ЯҢАЛЫКЛАР
Бүген Казанның "Пирамида" мәдәни-күңел ачу комплексында Россия һәм Татарстан һөнәр берлекләре хәрәкәтенең 110 еллыгына багышланган тантаналы чара узды.
Бөтен республикадан һөнәр берлекләре оешмалары вәкилләре һәм һөнәр берлекләре хәрәкәте ветераннары килгән чарада Россия Федерациясе Бәйсез һөнәр берлекләре федерациясе рәисе Михаил Шмаков һәм Татарстан Республикасы Президенты Рөстәм Миңнеханов катнашты.
Бүген Татарстан Республикасы Хөкүмәте Йортында Татарстан Республикасы Президенты Рөстәм Миңнеханов Россия Федерациясе Бәйсез һөнәр берлекләре федерациясе рәисе Михаил Шмаков белән очрашты.
Очрашуда яклар күп төрле мәсьәләләр буенча фикер алышты.
2015 елның 25 сентябренә республикада 1 млн. 659,5 мең кв.м. торак файдалануга тапшырылган, бу еллык биремнең 69,1 % ын тәшкил итә (үткән ел белән чагыштырганда 101,2 %). Шул исәптән үткән 2 атна эчендә 51,7 мең кв.м торак файдалануга тапшырылган. Бүген бу хакта Татарстан Республикасы Хөкүмәте Йортында уздырылган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Искә төшерәбез, бүген V чакырылыш Татарстан Дәүләт Советының унынчы утырышы барышында ТР Президенты Рөстәм Миңнеханов Татарстан Хөкүмәтенең яңа составын раслады.
Бүген Казанда "Россия ел укытучысы-2015" бөтенроссия конкурсы башланды. Чара Г.Камал исемендәге Татар дәүләт академия театрында узды.
Анда ТР Президенты Рөстәм Миңнеханов һәм РФ мәгариф һәм фән министры Дмитрий Ливанов, шулай ук ТР Премьер-министры урынбасары - ТР мәгариф һәм фән министры Энгель Фәттахов һ.б. рәсми затлар катнашты.
Бүген бишенче чакырылыш Татарстан Республикасы Дәүләт Советының унынчы утырышында депутатлар Илдара Халиковны ТР Премьер-министры вазыйфасына расладылар. Элегрәк аның кандидатурасын парламентарийлар каравына Татарстан Республикасы Президенты Рөстәм Миңнеханов керткән иде. Ул ассызыклаганча, Илдар Халиков тәҗрибәле сәясәтче, ә Татарстан Хөкүмәте бүген нәтиҗәле административ команда булып тора.
Бүген Татарстан Республикасы Хөкүмәте Йортында Татарстан Республикасы Президенты Рөстәм Миңнеханов Кырым Республикасы милли-мәдәни автономияләре делегациясе белән очрашты. Очрашуда шулай ук Татарстан Республикасы Президенты Также во Аппараты җитәкчесе урынбасары Александр Терентьев, ТР мәдәният министрының беренче урынбасары Ирада Әюпова һәм башкалар катнашты.
Бүген Татарстан Республикасы Президенты Рөстәм Миңнеханов Кол Шәриф мәчетендә Корбан гаете намазында катнашты.
Мәчеттә меңнән артык кеше җыелган иде. Мәчеттә урын җитмәгән мөселманнар аның каршындагы мәйданда урнаштылар.