ЯҢАЛЫКЛАР

Татарстанның коррупциягә каршы чараларны гамәлгә ашыру тәҗрибәсен Россиянең башка төбәкләренә дә кулланырга тәкъдим итәләр. Бу хакта бүген Татарстан Республикасы Президенты Рөстәм Миңнеханов ТР Коррупциягә каршы көрәш эшен җайга салу комиссиясе утырышында белдерде. Казан Кремленең Вәкиллек корпусында узган утырышта ТР Дәүләт Киңәчесе Минтимер Шәймиев, ТР Премьер-министры Илдар Халиков, ТР Дәүләт Советы Рәисе Фәрит Мөхәммәтшин, ТР дәүләт хакимиятие органнары җитәкчеләре, ТР Президенты Аппараты һәм Министрлар Кабинеты вәкилләре, муниципаль районнар һәм шәһәр округлары җитәкчеләре катнашты. 

Бүген Татарстан Республикасы Президенты Рөстәм Миңнеханов «Федераль пассажир компаниясе» АҖ генераль директоры Петр Иванов белән очрашты.

Очрашу Татарстан Республикасы Хөкүмәте Йортында узды.

Яклар тимер юл траспортын үстерү, ерак араларга тимер юлда пассажирлар йөртүгә идарә өлешендә киләчәктә үзара хезмәттәшлек мәсьәләләре турында фикер алыштылар, башка темаларга да кагылдылар.  

Педагогик кадрлар әзерләү Татарстан Республикасы мәгариф тармагының әһәмиятле һәм көнүзәк бурычы булып кала. Бу хакта бүген Татарстан Республикасы Президенты Рөстәм Миңнеханов Казан (Идел буе) федераль университетының Попечительләр советы утырышында белдерде. 

Бүген Татарстан Республикасы Президенты Рөстәм Миңнеханов Казан (Идел буе) федераль университетының университет шәһәрчеге объектларында булды. Уку корпусларын карап чыгу КФУ Попечительләр советының ел саен уздырыла торган утырышы алдыннан гамәлгә ашырылды.

Рөстәм Миңнехановны ТР Президенты Аппараты Җитәкчесе Әсгать Сәфәров, Татарстан Республикасы Премьер-министры урынбасары – Татарстан Республикасы мәгариф һәм фән министры Энгель Фәттахов, Татарстан Республикасы Президенты ярдәмчесе Ләйлә Фазлыева, Татарстан Республикасы сәламәтлек саклау министры Гадел Вафин, Татарстан Республикасы төзелеш, архитектура һәм ТКХ министры Ирек Фәйзуллин, Казан мэры Илсур Метшин, КФУ ректоры Илшат Гафуров озата йөрде. 

Бүген Лейпцигка эш сәфәре кысаларында Татарстан Республикасы Президенты Рөстәм Миңнеханов «Z/Intec-2017» халыкара сәнәгать күргәзмәсенә барды. Күргәзмә Лейпциг ярминкәсе территориясендә узды. 

Бүген Татарстан Республикасы Президенты Рөстәм Миңнеханов Саксония Премьер-министры Станислав Тиллих белән Германиядә Татарстан Республикасы вәкиллеген ачу мөмкинлеге турында сөйләште. Очрашу Татарстан Республикасы Президентының Лейпцигка (ФРГ) эш сәфәре кысаларында узды. 

8 Март – Халыкара хатын-кызлар көне уңаеннан Татарстан Республикасы Президенты Рөстәм Миңнеханов мөрәҗәгате. 

Бүген Татарстан Республикасы Президенты Рөстәм Миңнеханов Лейпицгка (ФРГ) эш сәфәре кысаларында Саксония Премьер-министры Станислав Тиллих белән очрашты.  
Яклар хезмәттәшлекнең тупланган тәҗрибәсе кысаларында киләчәк хезмәттәшлек мәсьәләләре турында фикер алыштылар. 
Станислав Тиллих, Рөстәм Миңнеханов мөрәҗәгать итеп, аны сәламләде һәм «Z/Intec-2017» халыкара сәнәгать күргәзмәсендә катнашканы өчен рәхмәт белдерде.

Бүген Татарстан Республикасы Президенты Рөстәм Миңнеханов Германиягә эш сәфәре кысаларында Лейпцигта SpinLab – стартаплар акселераторы комбинатында булды. Бинаның гомуми мәйданы 100 мең кв.м. Эшчәнлекнең төрле өлкәләреннән 350дән артык арендатор бар монда: төрле һөнәрләр, сәнәгать һәм мәдәният өлкәләре.
Татарстан делегациясе өчен бизнес-акселераторны проект идарәчесе Бертрам Шульце тәкъдир итте. 

Бүген Германиягә эш сәфәре кысаларында Татарстан Республикасы Президенты Рөстәм Миңнеханов BMW автоконцерны заводында булды. Татарстан Республикасы Президентын Саксония Юстиция министры Себастьян Гемков, Россиянең Лейпцигтагы Генераль консулы Вячеслав Логутов, башка рәсми затлар озата йөрде.