ЯҢАЛЫКЛАР
1 декабрьгә кадәр Татарстанда 2 млн 175 мең кеше өч төрле салым -транспорт, җир, күчемсез милек салымнары түләргә тиеш. Быел салым күләме 8,1 млрд сум тәшкил итә.
Бу хакта ТР Хөкүмәте йортында узган брифингта Федераль салым хезмәтенең Татарстан Республикасы буенча идарәсе башлыгы Марат Сафиуллин хәбәр итте.
Татарстан Республикасында өч ел эчендә югары тизлекле интернетка җепселле-оптик элемтә линияләре аша 3,5 мең социаль әһәмиятле объект, шуларның 2 меңнән артыгы быел, тоташтырылды.
Бу хакта журналистларга Татарстан Республикасы Министрлар Кабинетында узган брифингта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министры урынбасары Альберт Яковлев хәбәр итте.
ТР Премьер-министрының беренче урынбасары Рөстәм Нигъмәтуллин “Диңгез приборлары төзү корпорациясе” АҖ генераль директоры Леонид Стругов белән очрашты. Очрашу кысаларында Татарстан Хөкүмәте һәм корпорция арасында фәнни-техник хезмәттәшлек турында килешү имзаланды.
Шулай ук очрашуда ТР Премьер-министры урынбасары Роман Шәйхетдинов катнашты.
Татарстанда QR-кодлар кертелү сәбәпле күп функцияле үзәкләргә (КФҮ) килүчеләр саны 30%ка арткан. Бу хакта ТР Министрлар Кабинетында узган брифингта ТР да КФҮ директоры Ленара Мозафарова хәбәр итте.
Иннополис университеты “Фән һәм университетлар” илкүләм проектының “Киңкүләм фәнни һәм фәнни-технологик проектларны өстенлекле тикшеренү юнәлешләре буенча үстерү” федераль проекты кысаларында РФ Фән һәм мәгариф министрлыгы конкурсында лидер булды һәм Технологияләр трансфер үзәген ачарга 90 млн сумнан артык субсидия отты.
Яңа үзәк фәнни оешмалар һәм университетларның интеллектуаль эшчәнлек нәтиҗәләрен коммерцияләштерү белән шөгыльләнәчәк.
Республиканы сөт терлекчелегендә цифрлаштыруның нәтиҗәлелеге турында ТР хөкүмәте йортында узган киңәшмәдә ТР Премьер-министры урынбасары - ТР авыл хуҗалыгы һәм азык-төлек министры Марат Җәббаров җиткерде.
Киңәшмәне барлык муниципаль районнар белән видеоконференэлемтә режимында ТР Премьер-министры Алексей Песошин уздырды.
Татарстанда капиталь ремонт буенча республика программаларын гамәлгә ашыру акрынлап төгәлләнә. Барлыгы 27 программа 3,5 мең объектны үз эченә ала. Гомуми күләме 2,5 миллиард сум тәшкил 13 программа гамәлгә ашырылган инде.
Агымдагы атнада Милли гвардия гаскәрләре федераль хезмәте идарәсе объектларын капиталь ремонтлау программасы төгәлләнде. Бу хакта ТР Хөкүмәте йортында узган киңәшмәдә ТР төзелеш, архитектура һәм ТКХ министрының беренче урынбасары Алексей Фролов хәбәр итте.
Татарстан Республикасы Премьер-министрының беренче урынбасары Рөстәм Нигъмәтуллин бүген Филиппин Республикасының Россиядәге Илчелек эшләрендә вакытлы вәкиле Роберт О.Феррер белән очрашты.
Очрашу ТР Хөкүмәте йортында узды.
Татарстан Республикасы Премьер-министры Алексей Песошин видеоэлемтә режимында “Инвестицияләр” юнәлеше буенча РФ Дәүләт Советы комиссиясенең чираттагы утырышында катнашты.
Россия Хөкүмәте рәисе урынбасары Дмитрий Чернышенко һәм РФ Президентының Идел буе федераль округындагы (ИФО) тулы вәкаләтле вәкиле Игорь Комаров Координацион үзәктә видеконференцэлемтә режимында ИФО субъектлары башлыклары белән чираттагы киңәшмә уздырдылар.