Бүген Казанның "Корстон" комплексында XVI Россия һәм XI Казан венчур ярминкәләре ачылды. Чарада Татарстан Республикасы Президенты Рөстәм Миңнеханов катнаша.

"Без сезне Татарстан Республикасы башкаласы Казанда сәламлибез. XVI Россия һәм XI Казан венчур ярминкәләрен оештыручыларга, илнбезнең венчур хәрәкәтенең чишмәбашында торган затларга рәхмәтемне җиткерәсем килә. Аеруча чит ил партнерларына рәхмәтемне белдерәм", - дип мөрәҗәгать итте Рөстәм Миңнеханов ачылу тантанасында катнашучыларга.

Бүген Татарстан Республикасы Президенты, Россия Инновацион төбәкләре ассоциациясе Советы рәисе Рөстәм Миңнеханов җитәкчелегендә Россия Федерациясе Инновацион төбәкләре ассоциациясе комитетлары җитәкчеләренең традицион утырышы узды. Чара Казанда «Корстон» КСККда булды. 

Утырышта катнашучыларны сәламләп, Рөстәм Миңнеханов билгеләп үткәнчә, бүгенге гади генә булмаган шартларда Россия Инновацион төбәкләре ассоциациясе (ИТА) активрак эшләргә һәм үз алдына яңа актуаль бурычлар куярга тиеш. 

Бүген Татарстан Республикасы Президенты Рөстәм Миңнеханов Ирландия Республикасының Россия Федерациясендәге Гадәттән тыш һәм Тулы вәкаләтле илчесе Эдриан МакДэйд белән очрашты.

Очрашу Казан Кремлендә үтте.

Рөстәм Миңнеханов, Ирландия Республикасы делегациясен сәламләп, Татарстанга визитлары Казан һәм республика турында уңай тәэсирләр калдырыр дигән өметен белдерде. 

Ул шулай ук Эдриан МакДэйдны Ирландия Республикасының Россия Федерациясендәге Гадәттән тыш һәм Тулы вәкаләтле илчесе итеп билгеләнүе белән котлады. 

Бүген Татарстан Республикасы Президенты Рөстәм Миңнеханов Габдулла Тукай исемендәге Татарстан Республикасы Дәүләт премиясе лауреатларын бүләкләде. 

Тантана М. Җәлил исемендәге Татар дәүләт академия опера һәм балет театрында узды. Чарада шулай ук Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе урынбасары Римма Ратникова, Татарстан Республикасы Хөкүмәте әгъзалары, Татарстан Республикасы Президенты Аппараты вәкилләре, республика министрлыклары һәм ведомстволары җитәкчеләре һәм башкалар катнашты.   

“Ефәк юлы” ралли участогы тагын Татарстан аша узачак. Бу турыда бүген ТР Хөкүмәте йортында узган брифингта ТРның Туризм буенча Дәүләт комитеты рәисе урынбасары Екатерина Барабанова хәбәр итте.

“Татарстан тарихта аерым урын алып тора – 2009 елда монда ярышлар башланды. Ралли башка форматта әйләнеп кайта”, - диде ул бүген журналистларга.

Казанда “Туган авылым” милли комплекс мәйданчыгында туристлар өчен махсус атналык театральләштерелгән Kazan фольклор тамашасы башланачак. Проект ТРның Туризм буенча Дәүләт комитеты ярдәме белән гамәлгә ашырыла.

Бу хакта бүген ТР Министрлар Кабинетында узган брифингта ТРның Туризм буенча Дәүләт комитеты рәисе урынбасары Екатерина Барабанова хәбәр итте.

Бүген Казанда Татарстан Президенты Рөстәм Миңнеханов рәислегендә «Татнефтехиминвест-холдинг» ААҖ Директорлар Советы утырышы булды.

Республиканың нефть-газ-химия комплексында нефть табу һәм эшкәртү, пластмасса эшләнмәләр җитештерү арта. Химия продукциясе җитештерү узган елгы дәрәҗәдә калган. Бу хакта холдингның генераль директоры Рафинат Яруллин I квартал нәтиҗәләренә багышланган докладында хәбәр итте. Шул ук вакытта, аның мәгълүматы буенча, ягулык секторы компанияләренең табышы, кереме һәм республика бюджетына күчерелә торган акчалары кимегән. Химия һәм нефть химиясе өлкәсендә "Амонний" комплексы эшли башлау сәбәпле, үсеш күзәтелә, төп химия предприятиеләрендә, "Кварт" һәм "Химград"та сату күләме арткан. 

ЮНЕСКО эшләре буенча Россия Федерациясе комиссиясе Татарстан Республикасы Президенты Рөстәм Миңнехановка «Созвездие-Йолдызлык» республика ачык телевизион яшьләр эстрада сәнгате фестивален оештыруга һәм уздыруга өлеш керткәне рәхмәт белдерде.  

Комиссия җаваплы секретаре Григорий Орджоникидзе тарафыннан имзаланган, Татарстан Республикасы Президенты адресына юлланган телеграммада әйтелгәнчә, «гаҗәеп җылы иҗат атмосферасында узган  фестиваль, чынлап торып күркәм бәйрәмгә, тантаналы һәм уникаль вакыйгага әверелде».

Бүген бөек татар шагыйре Габдулла Тукай тууына 130 ел. Татарстан Республикасы Президенты Рөстәм Миңнеханов Г.Тукай скверындагы шагыйрь һәйкәленә чәчәкләр салды.

Хөрмәтле татарстанлылар! Кадерле ватандашлар! Сезне Татарстанның, күпмилләтле Россиянең һәм бөтен төрки дөньяның мәдәни тормышындагы истәлекле вакыйга – бөек татар шагыйре Габдулла Тукайның тууына 130 ел тулу белән чын йөрәктән тәбрик итәм.