ЯҢАЛЫКЛАР
"Татнефть" ГАҖ Директорлар советының чираттагы утырышын Татарстан Республикасы Президенты, Директорлар советы рәисе Рөстәм Миңнеханов уздырды.
Чара ТР Хөкүмәте Йортында үтте.
Компаниянең гыйнвар ае бюджеты үтәлеше каралды һәм 2017 елның март аена бюджеты расланды.
Бүген Казан Кремлендә Татарстан Республикасы Президенты Рөстәм Миңнеханов исеменнән Ватанны саклаучылар көне уңаеннан тантаналы чара узды.
Искәртеп үтик, 1918 елның гыйнваренда Халык комиссарлары советы Эшче-крестьяннарның Кызыл армиясен булдыру турында декрет чыгарган. Һәр елны бу көнне билгеләп үтү карары кабул ителгән.
Татарстан Президенты запастагы хәрби хезмәткәрләрне, ветераннарны, хәрби бәрелешләрдә катнашучыларны Ватанны саклаучылар көне белән котлады. Ватанны саклаучылар көне Туган илгә хезмәт итү һәм тугрылык символына әйләнде, дип билгеләп үтте ул. «Традицион рәвештә бу көнне күпмилләтле илебез сагында торучыларны котлыйбыз, әтиләребез һәм бабаларыбызны, геройларыбызны искә алабыз, яшьләргә фатиха бирәбез», – диде Татарстан Президенты.
Бүген Татарстан Республикасы Премьер-министры Илдар Халиков Чаллыда булды. Төп максаты – Чаллы муниципаль берәмлегенең шәһәр советы утырышында катнашу. Ул 2016 елда Чаллының социаль-икътисади үсеш нәтиҗәләренә һәм 2017 елга куелган бурычларга багышланган иде.
Утырыш башланганчы Илдар Халиков һәм Чаллы мэры Наил Мәһдиев “КАМАЗ-Мастер” командасы узышчылары белән аралашты, “Кориб”, “Колуман Рус”, “КАМАЗ” компанияләре тәкъдим иткән автомобильләрне карады.
Бүген Татарстан Республикасы Президенты Рөстәм Миңнеханов Татарстан Республикасы судьяларының XII хисап-сайлау конференциясендә катнашты.
Чара «Корстон» КСККда узды (Казан).
Конференциядә катнашучылар алдында Татарстан Республикасы Югары Суды Рәисе Илгиз Гыйләҗев, Татарстан Республикасында Суд департаменты идарәсе башлыгы Җәүдәт Салихов, Татарстан Республикасы судьлар бергәлеге органнары җитәкчеләре чыгыш ясады.
Татарстан Республикасы Премьер-министры Илдар Халиков бүген Зәй районында булды.
Ул анда өченче чакырылыш Зәй муниципаль районы советының 16нчы утырышында катнашты. Утырыш башланыр алдыннан кунаклар сәнәгать предприятиеләре һәм эшкәртү тармагы оешмалары күргәзмәләре белән таныштылар.Татарстан Республикасы Премьер-министры Илдар Халиков бүген Зәй районында булды.
Бүген Татарстан Республикасы Президенты Рөстәм Миңнеханов Россия-Бәһрәйн хөкүмәтара сәүдә-икътисадый һәм фәнни-техник хезмәттәшлеге комиссиясенең беренче утырышында катнашты. Чара Манамада Россия Федерациясе Сәнәгать һәм сәүдә министры Денис Мантуров җитәкчелегендәге Россия рәсми делегациясенең Бәһрәйн Корольлегенә эш сәфәре кысаларында узды.
Утырышта шулай ук Бәһрәйн Корольлегенең Сәнәгать, сәүдә һәм туризм министры Зәйед Әл-Зәйяни, Россиянең Бәһрәйн Корольлегендәге Гадәттән тыш һәм Тулы вәкаләтле Илчесе Вагыйф Гәрәев, Россия һәм Бәһрәйн эшлекле даирәләре вәкилләре катнашты.
Бүген Манамада (Бәһрәйн Корольлеге) РФ сәнәгать һәм сәүдә министры Денис Мантуров Бәһрәйн Короле Хәмәд Әл Хәлифә белән очрашты. Чарада Татарстан Республикасы Президенты Рөстәм Миңнеханов катнашты.
Татарстан Республикасы Бәһрәйнне үзенең стратегик партнёры дип карый. Бүген бу хакта Татарстан Республикасы Президенты Рөстәм Миңнеханов Бәһрәйн Корольлегенең варис-шахзадәсе Салман Әл Хәлифә белән очрашуыннан соң массакүләм мәгълүмат чаралары вәкилләре белән интервьюсында хәбәр итте.
Искәртәбез, Рөстәм Миңнеханов Россия Федерациясе Сәнәгать һәм сәүдә министры Денис Мантуров җитәкчелегендәге Россия рәсми делегациясе составында Манамада.
Татарстан Республикасы Премьер-министры Илдар Халиков бүген Азнакай районына эшлекле очрашуга килде.
Төп максаты – Азнакай районы советы утырышында катнашу. Ул Азнакай районының 2016 елдагы социаль-икътисади нәтиҗәләренә һәм 2017 елга куелган бурычларга багышланган иде.
Бүген Манама шәһәрендә (Бәһрәйн Корольлеге) РФ Сәнәгать һәм сәүдә министры Денис Мантуров Оборона көчләре башкомандующие маршал Хәлифә бен Әхмәд Әл Хәлифә белән очрашты. Очрашуда Татарстан Республикасы Президенты Рөстәм Миңнеханов та катнашты.