ЯҢАЛЫКЛАР
Бүген Татарстан Республикасы Хөкүмәте Йортында узган киңәшмәдә Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов көзге культураларны ашлау, сабан культуралары орлыклары белән тәэмин ителеш һәм язгы кыр эшләре өчен һава торышы фаразлары турында сөйләде.
Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.
Бүген Россия Гадәттән тыш хәлләр министрлыгында РФ Хөкүмәте Рәисе урынбасары Дмитрий Патрушев җитәкчелегендә сезонлы куркынычларга әзерлек буенча бөтенроссия селектор киңәшмәсе узды. Анда гадәттән тыш ведомство башлыгы Александр Куренков катнашты. Видеоконференцэлемтә буенча киңәшмә эшендә Татарстан Республикасы Премьер-министры Алексей Песошин һәм Россия Гадәттән тыш хәлләр министрлыгының Татарстан Республикасы буенча Баш идарәсе башлыгы Ирек Кадамов катнашты.
Бүген Татарстан Республикасы Хөкүмәте Йортында узган брифингта массакүләм мәгълүмат чаралары вәкилләренә Татарстан урманнарында һәм торак пунктларында язгы-җәйге чорда янгын куркынычсызлыгын тәэмин итү буенча нинди чаралар күрелүе турында сөйләделәр. Брифингта Россия гадәттән тыш хәлләр министрлыгының Баш идарә башлыгы урынбасары - ТР буенча Баш идарәсенең күзәтчелек эшчәнлеге һәм профилактика эше идарәсе башлыгы Максим Трущин һәм ТР уман хуҗалыгы министры Равил Кузюров катнашты.
Татарстан Республикасында «Экологик иминлек» илкүләм проекты кысаларында урман фондында 2,5 мең гектар мәйданда урман торгызу эшләре планлаштырыла. Бу хакта бүген Министрлар Кабинетында узган брифингта ТР урман хуҗалыгы министры Равил Кузюров хәбәр итте. Брифинг барлык муниципаль районнарны тоташтырып видеоконференцэлемтә аша узды.
Төп тема - ТР Урман хуҗалыгы министрлыгының урман культуралары һәм янгын куркынычы сезонына әзерлеге һәм алда торган табигатьне саклау гамәлләре турында.
Татарстан Республикасы Премьер-министрының беренче урынбасары Рөстәм Нигъмәтуллин Гадәттән тыш хәлләрне кисәтү һәм бетерү, янгын куркынычсызлыгын тәэмин итү буенча республика комиссиясе утырышын уздырды. Катнашучылар 2025 елның язгы ташу һәм янгын куркынычы сезонын имин узу мәсьәләләре буенча фикер алыштылар. Чара ТР Хөкүмәте Йортында узды.
Ватанны саклаучыларның батырлыгы һәм каһарманлыгы турындагы тарихи хәтерне саклау өчен Татарстан архивлары 2024 елда МХОдә катнашучылардан 1078 шәхси документ кабул итте. Бу хакта ТР Хөкүмәте Йортында узган брифингта ТР Архив эше буенча дәүләт комитеты рәисе Гөлнара Габдрахманова сөйләде.
Мәгариф, фән һәм технологияләр өлкәсендә хезмәттәшлек итү турындагы килешүгә Татарстан Республикасы Премьер-министры урынбасары Роман Шәйхетдинов барында Иннополис Университеты директоры Искәндәр Бариев һәм МИРЭА – Россия Технология университеты ректоры Станислав Кудж кул куйдылар.
Бүген Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе Шамил Гаффаров юл хәрәкәте иминлеген тәэмин итү буенча Татарстан Республикасы Хөкүмәт комиссиясе утырышын уздырды.
Чара ТР Хөкүмәте Йортында видеоконференцэлемтә аша республиканың барлык муниципаль районнарын тоташтырып узды. Утырышта юл хәрәкәте иминлеген тәэмин итү буенча ТР Хөкүмәт комиссиясе әгъзалары, юл, автотранспорт комплексы, территориаль эчке эшләр органнары һәм юл хәрәкәте иминлеге дәүләт инспекциясе җитәкчеләре катнашты.
Россиядә җир кишәрлекләрен милекчеләрдән тартып алырга мөмкин булган яңа закон эшли башлады, әгәр алар билгеләнеше буенча файдаланылмаса яки әйләнә-тирә мохиткә зыян китерсәләр. Шул ук вакытта мондый кишәрлекләрнең милекчеләренә җирне тәртипкә китерү өчен өч ел вакыт бирелә. Бүген Татарстан Республикасы Министрлар Кабинетында узган брифингта яңалыктан кемнәр зыян күрәчәге, кемнәрне яклавы турында фикер алыштылар.
Татарстанда Ватанны саклаучылар елында һәм Бөек Ватан сугышында Җиңүнең 80 еллыгын бәйрәм итү елында патриотик акцияләр, чаралар һәм Хәрби дан көннәре узачак. Ветераннар бүләкләр алачак, ә МХОдә катнашучылар яңа «Батырлар. Татарстан Геройлары" программасы буенча идарәчеләр белеме алачак. Бу хакта бүген Татарстан Республикасы Министрлар Кабинетында узган брифингта сөйләделәр.