ЯҢАЛЫКЛАР

Татарстан җитәкчелеге катлаулы 2009 елга яхшылап әзерләнде, бу республикага финанс кризисының тискәре нәтиҗәләрен киметергә мөмкинлек бирде. Бүген Россия Федераль салым хезмәте җитәкчесе Михаил Мокрецов Министрлар Кабинетында республика Хөкүмәте башлыгы Рөстәм Миңнеханов үткәргән Федераль салым хезмәтенең Татарстан Республикасы буенча идарәсе коллегиясендә әнә шундый фикерне белдерде.

Татарстан Республикасы Дәүләт Советы бүгенге утырышта Рөстәм Миңнехановка Татарстан Республикасы Президенты вәкаләтләрен бирде.
Аның кандидатурасы 27 гыйнвар көнне Россия Презилденты Дмитрий Медведев тарафыннан кертелгән иде.

“Әкият” татар дәүләт курчак театры төзелеше 2010 елда тәмамланачак. Бу турыда бүген Татарстан Республикасы Мәдәният министрлыгының йомгаклау коллегиясендә Татарстан Республикасы Хөкүмәте башлыгы Рөстәм Миңнеханов хәбәр итте.
Ул, аерым алганда, 2009 елның финанс ягыннан бик авыр булганын һәм республиканың, кайбер инвестиция проектларының мөһимнәрен генә калдырып, берничәсен гамәлгә ашыруны чикләвен билгеләп үтте. Әлеге барлык проектлар да Татарстан Республикасы Президенты Минтимер Шәймиев тарафыннан билгеләнгән.

2010 елда Татарстан Республикасы өчен торакны кулланышка кертү буенча еллык бирем узган ел дәрәҗәсендә – 2 млн. кв. метр күләмендә билгеләнде. Бүген бу турыда республикада торакны кулланышка кертү һәм капиталь ремонт ясау буенча киңәшмәдә Татарстан Республикасы төзелеш, архитектура һәм торак-коммуналь хуҗалык министры урынбасары Андрей Ясько хәбәр итте.
Киңәшмә Татарстан Республикасы Хөкүмәт Йортында Татарстанның барлык муниципаль районнары белән видеоконференцэлемтә режимында үтте. Киңәшмәне Татарстан Республикасы Премьер-министры Рөстәм Миңнеханов үткәрде.

Татарстан Республикасы Премьер-министры Рөстәм Миңнеханов Җиңүнең 65 еллыгы алдыннан Бөек Ватан сугышы ветераннарының торак шартларын яхшырту мәсьәләсенә Ветераннар берләшмәсенең урындагы оешмаларын җәлеп итәргә тәкъдим итте. Бүген бу турыда ул торакны кулланышка кертү һәм капиталь ремонт ясау буенча республика киңәшмәсендә әйтте. Киңәшмә Татарстан Республикасы Хөкүмәт бинасында республиканың барлык муниципаль районнары белән видеоконференцэлемтә режимында үтте.

Кытайның Экспорт-Импорт банкы (The Export-Import Bank of China) Татарстан Республикасы Премьер-министры Рөстәм Миңнехановның Давоста әлеге банк җитәкчелегенә бүген тәкъдир иткән берничә инвестиция проекты белән кызыксынып китәргә мөмкин.
Исегезгә төшерәбез: эш сәфәре белән хәзерге вакытта Давоста (Швейцария) булып, бүген иртән Татарстан Республикасы Премьер-министры Рөстәм Миңнеханов Кытайның Экспорт-Импорт банкы рәисе Ли Руогу әфәнде белән очрашты. Очрашу барышында сүз Татарстаннның икътисади потенциалы, кайбер тармакларының алдагы үсеше турында барды.

Бүген Татарстан Республикасы Премьер-министры Рөстәм Миңнеханов Давоста (Швейцария) берничә эшлекле очрашу уздырачак.
Рөстәм Миңнеханов җитәкчелегендә Татарстан Республикасы делегациясенең 27-29 нчы гыйнвар көннәрендә Давоста 40 нчы Бөтендөнья икътисади форум эшендә катнашуын искәртәбез.

Бүген көннең икенче яртысында Татарстан Республикасы Премьер-министры Рөстәм Миңнеханов Давостагы Бөтендөнья икътисади форумга нигез салучы Клаус Шваб әфәнде белән очрашты.
Очрашу барышында сүз дөнья икътисады хәле, икътисади кризистан чыгу перспективалары һ.б. турында барды.

Бүген Татарстан Республикасы Премьер-министры Рөстәм Миңнеханов Давоста (Швейцариядә) сәфәрдә, анда ул 40 нчы Бөтендөнья икътисади форум ачылуында катнашачак.
Давостагы хәзерге форум лозунгы – «Планета хәлен яхшыртырга: яңадан мәгънәсенә төшенергә, яңадан планлаштырырга, дөньяны яңадан төзергә».
Форум 2500 катнашучыны – дөньяның эре компанияләренең, хөкүмәтләренең, халыкара һәм халыкара булмаган оешмаларының лидерларын, танылган икътисадчыларын җыячак.

2010 елның ноябрь аенда Яр Чаллыдагы Ашыгыч медицина ярдәме хастаханәсен реконструкцияләү эшләрен, шул исәптән югары технологияле җиһазларны урнаштыру һәм монтажлауны тәмамлау күздә тотыла. Реконструкциянең икенче этабын төгәлләү өчен булган финанслауның гомуми күләме 2,2 млрд. сум тәшкил итә.