ЯҢАЛЫКЛАР

5 сентябрьдә Алтай крае администрациясе бинасында ТР Дәүләт Киңәшчесе Минтимер Шәймиевның Алтай крае губернаторы Александр Карлин белән очрашуы булды.

Бүген ТР Хөкүмәт Йортында ТР Президенты Рөстәм Миңнеханов катнашында “Эре шәһәрләрнең һәм эре шәһәр агломерацияләренең иң яхшы шәһәр төзелеше үрнәгенә анализ” темасына фәнни-гамәли семинар үтте.

Бүген ТР Премьер-министры Илдар Халиков авылның социаль үсеше мәсьәләләре буенча киңәшмәдә катнашты, аны Саратов өлкәсендә РФ Премьер-министры Дмитрий Медведев уздырды.

РФ Хөкүмәте башлыгы авылны социаль яктан яхшырту мәсьәләләрен хәл итү процессында җирле хакимият кенә түгел, ә җәмәгатьчелек вәкилләре дә катнашырга тиеш булуын белдерде.

Медведев авылның социаль үсеше программасы 2013 нче елга кадәр тормышка ашырылуын искәртте.

РФ Хөкүмәте башлыгы билгеле бер үзгәрешләргә (авыл инфраструктурасы – мәктәпләр, ФАПлардан алып, башка объектларга кадәр) ирешеп булуын билгеләде.

Хәзерге вакытта бу максатларга федераль бюджеттан якынча 30 миллиард сум акча бүлеп бирелә, инде 117 милилард сум төбәк җирле бюджетлардан килде, диде Медведев.

Россия Премьер-министры якынча 6 миллион кв.метр торак төзелүен, аның яртысына якыны яшь белгечләр өчен булуын әйтте.

Алдагы мәсьәләләр рәтендә хөкүмәт башлыгы сакланырга тиешле мәгариф учреждениеләре үсешен билгеләп үтте.

Ул шулай ук авыл җирлегендә мәдәният учреждениеләрен реконструкцияләү һәм сәламәт яшәү рәвешен популярлаштыру өчен тиешле шартларны булдырырга кирәклеген ассызыклады.

Россия Хөкүмәте башлыгы фикеренчә, авыл юллары төзелеше мөһим мәсьәлә булып кала бирә. Ул быел 600 км автомобиль юлын төзү планлаштырылуын искәртте, ләкин РФ Хөкүмәте башлыгы фикеренчә, “бу безнең ил масштабларында бер тамчы гына”.

Медведев чишәргә кирәкле булган тагын бер мәсьәлә итеп, авыл медицина учреждениеләре үсешен атады. Аның сүзләренчә, бу өлкәдә тиешле һәм кирәкле кадәр медицина хезмәтен күрсәтү принцибын кулланырга кирәк. Ул шулай ук авыл медицина учреждениеләре өчен яңа җиһазлар, шул исәптән, беренче ярдәм күрсәтү машиналарын алу мөһимлеген ассызыклады.

Казан халыкара мөселман киносы фестивале бурычы – традицион исламның тынычлык сөя торган асылын күрсәтү. Шундый фикерне бүген ТР Президенты Рөстәм Миңнеханов VIII фестиваль кунаклары белән очрашу барышында әйтте. Казан Кремлендә булган очрашуда ТР Президенты Аппараты җитәкчесенең беренче урынбасары Марат Моратов, ТР мәдәният министры Айрат Сибагәтуллин катнашты. Очрашу фестиваль ачылышы алдыннан булды.

ТР Дәүләт киңәшчесе, ТР Тарихи һәм мәдәният һәйкәлләрен торгызу фондының попечительлек советы рәисе Минтимер Шәймиев “Идел-Алтай” III Болгар форумы кысаларында узган II Халыкара Евразия далаларының урта гасыр археологиясе конгрессы ачылышында катнашты.

4 сентябрьдә Татарстан Хөкүмәте белән Carnegie Mellon University (CMU) – iCarnegie мәгариф бүлекчәләре мөнәсәбәтләр турында меморандум имзалады. Татарстан ягыннан документка Татарстан Президенты Рөстәм Миңнеханов кул куйды, CMU ягыннан - iCarnegie баш башкаручы директоры Джил Таран (Gil Taran).

Бүген Татарстан Республикасы Президенты Рөстәм Миңнеханов Карнеги Меллон университетының архитектура факультетында “Разумное рабочее пространство” проекты белән танышты. Бу хакта ТР Президенты матбугат хезмәте хәбәр итә. ТР Президентын сәфәрдә ТР Премьер-министры урынбасары – мәгълүматлаштыру һәм элемтә министры Роман Шәйхетдинов, Идел буе федераль университеты ректоры Илшат Гафуров һ.б. озатып йөрде.

Татарстанда “Иннополис” иярчен инновацияле шәһәре төзелеше проекты кысаларында заманча IT-университет төзүгә барлык ресурслар җәлеп ителәчәк. Бүген Питтсбургта (АКШ) Карнеги Меллон университеты (Carnegie Mellon University) вәкилләре белән очрашуда Татарстан Президенты Рөстәм Миңнеханов шулай дип белдерде. Очрашуда iCarnegie директоры Гил Таран, iCarnegie ның хәйриячелек буенча директоры Майкл Штайнер һ.б. катнашты.

Бүген ТР Дәүләт Киңәшчесе Минтимер Шәймиев Алтай краена килеп җитте. Барнаулда, Г.С.Титов исемендәге аэропортта аны Алтай крае губернаторы урынбасары Борис Ларин, Россия ЭЭМның Алтай крае буенча Баш идарәсе башлыгы Ренат Тимерҗанов, Алтай дәүләт университеты ректоры Сергей Землюков каршы алды.

Бүген Татарстан Республикасы Президенты Рөстәм Миңнеханов Питтсбургта (АКШ, Пенсильвания штаты) эш сәфәрендә. Сәфәрнең төп максаты – мәгълүмат технологияләре өлкәсендә белгечләр әзерләүдә һәм “Иннополис” инновацион спутник-шәһәре проектын гамәлгә кую кысаларында файдалану өчен Карнеги Меллон университеты (Carnegie Mellon University) эшчәнлеге белән танышу.