ЯҢАЛЫКЛАР
“Кичә кичке сәгать тугызда республиканың 7 муниципаль районында гадәттән тыш хәл кертелде. Иртәнге сәгать сигездә аларга Минзәлә һәм Лениногорск районнары өстәлде. Чөнки табигать шартлары катлаулана: юеш кар, урыны белән яңгыр яуды. Бик күп урында электр линияләре зыян күрде.
2018 елгы футбол буенча дөнья чемпионаты Россиядә узачак. Бу хакта берничә минут элек кенә ФИФА ның Швейцариянең Цюрих шәһәрендәге штаб-фатирында игълан ителде. Россиянең бу көрәштә көндәшләре Англия, шулай ук коллектив заявкалар белән катнашкан Испания/Португалия һәм Бельгия/Голландия иде.
Ә 2022 елда футбол буенча дөнья беренчелеге Катарда узачак.
Бүген ТР Хөкүмәт йортында Татарстан Премьер-министры Илдар Халиков Татарстан Республикасында алкоголь һәм составында спирт булган продукция әйләнеше өлкәсендәге вәзгыятьне контрольдә тоту буенча Совет утырышын үткәрде.
Бюджет, салымнар һәм финанслар комитеты Комитет рәисе Морат Гаделшин хәбәр иткәнчә, бюджет проектына 195 төзәтмә кергән. Шуның 133ен хупларга тәкъдим ителә.
Искәртеп үтәбез, “Рубин” футбол командасы премьер-лигасы командалары арасында 2010 ел Россия чемпионатының бронза призеры булды. Кичә “Пирамида” мәдәни-күңел ачу комплексында спортчыларны, тренерларны, футбол клубы хезмәткәрләрен бүләкләделәр.
Бүген ТР Министрлар Кабинетының “Казан ярминкәсе”ндә узган күчмә утырышы кысаларында, ТР Хөкүмәте белән Алманиянең “Flad&Flad Communication Group” компаниясе арасында хезмәттәшлек Килешүенә кул куелды. Документны Татарстан ягыннан Премьер-министр Илдар Халиков имзалады.