ЯҢАЛЫКЛАР
29
март, 2012 ел
пәнҗешәмбе
Быел Татарстанда язгы ташу иң “начар” сценарий буенча уза калса, 44 муниципаль берәмлекнең 235гә кадәр торак пунктын су басарга мөмкин – бу шуларда яшәүче 18,5 меңгә кадәр кешегә кагыла дигән сүз. Тагын 40 икътисад объектына, шул исәптән Биектау районындагы спирт заводына, 10 мең фельдшер-акушерлык пунктына, 35 мәктәпкәчә белем бирү учреждениесенә, 60лап социаль-культура объектына, 106 чакрым юлга, 194 чакрым электр линияләренә, 62 күпергә шундый куркыныч яный. Дөрес, нефть үткәргечләр мәсьәләсендә алай дип булмый.
ТР Президенты вазифаларын башкаручы–Премьер-министр Илдар Халиков Түбән Новгородта РФ Президентының Идел буе федераль округындагы Вәкаләтле вәкиле каршындагы Совет утырышында катнаша. Идел буе федераль округы төбәкләрендә модернизация шартларында агросәнәгать комплексы үсешенә багышланган утырыш Вәкаләтле вәкил Михаил Бабич рәислегендә уза.
Кичә кич ТР Дәүләт киңәшчесе, ТР Тарих һәм мәдәният һәйкәлләрен торгызу фондының Попечительлек советы Рәисе Минтимер Шәймиев җитәкчелегендәге Татарстан делегациясе Грециягә эш сәфәрен төгәлләде.
Минтимер Шәймиев һәм аны озатып йөрүче рәсми затлар Үзәк Македониядә сәфәрнең икенче көнендә Салоники шәһәрендә безнең эрага кадәр 315 елда Кассандр ханы нигез салган мәдәни мирас объектлары белән танышты.
Минтимер Шәймиев һәм аны озатып йөрүче рәсми затлар Үзәк Македониядә сәфәрнең икенче көнендә Салоники шәһәрендә безнең эрага кадәр 315 елда Кассандр ханы нигез салган мәдәни мирас объектлары белән танышты.
28
март, 2012 ел
чәршәмбе
Бүген Хөкүмәт йортында Премьер-министр Илдар Халиков рәислегендә узган киңәшмәдә Яшел Үзән шәһәре икътисадын модернизацияләү буенча комлекслы инвестиция планы тикшерелде. Фикер алышуларда ТР Премьер-министрының беренче урынбасары Равил Моратов, Икътисади үсеш һәм интеграция буенча РФ Хөкүмәте комиссиясе каршындагы моношәһәләрне модернизацияләү буенча эшче төркем җитәкчесе Ирина Макиева, РФ Федерация Советының аграр-азык-төлек сәясәте һәм табигатьтән файдалану буенча комитеты рәисенең беренче урынбасары Сергей Лисовский, FGN Capital Директорлар советы рәисе Александр Халдей һ.б. катнашты.
Бүген Татарстан Республикасы Президенты вазыйфаларын башкаручы – Татарстан Республикасы Премьер-министры Илдар Халиков өлешләп түләү төзелешендәге проблемалы объектлар эшен төгәлләү мәсьәләләренә багышланган киңәшмә үткәрде. Киңәшмә ТР Хөкүмәт йортында видеоконференцияэлемтә режимында республиканың муниципаль районнары белән узды.
ТР Дәүләт Советы киңәшчесе, ТР Тарих һәм мәдәният һәйкәлләрен торгызу фондының Попечительлек советы Рәисе Минтимер Шәймиевның Грециягә, Үзәк Македония провинциясенә эш сәфәре дәвам итә.
27
март, 2012 ел
сишәмбе
2012 елның 1 гыйнварына булган мәгълүматлар буенча Татарстан Республикасында 831 торак пунктта юл салынмаган. Бу хакта бүген ТР Президенты вазыйфаларын башкаручы – ТР Премьер-министры Илдар Халиков Россия Транспорт министрлыгы коллегиясе утырышы тәмамлангач белдерде.
Бүген Мәскәүдә РФ Транспорт министрлыгының киңәйтелгән коллегия утырышы узды. Очрашуны РФ транспорт министры Игорь Левитин үткәрде. Утырышта Россия Федерациясе Хөкүмәте рәисе урынбасары Дмитрий Рогозин, РФ мәгариф һәм фән министры Андрей Фурсенко, РФ Дәүләт Думасы депутатлары, РФ Президенты Администрациясе, Хисап һәм Иҗтимагый палаталар вәкилләре, Ростов, Мурмански һәм Новосибирски өлкәләре җитәкчеләре катнашты. Утырышта Татарстан Республикасын ТР Президенты вазифаларын башкаручы - ТР Премьер-министры Илдар Халиков тәкъдим итте.
Бүген республиканың нефть чыгару тармагы белгечләре ТР Хөкүмәте йортында узган киңәшмәдә битум нефтен чыгаруда өр-яңа чит ил технологияләрен куллану мөмкинлекләрен карады. Татарстан Премьер-министрының беренче урынбасары Равил Моратов үткәргән киңәшмәдә ТР Президенты ярдәмчесе Ринат Сабиров, «Татнефтехиминвест-холдинг» ААҖ генераль директоры Рафинат Яруллин, Татарстан энергетика министры урынбасары Ирина Ларочкина, ТР Фәннәр академиясе академигы Ренат Мөслимов катнашты. Яңа технологияне «Brack Capital Energy Limited» компаниясе вәкилләре тәкъдим итте.
Биләмәләрне санитар-экологик чистарту буенча Татарстанда традицион 2 айлык быел 1 апрельдан 1 июньгәчә үткәреләчәк - бүген ТР Хөкүмәте йортында муниципаль берәмлекләр белән видеоконфереция рәвешендә барган брифингта ТР экология һәм табигать ресурслары министры Артем Сидоров шуны игълан итте.
Датасы буенча тикшерү
ЯҢАЛЫКЛАРГА ЯЗЫЛУ
Адрес: 420060, Казан шәһәре, Ирек мәйданы, 1
Телефон:
+7 (843) 264-77-74
E-Mail: prav@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз