ЯҢАЛЫКЛАР
Бүген Казанда Г.Тукай ис. Татар дәүләт филармониясендә Россия Федерациясе Прокуратурасы органнарының төзелүенә 295 ел тулуга багышланган тантана узды.
Чарада Татарстан Республикасы Президенты Рөстәм Миңнеханов, Татарстан Республикасы Прокуроры Илдус Нәфыйков, Татарстан Республикасы буенча Баш федераль инспектор Ренат Тимерҗанов һәм башкалар катнашты.
Прокуратура хезмәткәрләренә Россия Федерациясе Генераль прокуроры Юрий Чайканың видеокотлавы, шулай ук 2016 елда Татарстан Республикасы Прокуратурасы эшчәнлеге турында видеоролик күрсәтелде.
Бүген "Кортсон" кунакханә комплексы мәйданында "Бердәм Россия" Бөтенрәссия сәяси партиясенең Татарстан төбәк бүлекчәсенең XXVI конференциясе узды. Анда узган дүрт елдагы эшчәнлеккә нәтиҗәләр чыгарылды.
Конференция эшендә Татарстан Республикасы Президенты, "Бердәм Россия" партиясенең Югары советы әгъзасы Рөстәм Миңнеханов, "Бердәм Россия" партясе Генераль советы Секретаре, Дәүләт Думасы Рәисе урынбасары Сергей Неверов, "Бердәм Россия" БСП ТТБ Секретаре, ТР Дәүләт Советы Рәисе Фәрит Мөхәммәтшин, Татарстан Республикасыннан РФ Дәүләт Думасында депутатлар һәм бөтен республикадан 300 гә якын делегат катнашты.
Татарстан Республикасында 2017 елга күп фатирлы йортларга капиталь ремонт программасында, Кайбыч һәм Чүпрәле районнарыннан гайре, 43 муниципаль район катнаша. 2017 елда барлыгы 998 күп фатирлы йортка капиталь ремонт ясалачак.
Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Илдар Халиков та катнашты.
Татарстан Республикасында авыл хуҗалыгы оешмалары көненә уртача 3 мең тонна сөт җитештерә, ягъни 2016 ел дәрәҗәсенә карата 103 %. Республикага Россия товар сөтенең 8 проценты туры килә.
Бу хакта бүген ТР Хөкүмәте Йортындагы республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Әхмәтов хәбәр итте.
Киңәшмәне бөтен муниципаль берәмлекләр белән Татарстан республикасы Президенты Рөстәм Миңнеханов видеоконференцэлемтә режимында уздырды. Киңәшмә эшендә ТР Премьер-министры Илдар Халиков катнашты.
Узган 2016 елны Россия Пенсия фондының ТР буенча бүлеге яхшы күрсәткечләр белән төгәлләде.
Бу хакта бүген Татарстан Премьер-министры Илдар Халиков Россия Пенсия фондының ТР буенча бүлеге координация советының киңәйтелгән утырышында белдерде.
Утырышның төп темасы – “Россия Пенсия фондының ТР буенча бүлегенең 2016 елдагы эшчәнлек нәтиҗәләре һәм 2017 елга бурычлар турында”.
Илдар Халиков билгеләгәнчә, 2016 елда пенсия түләүгә үз акчабыз белән тәэмин ителеш дәрәҗәсен 63%ка арттыру мөмкин булды, 2015 елда 60% иде.
2016 елда Татарстанда пенсияләр һәм пособиеләр түләүгә 173 млрд сум акча сарыф ителгән. Бу 2015 елдагыдан 9 млрд сумга (5,5 процентка) артыграк.
Бүген Россия Пенсия фондының Татарстандагы бүлеге коллегиясе утырышында шундый мәгълүмат бирелде.
Коллегиянең ел йомгакларына багышланган утырышында Татарстан Премьер-министры Илдар Халиков, Россия Пенсия фондының Татарстандагы бүлеге идарәчесе Эдуард Вафин, республика министрлыклары һәм ведомстволары вәкилләре катнашты.
Бүген Татарстан Республикасы Президенты Рөстәм Миңнеханов Мәскәүгә эш сәфәре кысаларында Тинькофф Банкына нигез салучы һәм аның Директорлар советы рәисе Олег Тиньков белән очрашты.
Бүген Мәскәүгә эш сәфәре кысаларында Татарстан Республикасы Президенты Рөстәм Миңнеханов Дәүләт Третьяков галереясендә булды. ТР Президентын галерея генераль директоры Зөлфирә Трегулова, РФ мәдәният министры урынбасары Александр Журавский, ТР Президенты ярдәмчесе Наталия Фишман, Татарстан мәдәният министры Айрат Сибагатуллин һәм башкалар озата йөрде.
Бүген Татарстан Республикасы Президенты Рөстәм Миңнеханов «Гайдар Форумы - 2017» халыкара фәнни-гамәли конференциясе кысаларында «Яңа төбәк сәясәте» эксперт дискуссиясендә катнашты.
Дискуссияне оештыручы – Стратегик эшләнмәләр үзәге Советы рәисе Алексей Кудрин. Дискуссия эшендә шулай ук Владимир өлкәсе Губернаторы Светлана Орлова, Калуга өлкәсе Губернаторы Анатолий Артамонов, Калининград өлкәсе губернаторы вазыйфаларын вакытлыча башкаручы Антон Алиханов, Россия Федерациясе Икътисадый үсеш министры урынбасары Александр Цыбульский һәм башкалар катнашты.
Бүген Татарстан Республикасы Президенты Рөстәм Миңнеханов Мәскәүгә эш сәфәре кысаларында Нидерландия Корольлегенең РФдәге Гадәттән тыш һәм Тулы вәкаләтле Илчесе Регина Вероника Мария Джонс-Бос белән очрашты.
Рөстәм Миңнеханов ассызыклаганча, Татарстан Россия-Нидерландия мөнәсәбәтләре кысаларында Нидерландия белән хезмәттәшлекне үстерергә тели.