ЯҢАЛЫКЛАР

22-29 июль көннәрендә Татарстанда беренче тапкыр Президент академиясенең җәйге кампусы уза. Чараны РФ Президенты каршындагы академия, Татарстан Хөкүмәте һәм АКИГ компанияләр төркеме оештыра. Кампус ул - белем бирү форумы. “Казан” тау чаңгысы комплексына РФ Президенты академиясеннән, Татарстан вузларыннан 200ләп иң яхшы студент, “Россиянең тотрыклы киләчәге” Бөтенроссия конкурсында катнашучылар җыелган. Әйтергә кирәк, 50 студент республика югары уку йортларында белем ала.

Татарстан Президенты Рөстәм Миңнеханов төзекләндерелә торган Ленин дамбасында, төзелә торган Су спорты төрләре сараенда, футбол стадионында һәм агропромпаркта булды. Шулай ук аның белән бергә төзелеш объектлары буйлап ТР Премьер-министры Илдар Халиков, Казан мэры Илсур Метшин, ТР төзелеш, архитектура һәм торак-коммуналь хуҗалык министры Ирек Фәйзуллин йөрде.

Без һәр җиңү өчен бергә көрәшәчәкбез. Бу хакта бүген Татарстан Президенты Рөстәм Миңнеханов “Связьинвестнефтехим” ААҖ бинасында “Казанның “Рубин” командасы футболчылары белән очрашуда белдерде.

Республиканың православие вәкилләре Татарстан җирендә ТР мөселманнары Диния нәзарәте җитәкчеләренә карата кичәге җинаятьне кылучылар бозарга теләүче тынычлыкны саклауны сорап дога кылачак. Бу хакта Рус православие чиркәвенең Татарстан митрополиясе җитәкчесе, Казан һәм Татарстан митрополиты Анастасий Татарстан Республикасы Президенты Рөстәм Миңнеханов белән очрашу ахырында белдерде.

Бүген Казанда Татарстан Президенты Рөстәм Миңнеханов “Like It. Art” фестивалендә катнашучылар, граффити осталары эшләрен карады. Республика башлыгы фестиваль мәйданчыкларының берсендә булды һәм катнашучылар белән аралашты.

Казанда “Декабристлар” (эшче исеме) станциясеннән “Кәҗә бистәсе”нә кадәр уң як тоннельне казу тәмамланды. “Алтынчәч” тоннельүткәргеч комплексын каршы алу чарасында Татарстан Президенты Рөстәм Миңнеханов, Казан шәһәре мэры Илсур Метшин, ТР Төзелеш, архитектура һәм ТКХ министры Ирек Фәйзуллин, “Метроэлектротранс” МУП генераль директоры Әсфан Галәвов, “Казметрострой” МУП җитәкчесе Марат Рәхимов катнашты.

Җитәкчелек һәм хокук саклау органнары тарафыннан Татарстанда экстремизм үсешенә йогынты ясаучы затларга карата иң катгый чаралар күреләчәк. Бу хакта бүген ТР Президенты Рөстәм Миңнеханов республика муниципаль берәмлекләре башлыклары белән видеоконференция режимында узган киңәшмәдә белдерде.

Бүген Казанда кылынган җинаять террорлык акты буларак карала. Бу хакта бүген Казанда журналистларга РФ Президентының Идел буе федераль округындагы Тулы вәкаләтле вәкиле Михаил Бабич Диния нәзарәтенең уку-укыту бүлеге җитәкчесе Вәлиулла Якупов үтерелү һәм ТР мөфтие Илдус Фәизовка һөҗүм ясалу фактын шәрехләде.

Бүген Казан Кремлендә ТР Дәүләт Киңәшчесе, ТР тарих һәм мәдәният һәйкәлләрен торгызу Республика фонды Попечительләр Советы рәисе Минтимер Шәймиев “Габдрахман сәхабә коесы” комплексы территориясенең аерым объектларында саклsr корылмалары төзелеше мәсьәләләре буенча киңәшмә үткәрде.

Татарстан Президенты Рөстәм Миңнеханов бүген Республика клиник хастаханәсендә ТР Диния нәзарәте рәисе мөфти Илдус Фәизнең хәлен белеште. Инде хәбәр ителгәнчә, машинасында булган шартлаудан соң, тән җәрәхәтләре алган мөфти әлеге хастаханәгә озатылган иде.