ЯҢАЛЫКЛАР
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Самарага эш сәфәре кысаларында Россия Федерациясе Президентының Идел буе федераль округындагы Тулы вәкаләтле вәкиле каршындагы Совет утырышында катнашты. Фикер алышуның төп темасы хәзерге заман шартларында терроризмга һәм экстремизмга каршы көрәш өлкәсендә милли иминлекне тәэмин итү мәсьәләләре булды.
Шулай ук утырыш барышында Россия Федерациясе Президентының Идел буе федераль округындагы Тулы вәкаләтле вәкиле Михаил Бабич, Илкүләм терроризмга каршы комитет аппараты җитәкчесенең беренче урынбасары Евгений Ильин, Татарстан Республикасы буенча баш федераль инспектор Ренат Тимерҗанов, Татарстан Республикасы Дәүләт Советы Рәисе Фәрит Мөхәммәтшин, Идел буе федераль округындагы Россия Федерациясе субъектлары җитәкчеләре һәм башкалар катнашты.
Бүген көндез Татарстан Республикасы Президенты вазыйфаларын вакытлыча башкаручы Рөстәм Миңнеханов Самарага эш визиты белән килде. Сәфәрнең төп максаты – Идел буе федераль округы (ИФО) Советы утырышында катнашу. Утырыш эшендә шулай ук РФ Президентының Идел буе федераль округындагы Тулы вәкаләтле вәкиле Михаил Бабич, ТР буенча баш федераль инспектор Ренат Тимерҗанов, Татарстан Республикасы Дәүләт Советы Рәисе Фәрид Мөхәммәтшин һәм башкалар катнаша.
«ТАИФ» компанияләре төркеменең 2014 елда чиста табышы 45 млрд. сум, «ТАИФ» ААҖнең 8 млрд. сум чамасы. Бүген бу хакта матбугат конференциясендә «ТАИФ» ААҖ Директорлар советы рәисе, генераль директорының беренче урынбасары Рөстәм Султиев хәбәр итте.
Матбугат конференциясе «ТАИФ» ААҖ акционерларының еллык гомуми җыелышы һәм Директорлар советы утырышы тәмамланганнан соң уздырылды. Матбугат конференциясендә Татарстан Республикасы Президенты вазыйфаларын вакытлыча башкаручы Рөстәм Миңнеханов, «ТАИФ» ААҖ генераль директоры Альберт Шиһабетдинов катнашты.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов «ТАИФ» ААҖ акционерларының еллык гомуми җыелышында катнашты, анда «ТАИФ» компанияләре төркеменең һәм акционер җәмгыятенең 2014 елдагы эшчәнлегенә йомгак ясалды.
«ТАИФ» компанияләре төркеменең һәм акционер җәмгыятенең хисап чорындагы эшчәнлеге нәтиҗәләре турындагы нотык белән «ТАИФ» ААҖ генераль директоры Альберт Шиһабетдинов чыгыш ясады. Ул билгеләп үткәнчә, үткән ел авыр булган, әмма шул ук вакытта «ТАИФ» компанияләре төркеме өчен иң уңышлы булып чыккан. Уңайсыз геополитик шартларда һәм икътисадый кризис кискенләшкән чорда бөтен тырышлык чыгымнарны оптимальләштерүгә, эчке ресурсларны мобилизацияләүгә һәм барлык юнәлешләр буенча эш нәтиҗәлелеген арттыруга куелган.
Бүген Татарстан Республикасы Президенты вазыйфаларын вакытлыча башкаручы Р.Н. Миңнехановның Берләшкән милләтләр Азык-төлек һәм авыл хуҗалыгы оешмасы (ФАО) генераль директоры Грациано Силва белән очрашты. чрашу Татарстан Республикасы Министрлар Кабинетында узды. Яклар оешма вәкаләтләре кысаларында хезмәттәшлек мөмкинлекләре турында сөйләштеләр.
Татарстан Республикасы дәүләт һәм муниципаль берәмлек хезмәткәрләрен укыту системасын камилләштерү мәсьәләләре утырышның төп темасы булды.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов FISE (International Festival of Extreme Sports) экстремаль спорт төрләре буенча халыкара фестиваль оештыручылары белән очрашты. Очрашу ТР Министрлар Кабинетында узды. Татарстан Республикасы ягыннан чарада ТР Президенты ярдәмчесе Ләйлә Фазлыева, Татарстан Республикасы яшьләр эшләре һәм спорт министры Владимир Леонов, “Спорт проектлары башкарма дирекциясе” КАО генераль директоры Азат Кадыров катнаштылар.