ЯҢАЛЫКЛАР

Татарстанда - Һәйкәлләр һәм истәлекле урыннарны саклау буенча Халыкара совет (ИКОМОС), ЮНЕСКО Бөтендөнья мирасы комитеты консультатив органы экспертлары, Виши Золт һәм Гергели Надь. Сәфәрләренең максаты - Болгар һәм Зөя шәһәрләре белән әлеге тарихи һәйкәлләрне ЮНЕСКО Бөтендөнья мирасы исемлегенә кертү буенча башланган эш кысаларында танышу.

Бүген Казанда Россия төбәкләрендәге бала хокуклары буенча вәкаләтле вәкилләрнең VI илкүләм съезды ачылды. Казан Ратушасында съездның ачылыш тантанасы Бала хокуклары буенча РФ Президенты каршындагы Вәкаләтле вәкил Павел Астахов һәм ТР Президенты Рөстәм Миңнеханов катнашында узды. Җыенда бала хокуклары буенча ил төбәкләрендәге вәкаләтле вәкилләрдән тыш, федераль ведомстволар, иҗтимагый һәм эксперт оешмалары вәкилләре дә катнаша.

Бүген ТР Премьер-министры Илдар Халиков Татарстан Республикасының яңа мәгариф һәм фән министрын тәкъдим итте.  Хөкүмәт җитәкчесе ТР Президентының ТР Актаныш районының элеккеге башлыгы Энгель Фәттаховны Татарстан Республикасы мәгариф һәм фән министры итеп билгеләү турындагы Указын укыды. Традиция буенча яңа билгеләнгән министрга портфель һәм значок тапшырылды.

ТР Президенты Рөстәм Миңнеханов Россия теннис федерациясе президенты Шамил Тарпищев белән очрашты. Очрашуда шулай ук ТР яшьләр эшләре, спорт һәм туристлык министры, Идел буе спорт һәм туристлык академиясе ректоры Йосыф Якубов катнашты.

Бүген Казанда “Ак барс” көрәш сараенда полиция хезмәткәрләре арасында дзюдо буенча дөнья чемпионаты старт алды. Россиянең спорт башкаласына 11 илдән: Австрия, Болгария, Бразилия, Чехия, Венгрия, Кувейт, Нидерланд, Россия, һ.б.- катнашучылар килгән.

Бүгенге көндәТатарстанда 2910 йортта җылылык юк. Бу хакта бүген ТР Хөкүмәт Йортындагы киңәшмәдә ТР төзелеш, архитектура һәм торак-коммуналь хуҗалыгы министры Ирек Фәйзуллин хәбәр итте.

Татарстанда 2012 нче ел программасы буенча планлаштырылган 849 йортның 836сында капиталь төзекләндерү эшt тәмамланган. Бу хакта бүген ТР Хөкүмәт Йортында киңәшмә вакытында әйтелде.

УК, ТСЖ һәм ЖСК эшчәнлеге турында мәгълүматны ачу – бу “Ачык Татарстан”ның бер өлеше. Бу хакта бүген ТР Президенты ТР Хөкүмәт Йортындагы киңәшмәдә белдерде. ТР Дәүләт торак инспекциясе башлыгы Сергей Крайнов хәбәр итүенчә, мәгълүмат таләп ителгән 16 мең 316 йортның якынча 800е аны тулысынча бирми.

Бүген Сарытауда РФ Президентының Идел буе федераль округындагы Тулы вәкаләтле вәкиле каршындагы Советның “Дәүләт миграция сәясәте концепциясен гамәлгә ашыруның дәүләт аспектлары турындагы” утырышы узды. РФ Президентының ИФО Тулы вәкаләтле вәкиле Михаил Бабич уздырган утырышта Татарстан Президенты Рөстәм Миңнеханов та катнашты.