ЯҢАЛЫКЛАР
Бүген Татарстан Лаеш муниципаль районында берьюлы өч балалар бакчасы үз ишекләрен ачты. Сокуры авылында балалар бакчасын ачуда Татарстан Республикасы Президенты вазыйфаларын вакытлыча башкаручы Рөстәм Миңнеханов һәм Россия Федерациясе Хөкүмәте Рәисенең беренче урынбасары Игорь Шувалов катнашты.
«Ромашка» балалар бакчасы 140 урынга исәпләнгән. Учреждениедә 1,5 яшьтән алып 7 яшькә кадәрге балалар тәрбияләнәчәк.
Бүген Татарстанга Россия Федерациясе Хөкүмәте Рәисенең беренче урынбасары Игорь Шувалов килде. «Казан» халыкара аэропортында аны Татарстан Республикасы Президенты вазыйфаларын вакытлыча башкаручы Рөстәм Миңнеханов каршы алды.
Сәфәренең максаты –торак төзелешен үстерү мәсьәләләре буенча бүген Татарстан Республикасы Хөкүмәте Йортында уздырылачак киңәшмәдә катнашу.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов «Мир Холдинг» һәм «Дизайн Груп» (Төркия) Директорлар советы рәисе Ибраһим Мирмәхмүтогуллары белән очрашты.
Очрашу Татарстан Республикасы Хөкүмәте Йортында узды.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Кырымга эш визиты белән барды. Сәфәрнең төп максаты - Кырым Республикасының милли иҗтимагый оешмалары вәкилләре белән очрашуда катнашу. Искәртик, Россия Федерациясе Президенты Владимир Путин Кырымга эш сәфәре кыла. Ялта шәһәрендә Владимир Путин Россия Федерациясендә туризмны үстерүгә багышланган Дәүләт советы президиумы утырышын уздырды. Шуннан Владимир Путин Кырым Республикасының милли иҗтимагый оешмалары вәкилләре белән очрашты. Чара Ялта районының Симеиз поселогында узды.
Очрашу ТР Хөкүмәте йортында узды, анда ТР сәнәгать һәм сәүдә министрының беренче урынбасары Руслан Кәбиров, ТР Премьер-министрының тышкы икътисади эшчәнлек буенча ярдәмчесе Назил Насыйбуллин катнашты.
Тантана “Иванушки International” төркеменең бәйрәм концерты белән башланып китте. Шулай ук тамашачыларга ДЧның иң төп вакыйгалары чагылдырылган махсус видеороликлар күрсәттеләр.
Концерт тәмамлангач сәхнәгә ТР Премьер-министры Илдар Халиков һәм ФИНА бюросы әгъзасы Мөхәммәд Диоп чыкты.
Бүген көннең икенче яртысында Татарстан Республикасы Президенты вазыйфаларын вакытлыча башкаручы Рөстәм Миңнеханов «Алабино» (Мәскәү өлкәсе) полигонында «Халыкара армия уеннары- 2015»нең йомгаклау этабында - «Танк биатлоны» конкурсының финалында булды.
Фестивальне оештыручылар - Туризм буенча ТР Дәүләт комитеты һәм “Сулица” тарихи фехтования һәм реконструкцияләү үзәге”.
Беренче "Бөек Болгар" тарихи фестивале 2014 елда уздырылган иде.
Ачылыш тантанасында ТР Дәүләт Киңәшчесе, "Яңарыш" республика фондының Попечительләр советы Рәисе Минтимер Шәймиев, "Яңарыш" республика фондының башкарма директоры, ТР Дәүләт Советы рәисе урынбасары Татьяна Ларионова, Туризм буенча ТР Дәүләт комитеты рәисе Сергей Иванов, Спас районы башлыгы Камил Нугаев, ТР Дәүләт Советы депутаты, «Алексеевскдорстрой» ААҖ генераль директоры Фоат Валиев, ТР Дәүләт Советы депутаты Анастасия Исаева, ТР Министрлар Кабинеты Аппаратының ТР халыклары мәдәнияте һәм телләрен үстерү идарәсе башлыгы Гөлшат Нигъмәтуллина, Болгар музей-саклаулыгы директоры Фәргать Мөхәммәтов катнашты.
Татарстан Республикасында 2015 елның 15 августына 834 мең га мәйданда игеннәр суктырылган, ягъни урып-җыю мәйданнарының 53%ы. 1,8 млн. тонна иген җыеп алынган.
Бүген бу хакта Татарстан Республикасы Хөкүмәте Йортында уздырылган республика киңәшмәсендә Татарстан Республикасы Премьер-министры урынбасары-авыл хуҗалыгы һәм азык-төлек министры Марат Әхмәтов хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты вазыйфаларын вакытлыча башкаручы Рөстәм Миңнеханов уздырды. Анда шулай ук Татарстан Республикасы Премьер-министры Илдар Халиков та катнашты.