ЯҢАЛЫКЛАР
Ел саен Россиядә кибермошенниклардан зыян дистәләгән миллиард сум тәшкил итә. Хәйләләргә өлкән яшьтәгеләр генә түгел, статусына һәм белеменә карамастан, яшьләр дә эләгә. Киберҗинаятьләр Татарстандагы башка җинаятьләрнең яртысын тәшкил итә һәм, көрәшнең барлык ысулларына карамастан, мошенниклар гади кешеләр исәбенә баюларын дәвам итә. Онлайн-мошенникларның ешрак нинди схемалар куллануы, банклар, Эчке эшләр министрлыгы, Прокуратура һәм Цифрлы үсеш министрлыгында алар белән ничек көрәшүләре, шулай ук ИТ-җинаятьчеләрнең хәйләләренә ничек эләкмәскә кирәклеге турында бүген Татарстан Министрлар Кабинетында узган брифингта сөйләделәр.
Татарстан Республикасы Премьер-министры урынбасары Роман Шәйхетдинов Иннополиста генераль директор Алексей Волин җитәкчелегендәге «Космик элемтә» ФДУП делегациясе белән очрашу үткәрде. Очрашуның темасы - иң эре иярчен элемтә операторының Иннополис белән хезмәттәшлегенең мөмкин булган юнәлешләре буенча фикер алышу. Делегацияләргә ИТ-шәһәр һәм «Иннополис» махсус икътисадый зонасы мөмкинлекләрен тәкъдир иттеләр.
Бүген Татарстан Республикасы Хөкүмәте Йортында XIX Россия венчур форумының оештыру комитеты утырышы узды. Утырыш Россия Федерациясе Фән һәм югары белем министры Валерий Фальков рәислегендә (видеоконференцэлемтә режимында) узды. Утырышта Татарстан Республикасыннан Татарстан Премьер-министры Алексей Песошин, Татарстан Республикасы Фәннәр академиясе президенты Рифкать Миңнеханов һәм оештыру комитетының башка әгъзалары катнашты.
Татарстан Республикасында чәчүлекләрне тырмалауга республиканың утыз биш районында керешкәннәр. Бу хакта бүген киңәшмәдә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров хәбәр итте.
ТР Хөкүмәте Йортында узган киңәшмә барлык муниципаль районнар белән видеоконференцэлемтә режимында узды, аны Татарстан Рәисе Рөстәм Миңнеханов үткәрде.
Бүген Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм торак-коммуналь хуҗалык министры Марат Айзатуллин республикада торак төзелеше барышы, гражданнарның аерым категорияләрен торак белән тәэмин итү программалары һәм башка чаралар турында сөйләде.
Киңәшмә барлык муниципаль районнар белән видеоконференцэлемтә режимында узды, аны Татарстан Рәисе Рөстәм Миңнеханов үткәрде.
Татарстанда узган 2024 елда 31 млрд кВтч электр энергиясе эшләп чыгарылган - үсеш 10,8%ка. Бу уртача Россия күрсәткечләреннән 3,7 тапкырга артыграк. Бүген Татарстан Республикасы Министрлар Кабинетының энергия ресурсларының нәтиҗәлелеге мәсьәләләре буенча утырышында Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Олег Коробченко әнә шундый мәгълүматларны җиткерде. Утырышны Татарстан Премьер-министры Алексей Песошин уздырды.
Бүген «Казан Экспо» халыкара күргәзмә үзәгендә энергия ресурсларының нәтиҗәлелеге мәсьәләләре буенча Татарстан Республикасы Министрлар Кабинеты утырышы уза. Төп тема - «2024 елда» Татарстан Республикасында энергия ресурсларының нәтиҗәлелеге» дәүләт программасын гамәлгә ашыруның барышы һәм 2025 елга бурычлар турында". Көн тәртибенә республика икътисадының энергия нәтиҗәлелеген арттыру, энергетиканы үстерү мәсьәләләре, шулай ук республика предприятиеләре һәм районнарының энергия нәтиҗәлелеген арттыру буенча гамәлгә ашырылган проектлар мисаллары кертелгән. Утырышны Татарстан Премьер-министры Алексей Песошин алып бара.
Бүген Татарстан Республикасы Премьер-министры Алексей Песошин һәм Татарстан Рәисе Администрациясе Җитәкчесе Әсгать Сәфәров шефлыкка алынган Лисичанск һәм Рубежное шәһәрләрендә булдылар. Эш сәфәре Татарстан Рәисе Рөстәм Миңнеханов кушуы буенча уза.
Бүген Татарстан Республикасы Министрлар Кабинетында Казанда XIX Россия венчур форумына әзерлек һәм аны уздыру турында брифинг узды. Чара онлайн интернетка трансляцияләнде. Чарага әзерлек барышы турында журналистларга Татарстан Республикасының Инвестиция-венчур фонды директоры Дамир Галиев һәм «Идея» технопаркы генераль директоры Диас Сафин сөйләде.
Татарстанда БДИның вакытыннан алда чоры уза, ә май ахырында Бердәм дәүләт имтиханының төп этабы башлана. БДИ тапшыруда нинди яңалыклар кертелгән, чыгарылыш сыйныф укучылары нинди фәннәрне сайлый һәм ни өчен ата-аналар имтиханнарга гариза бирүдән баш тарта, дип сөйләде ТР Министрлар Кабинетында узган брифингта республиканың мәгариф һәм фән министры Илсур Һадиуллин.