ЯҢАЛЫКЛАР

Бүген Хөкүмәт йортында ТР Хөкүмәте белән РФ Хисап палатасы арасында үзара ярдәмләшү турындагы Килешүгә кул куелды. Документ ТР Президенты Рөстәм Миңнехановның РФ Хисап палатасы аудиторы Александр Пискунов белән очрашуы вакытында имзаланды.

Бүген ТР Экология һәм табигать ресурслары министрлыгы коллегиясе утырышы уздырылды.

Министрлыкның узган елдагы эшчәнлеге нәтиҗәләре буенча хисап тоткан һәм быелга бурыч-максатлар билгеләгән министр Артем Сидоров чыгышыннан соң сүз алган Табигатьтән файдалану өлкәсендә күзәтчелек буенча федераль хезмәтнең ТР буенча идарәсе җитәкчесе Фәрит Хәйретдинов, былтыр соңгы атнада гына да экология законнарын бозган өчен штрафлар буенча күп бурычы җыелган предприятиеләрдән 22 млн. сум акча җыеп алынды, гомумән алганда, штрафлар буенча 700 млн. сум дип каралган еллык план үтәлде, диде. Министрлыкта барган утырышта катнашкан ТР Президенты Рөстәм Миңнехановка мөрәҗәгать итеп, идарә башлыгы табигатьтән файдалану өлкәсендә күзәтчелекне нәтиҗәлерәк итү өчен идарәне Татарстан Хөкүмәтенең электрон документ әйләнешенә кертү сорала, диде. Президент исә бу мәсьәләне гамәли яктан уңай хәл итүне ТР Мәгълүматлаштыру һәм элемтә министрлыгына, ә инде Экология һәм табигать ресурслары белән Финанслар министрлыкларына административ мәсьәләләрдә ярдәм итәргә йөкләде.

Бүген Россиянең прокуратура органнары хезмәткәрләре һөнәри бәйрәмнәрен билгеләп үтә. Россия прокуратура органнары оешуга 289 ел тулуга багышланган тантаналы җыелыш ТР Президенты Рөстәм Миңнеханов рәислегендә “Казан” милли-мәдәният үзәгендә узды.

Бүген ТР Министрлар Кабинетында Премьер-министр вазифаларын башкаручы Равил Моратов рәислегендә Гадәттән тыш хәлләрне кисәтү һәм алар нәтиҗәләрен бетерү, янгын иминлеген тәэмин итү буенча комиссия утырышы узды. Видеоконференция режимында үткән утырышта барлык муниципаль районнар вәкилләре катнашты.

Россия Пенсия фондына кагылышлы законга быел 1 гыйнвардан үзгәрешләр кертелеп, иминиятләштерү взнослары ставкасы элеккеге 26 проценттан 34 процентка кадәр җиткереләчәк, шулай ук Пенсия фондына иминиятләштерүчеләрнең хисап ясау вакыты һәм составы башкача булачак.

Бүген Болгардагы ике яңа торак йортка Бөек Ватан сугышы ветераннары күченде. Аларны бу бәйрәм белән ТР Премьер-министры Илдар Халиков котлады.

Казанның әлегә “Рубин” дип йөртелгән 45 мең тамашачы утыртырга сәләтле футбол стадионы 2012 ел ахырында кулланылышка тапшыру планлаштырылган.

Бүген Казан метрополитенының күптән көтелгән “Кәҗә бистәсе” станциясе халыкка хезмәт күрсәтә башлады.

Бүген Казан Кремлендә Президент Рөстәм Миңнеханов Татарстан Республикасының фән һәм техника өлкәсендәге дәүләт премияләрен тапшырды.

Кремльнең Ак залына җыелган өч дистәдән артык фәнни элита вәкиле һәм предприятие җитәкчесе арасында “Молекуляр кушылмаларның органик чыгышы – электроника һәм медицина өчен наноматериаллар җыюда кулланылучы блоклар”, “Үсемлекләрдә калий циркуляциясе процессының ялганыш механизмы”, “Нефтьне транспортлауның ышанычлылыгын күтәрү буенча технологик чишелешләр комплексын сәнәгатьтә реализацияләү” , “Авыр нефть чималын чыгару һәм эшкәртү процессларында интенсив парга әйләнү, электромагнит активлыгының инновацияле, энергия саклау технологияләре” хезмәтләре, “Оптик нурланышның матдә белән тәэсир итешүе: теория, эксперимент, кушымта”, “Органик булмаган матдәләрнең химик технологиясе”, “ Җинаятьчелек белән бәйле проблемаларны заманча чишү юллары”, “Борынгы заманнардан бүгенгә кадәр дөнья культурасы контекстында татар халкы тарихы” дигән эшләр циклларын тәкъдим иткән авторлар коллективлары һәм аерым авторлар бар иде.

Бүген Әлмәттә ТР Президенты Рөстәм Миңнеханов рәислегендә“Татнефть” ААҖ Директорлар советының чираттагы утырышы узды.