ЯҢАЛЫКЛАР
Татарстан Республикасында торак төзелеше буенча еллык план 80%ка үтәлгән. Республика буенча төзүчеләр тарафыннан 2 млн 599 мең кв. м. торак тапшырылган. Коммерциячел торак төзүчеләр планның 33%ын тапшырган. Әзер 70 йортның мәйданы 558 мең кв. метрдан артып китә.
Социаль ипотека программасы 61%ка үтәлгән. Быел тапшырырга планлаштырылган 35 йортның 11е әзер. Файдалануга тапшырылган торак мәйданы - 99 мең кв. м.
Шәхси торак сегментында файдалануга тапшырылган йортларның мәйданы - 1 млн 941 мең кв. м.
Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде.
Киңәшмәне барлык муниципаль районнар белән видеоконференцэлемтә режимында Татарстан рәисе Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин катнашты.
Татарстанда яшьләргә ярдәм итүгә юнәлдерелгән барлык федераль программалар һәм илкүләм проектлар тулы күләмдә гамәлгә ашырыла. Комплекслы һәм максатчан эш Россия Федерациясе үсешенең илкүләм максатларына ирешүгә юнәлдерелгән. Бу хакта бүген Россия Президентының Идел буе федераль округындагы вәкаләтле вәкиле каршындагы совет утырышында Татарстан Премьер-министры Алексей Песошин хәбәр итте.
Татарстан Премьер-министры Алексей Песошин бүген Пермь краенда эш сәфәрендә. Эш сәфәренең төп максаты - Россия Президентының Идел буе федераль округындагы Тулы вәкаләтле вәкиле каршындагы Совет утырышында катнашу.
Бүген Казанда Россия Федерациясе Табигый байлыклар һәм экология министрлыгының Бөтенроссия киңәшмәсе уза. Киңәшмәнең темасы - "Урманнарны торгызу һәм урманнарны үрчетү", чара федерация субъектлары белән видеоконференцэлемтә режимында Татарстан Министрлар Кабинетының утырышлар залында узды.
Киңәшмәне РФ табигый байлыклар һәм экология министры урынбасары Евгений Марков үткәрде.
Татарстанда газ җайланмаларын техник тикшереп чыгу планы 100%ка үтәлә. Быел 12 меңнән артык хәвефле хәл булдырылмый калган. Бу хакта ТР Хөкүмәте Йортында узган брифингта Татарстан Дәүләт торак инспекциясе башлыгы - республиканың баш дәүләт торак инспекторы Александр Тыгин хәбәр итте.
Бүген ТР Хөкүмәте Йортында узган киңәшмәдә программаның кураторы, «ТР шәһәрләрен үстерү институты» фондының шәһәр мохитен үстерү программалары департаменты җитәкчесе Арина Петрова «Безнең ишегалды» программасын гамәлгә ашыруның Татарстанда нинди темплар белән баруы турында сөйләде.
Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды. Киңәшмәдә Татарстан Республикасы Премьер-министрының беренче урынбасары Рөстәм Нигъмәтуллин катнашты.
Татарстан Республикасында күп фатирлы йортларга һәм социаль-мәдәни объектларга капиталь ремонт эшләре дәвам итә - ике атна эчендә өч республика программасы төгәлләнгән. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин китерде.
Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды. Киңәшмәдә Татарстан Республикасы Премьер-министрының беренче урынбасары Рөстәм Нигъмәтуллин катнашты.
Казанда МХОдә катнашучылар арасында һөнәри осталык буенча «Абилимпикс» беренче чемпионаты тәмамланды. Ярышларга илебезнең 79 төбәгеннән 259 конкурсант килгән иде. Татарстан командасы югары нәтиҗәләр күрсәтте - финалга 16 катнашучы чыкты. Чемпионатның төп нәтиҗәләре турында бүген ТР Хөкүмәте Йортында узган брифингта катнашучылар сөйләде.
Республикада махсус хәрби операция ветераннары һәм анда катнашучылар өчен "Батырлар. Татарстан Геройлары" программасы гамәлгә ашырыла. Проектның максаты - Татарстан Республикасында дәүләт һәм муниципаль идарә системасындагы, шулай ук башка өлкәләрдәге вазыйфаларны биләү өчен махсус хәрби операциядә катнашучылар һәм ветераннар арасыннан перспективалы җитәкчеләр командасын формалаштыру һәм әзерләү.
Бүген Татарстан Республикасы Рәисе Рөстәм Миңнеханов Татарстан Республикасы Инвестицион советының чираттагы утырышын уздырды. Чара ТР Хөкүмәте Йортында узды. Эштә Татарстан Премьер-министры Алексей Песошин катнашты.