Татарстан Республикасы Хөкүмәте

ЯҢАЛЫКЛАР

июль, 2015 ел

дүшәмбе

Рөстәм Миңнеханов Улан-Удэда Бурятия татар җәмәгатьчелеге вәкилләре белән очрашты

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Бурятия Республикасы татар җәмәгатьчелеге вәкилләре белән очрашты. Очрашу Улан-Удэ шәһәрендә күптән түгел ачылган Бурятия Халыклар дуслыгы йортында уздырылды.

Илдар Халиков: Казанда Спортның су төрләре буенча дөнья чемпионатын уздыру өчен FINA таләпләре тулысынча үтәлгән

Казан Спортның су төрләре буенча Дөнья чемпионатын уздыруга тулысынча әзер, бары тик спорт командаларына һәм тамашачыларга уңайлылык тудыруга бәйле эшләрне генә шомартып бетерәсе бар. Бу хакта бүген журналистларга ТР Министрлар Кабинетында узган матбугат конференциясендә Татарстан Премьер-министры Илдар Халиков хәбәр итте.

Казанда 2015 елгы Спортның су төрләре буенча дөнья чемпионатына 190 илдән 2651 спортчы киләчәк

Казанда 2015 елгы Спортның су төрләре буенча ДЧна 190 илдән 2651 спортчы киләчәк. Бу хакта бүгенТатарстан Премьер-министры Илдар Халиков Казанда Спортның су төрләре буенча 16 нчы Дөнья чемпионатына һәм “Мастерс” категориясендә Дөнья чемпионатына әзерлек һәм бу чараларны уздыру буенча оештыру комитеты утырышында хәбәр итте.

Рөстәм Миңнеханов: Бурятия Республикасының үсешкә мөмкинлекләре гаять зур

Бурятия Республикасының үсешкә мөмкинлекләре гаять зур. Бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов Бурятия башлыгы Вячеслав Ноговицин белән очрашуда белдерде. Чарада шулай ук ТР Президенты Аппараты җитәкчесе Әсгать Сәфәров, ТР сәнәгать һәм сәүдә министры урынбасары Рашат Фәттахов, ТР Президентының Тышкы багланышлар департаменты директоры урынбасары Марат Гатин, Бурятия Республикасы министрлык һәм ведомстволары вәкилләре катнашты.

Рөстәм Миңнеханов Бурятиядә агач эшкәртү комбинатында булды

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Бурятиядә «Байкал урман компаниясе» ААҖ Ильинка агач эшкәртү комбинатында булды. Аны регион башлыгыВячеслав Наговицин озата йөрде. Татарстан делегациясе составында Татарстан Республикасы Президенты Аппараты җитәкчесе Әсгать Сәфәров, ТР сәнәгать һәм сәүдә министры урынбасары Рашат Фәттахов, ТРПрезидентының Тышкы багланышлар департаменты директоры урынбасары Марат Гатин һәм башкалар бар.

июль, 2015 ел

якшәмбе

Рөстәм Миңнеханов эш сәфәре белән Бурятия Республикасына килде

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов эш сәфәре белән Бурятиягә килде. Улан-Удэ шәһәрендәге «Байкал» халыкара аэропортында аны республика башлыгы Вячеслав Наговицин каршы алды.

Ике көнлек визиты кысаларында Рөстәм Миңнеханов регион җитәкчелеге белән берничә очрашу уздырырга, шулай ук татар иҗтимагый оешмалары активистлары белән очрашып сөйләшергә ниятли.

Рөстәм Миңнеханов: "Федераль Сабан туе - татарлар өчен генә түгел, бөтен милләтләр өчен әһәмиятле вакыйга"

Бүген Красноярскиның Татышев утравында XV федераль Сабан туе башланды. Быел бәйрәм Красноярск крае һәм Татарстан Республикасы ярдәмендә уза.

Сабан туе сәхнәләштерелгән тамаша белән ачылды, анда Татарстан, күбесенчә Түбән Каманың иҗат коллективлары, крайның татар берләшмәләре вәкилләре катнашты. Чыгышның төп темасы - татар милләтенең мәдәни гореф-гадәтләрен чагылдыру.

Рөстәм Миңнеханов Красноярск крае губернаторы Виктор Толоконский белән очрашты

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Красноярск крае губернаторы Виктор Толоконский белән очрашты. Очрашу Рөстәм Миңнехановның Красноярскка эш сәфәре кысаларында узды. Яклар очрашу барышында социаль-икътисадый һәм мәдәни өлкәләрдәге киләчәк хезмәттәшлек мәсьәләләре буенча фикер алыштылар.

июль, 2015 ел

шимбә

Рөстәм Миңнеханов Красноярскидагы федераль Сабантуй турында: «Бу Сабантуй иң шәбе булачак»

Бүген Красноярскида «Себер» гранд-холл» концертлар залында Татарстан Республикасы сәнгать осталары концерты узды. Иртәгә, 19 июльдә, монда XV федераль Сабантуй узачак. Красноярскига берничә көн элек Татарстан иҗат делегациясе килде, ул Красноярск иҗат коллективлары белән бергә бәйрәмгә әзерләнә. Татарстан Республикасы сәнгать осталары концерты иртәгә федераль Сабантуй-2015нең төп чараларыннан берсе булачак. Бәйрәм чарасын ачу тантанасына Татарстан Республикасы Президенты вазыйфаларын вакытлыча башкаручы Рөстәм Миңнеханов, Татарстан Республикасы мәдәният министры Айрат Сибәгатуллин һәм республикабызның башка вәкилләре килде.

Рөстәм Миңнеханов ике көнлек эш сәфәре белән Красноярскка килде

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов ике көнлек (2015 елның18-19 июле) эш сәфәре белән Красноярскка килде.

«Емельяново» (Красноярск) аэропортында Рөстәм Миңнехановны Красноярск крае губернаторы Виктор Толоконский һәм Красноярск шәһәре мэры Әдхәм Акбулатов каршы алды.

Рөстәм Миңнеханов эш сәфәренең төп максаты – 2015 елгы XV федераль Сабантуенда катнашу, ул Красноярскта 18 июльдән алып 19 июльгә кадәр уза.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ