ЯҢАЛЫКЛАР
Бүген Татарстан Хөкүмәт йортында Татарстан Президенты Рөстәм Миңнеханов рәислегендә “Татнефть” ААҖ Директорлар советының чираттагы утырышы узды. 2012 елның 3 аенда компаниянең бюджет үтәлешенә нәтиҗә ясалды, май аена бюджет расланды.
Бүген, татар халкының бөек улы Габдулла Тукайның 126 нчы туган көненә дип, Шагыйрь һәйкәле төбенә ТР Президенты Рөстәм Миңнеханов кәрзин тулы кып-кызыл роза гөлчәчәкләре китерде. Тукайның бронзадан коелган сынына күтәрелеп карап торганнан соң, баш иеп уйланып торды. Аның үрнәгендә Казакъстан Республикасының Актүбә өлкәсе әкиме Архимед Мөхәмбәтов та шундый бүләк китерде, ул да хөрмәт белән башын түбән иде.
Бүген Казанга өлкә акимы Архимед Мухамбетов җитәкчелегендә Казакъстан Республикасы Актүбә өлкәсе делегациясе килде. Казанның халыкара аэропортында делегацияне Татарстан Президенты Рөстәм Миңнеханов, республиканың беренче вице-премьеры Равил Моратов, ТР сәнәгать һәм сәүдә министры Равил Зарипов каршы алды.
Бүген VII Казан венчур ярминкәсе кысаларында мөһим өч документ имзаланды. Документларның берсе - ТР Инвестиция-венчур фонды, “Форд-Соллерс” компаниясе, Внешэкономбанк һәм Россия венчур компаниясе җитәкчелеге тарафыннан имзаланган Татарстанда автокомпонентлар төзелеше индустриясен үстерүдә хезмәттәшлек турындагы меморандум.
Бүген Казанда VII Казан венчур ярминкәсе кысаларында Россия инновация төбәкләре ассоциациясе (РИТА) комитетлары рәисләренең беренче утырышы узды. Утырышны РИТА советы рәисе – Татарстан Республикасы Президенты Рөстәм Миңнеханов үткәрде. Анда РИТА әгъзалары – барлык төбәкләр, федераль министрлыклар һәм ведомстволар, Россиянең үсеш институтлары вәкилләре катнашты.