ЯҢАЛЫКЛАР
Татарстанда күп фатирлы йортларга капиталь ремонт программасы кысаларында эшләр 13 муниципаль берәмлектә 749 йортның 130ында алып барыла. Төзелеш-монтаж һәм сезонлы эшләр 98%ка үтәлгән. Шул ук вакытта 619 йортта капиталь ремонт тәмамланган, шул исәптән соңгы ярты айда - 10 муниципалитетта 69 объект.
Мондый мәгълүматларны бүген ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне барлык муниципаль оешмалар белән видеоконференцэлемтә режимында Татарстан Рәисе Рөстәм Миңнеханов уздырды.
Бүген Татарстан Республикасы Премьер-министры Алексей Песошин Лев Николаевич Толстойның тууына 200 ел тулуны бәйрәм итүгә әзерлек һәм аны уздыру буенча оештыру комитеты утырышында катнашты.
Утырышны видеоконференцэлемтә режимында Россия Федерациясе Президенты Администрациясе җитәкчесе Антон Вайно уздырды.
Бүген ТР Хөкүмәте Йортында узган брифингта Казанга БРИКС саммитына кем киләчәге, Татарстан Рәисе Рөстәм Миңнехановның кем белән очрашачагы, башкалада нинди чикләүләр көтелүе һәм эре халыкара чара нәтиҗәләре буенча республика нәрсәгә өметләнүе турында сөйләделәр.
Иннополиста чираттагы халыкара вакыйга – ICOMP 2024 исәпләүләрне оптимальләштерү буенча беренче конференция башланды. Анда Татарстан Республикасы Хөкүмәтеннән Татарстан Республикасы Премьер-министры урынбасары Роман Шәйхетдинов катнаша.
Бүген Татарстан Республикасы Хөкүмәте Йортында банк секторында финанс мошенниклыгына каршы тору мәсьәләләре буенча брифинг узды.
Татарстан Республикасында авыл хуҗалыгы культураларын - рапс, көнбагыш, шикәр чөгендере, бәрәңге һәм яшелчәләрне актив җыю дәвам итә. Авыл хуҗалыгы культураларын җыю барышы турында Татарстан Республикасы Хөкүмәте Йортында узган киңәшмәдә Татарстан Республикасы Авыл хуҗалыгы һәм азык-төлек министрының беренче урынбасары Ленар Гарипов сөйләде.
Киңәшмәне Татарстан Рәисе Рөстәм Миңнеханов үткәрде. Киңәшмәдә шулай ук ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, видеоконференцэлемтә режимында – барлык муниципаль районнар катнашты.
Татарстан Республикасында мәгариф өлкәсендә бер илкүләм проект, ике дәүләт һәм 4 республика программасы гамәлгә ашырыла, аларга 185 данә төрле тармак учреждениесе керә. Бу объектлар саны буенча да, финанслау күләме буенча да иң кколачлы өлкә. Бу хакта бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин искәртте.
Киңәшмәне Татарстан Рәисе Рөстәм Миңнеханов үткәрде. Киңәшмәдә шулай ук ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, видеоконференцэлемтә режимында – барлык муниципаль районнар катнашты.
Бүген Ростех дәүләт корпорациясенең «Россия вертолетлары» холдингының Казан вертолетлар заводында Россия Сәнәгать һәм сәүдә министры Антон Алиханов һәм Россия Президенты Администрациясе Җитәкчесе урынбасары Максим Орешкин булды. Алар вертолет техникасы җитештерү, яңа җитештерү-укыту үзәге белән таныштылар, шулай ук предприятиенең перспектив проектларын бәяләделәр.
Кунакларны Татарстан Премьер-министры Алексей Песошин озата йөрде.
РФ Президенты Администрациясе җитәкчесе урынбасары Максим Орешкин, РФ Сәнәгать һәм сәүдә министры Антон Алиханов, РФ Фән һәм югары белем министры Валерий Фальков Татарстанга эш сәфәренә килделәр. Татарстан Премьер-министры Алексей Песошин озатуында делегация Иннополиста булды, анда бу көннәрдә Digital Innopolis Days & Innopolis AI Conference халыкара форумы уза. Форум ясалма интеллект, робототехника, мәгариф һәм кадрлар әзерләүдәге инновацияләр өлкәсендәге кейсларга юнәлтелгән.
3 октябрьдән 4 октябрьгә кадәр Россия Гадәттән тыш хәлләр министрлыгы Гражданнар оборонасы буенча бөтенроссия күнегүләре үткәрә. Күнегүләргә федераль башкарма хакимият органнары, төбәк җитәкчеләре, җирле үзидарә органнары һәм оешмалар җәлеп ителәчәк. Шулай ук гражданнар оборонасы чараларын эшкәртүдә штаттан тыш авария-коткару формированиеләре катнашачак.