икътисадының иң мөһим секторларының берсе булып тора. Бу хакта бүген Татарстан Республикасы Премьер-министры вазифаларын башкаручы Алексей Песошин “Татарстан Республикасы төзүчеләре берлеге” ассоциациясенең VIII нче еллык отчет-сайлау җыелышында хәбәр итте.
Бу чара бүген Казанда, “Корстон” комплексы мәйданчыгында узды, анда ТР төзелеш, архитектура һәм ТКХ министры Ирек Фәйзуллин катнашты.
Татарстан Республикасы Президенты Рөстәм Миңнеханов Мәскәүгә эш сәфәре кысаларында берничә очрашу уздырды.
Стратегик инициативалар агентлыгы генераль директоры Светлана Чупшева белән очрашуында "Яшь профессионаллар" СИА юнәлеше директоры Дмитрий Песков, СИА коммуникацияләр буенча директоры Игорь Карачин, Татарстан Республикасы икътисад министры Артем Здунов, ТР мәгариф һәм фән министрының беренче урынбасары Андрей Поминов катнаштылар.
Бүген Татарстан Республикасы Президенты Рөстәм Миңнеханов Латвия Республикасының Россия Федерациясендәге Гадәттән тыш һәм Тулы вәкаләтле Илчесе Астра Курме белән очрашты.
Очрашу Татарстан Республикасы Хөкүмәте Йортында узды.
Бүген Татарстан Республикасы Президенты Рөстәм Миңнеханов Татарстан Республикасы Президенты каршындагы Эшкуарлык советының IV киңәйтелгән утырышын уздырды.
Чара Казанда «Корстон» КСККда узды. Аның эшендә Татарстан Республикасы Премьер-министры вазыйфаларын башкаручы Алексей Песошин, Казан мэры Илсур Метшин, ТР Президенты Аппараты Җитәкчесе Әсгать Сәфәров, эшкуарлар хокукларын яклау буенча Татарстан Республикасы Президенты каршындагы вәкаләтле вәкил Тимур Нагуманов, дәүләт хакимияте органнары вәкилләре, муниципаль берәмлекләр җитәкчеләре, шулай ук 400гә якын эшкуар катнашты.
Сәламләү сүзендә Рөстәм Миңнеханов бизнес-секторның көн үзәгендәге проблемаларын хәл итү өчен әлеге мәйданчыкның бик мөһим булуын билгеләп үтте. Бүген 50 проект төркеменә 1000 эшкуар һәм 250ләп дәүләт хакимияте структурасы вәкилләре җәлеп ителгән. Ел саен 300ләп утырыш уздырыла.
Татарстан Республикасы территориясендә "Ефәк юл" (Silk Way) халыкара ралли этабын әзерләү һәм уздыру мәсьәләләре буенча киңәшмәне Татарстан Республикасы Президенты Рөстәм Миңнеханов үткәрде.
Чара ТР Хөкүмәте Йортында узды, анда ТР Министрлар Кабиенты Аппараты җитәкчесе Шамил Гафаров, министрлыклар һәм ведомтсволар вәкилләре катнашты.
"Ефәк юл" халыкара ралли" проекты җитәкчесе Владимир Чагин хәбәр иткәнчә, 2017 елда ралли 7 июль көнне Мәскәүдә башлана һәм Кытай шәһәре Сианьда тәмамлана. Алдагы еллардагы кебек үк трасса өч илдән уза: Россия, Казахстан, Кытай.
Бүген «Түбән Кама нефть химиясе» ГАҖ акционерларының еллык җыелышында предприятиенең яңа Директорлар советын сайладылар.
Искәртик, чара Түбән Кама шәһәрендә Татарстан Республикасы Президенты Рөстәм Миңнеханов катнашында узды.
Татарстан Республикасы Президенты Рөстәм Миңнеханов «Түбән Кама нефть химиясе» ГАҖнең 2016 елдагы уңышларын югары бәяләде. Бүген бу хакта ул «Түбән Кама нефть химиясе» ГАҖ акционерларының еллык гомуми җыелышы тәмамланганнан соң матбугат конференциясендә хәбәр итте.
«2015 елгы база җитәрлек дәрәҗәдә югары булмауга карамастан, «Түбән Кама нефть химиясе» ГАҖ күләмнәрне саклап калу белән бергә, аларны 2 процентка арттырды да. Моннан тыш, предприятие яңа продуктларны һәм яңа базарларны актив үзләштерә.