ЯҢАЛЫКЛАР

Бүген Татарстан Республикасы Премьер-министры Рөстәм Миңнеханов Хөкүмәт Йортында Бурденко исемендәге Нейрохирургия фәнни-эзләнү институты директоры Александр Коновалов белән очрашты.
Россия нейрохирурглар ассоциациясе президенты, Россиянең баш хирургы, Россия Фәннәр Академиясе һәм Россия Медицина Фәннәре Академиясе академигы, Бурденко исемендәге нейрохирургия институты директоры Александр Коновалов җитәкчелегендә Бурденко исемендәге Фәнни-эзләнү институты делегациясенең 22-23 гыйнвар көннәрендә Татарстан каласында эш визиты белән булуын искәртик.

2010 елгы Татарстанда күп фатирлы торак йортларга капиталь ремонт ясау программасы муниципаль сайлауларга кадәр төгәлләнергә тиеш. Бүген бу турыда Татарстан Республикасы Премьер-министры Рөстәм Миңнеханов программаны тормышка ашыру мәсьәләләре буенча киңәшмәдә  белдерде. Республиканың төзелеш, архитектура һәм торак-коммуналь хуҗалык министры Марат Хөснуллин хәбәр итүенчә, Татарстан 2009 елгы капиталь ремонт ясау программасын тулысынча төгәлләде.

Бүген Хөкүмәт Йортында 27 нче Бөтендөнья җәйге универсиадасын оештыру комитеты, “2013 елгы Казан шәһәрендәге XXVII Бөтендөнья җәйге Универсиаданың башкарма дирекциясе” автономияле коммерцияле булмаган оешмасы һәм “Мегафон” компаниясе арасында Ниятләр турында килешүгә кул куелды.
Документка Татарстан Премьер-министры – 2013 елгы Универсиаданың оештыру комитеты рәисе Рөстәм Миңнеханов, 2013 елгы Универсиада башкарма дирекциясе генераль директоры Владимир Леонов һәм “Мегафон” ААҖ генераль директоры Сергей Солдатенков кул куйдылар.

Муниципалитетларга каты көнкүреш калдыкларын (ТБО) җыю һәм утилизацияләү мәсьәләләренә аерым игътибар бирергә кирәк. Бүген бу турыда Татарстан Республикасы Экология һәм табигый байлыклар министрлыгының коллегия утырышында Татарстан Республикасы Премьер-министры Рөстәм Миңнеханов хәбәр итте.
Ул Татарстандагы берничә шәһәрнең ТБО утилизацияләү өчен үз инфраструктурасы булмавын констатацияләде. Мөгаен, әлеге мәсьәләдә аларга республика ягыннан ярдәм кирәк, дип фикер йөртте Рөстәм Миңнеханов. Ләкин муниципалитетлар үзләре дә әлеге мәсьәләне чишү турында кайгыртырга тиеш.

Бүген Татарстан Республикасы Премьер-министры Рөстәм Миңнеханов Татарстан Республикасы Хөкүмәт Йортында Европа укчылар конфедерациясе делегаты Петрос Куритис һәм Россия Укчылар союзы башкарма директоры А.В.Лещикова белән очрашты.
Сүз Казанда Стендка атулар буенча Европа чемпионатын әзерләү һәм үткәрү (2010 елның 25 нче июне - 4 нче июле) турында барды.

Бүген Җәзаларны үтәү федераль хезмәтенең Татарстан Республикасындагы идарәсенең (УФСИН) коллегия утырышында Татарстан Республикасы Хөкүмәте башлыгы Рөстәм Миңнеханов азатлыктан мәхрүм итү урыннарында булган кешеләргә карата игътибарлырак булырга чакырды.
Коллегиядә 2009 елның нәтиҗәләре ясалды һәм киләсе елга бурычлар каралды.

Бүген Мәскәүдә Татарстан Республикасы Премьер-министры Рөстәм Миңнеханов “Авиаприборлар төзелеше концерны” ААҖ генераль директоры Андрей Тюлин, “Аэрокосмик җиһазлар” корпорациясе” ААҖ генераль директоры Юрий Заплаткин һәм әлеге концерн милектәше Сергей Бодрунов белән очрашты.

Бүген Татарстан Республикасы Премьер-министры Рөстәм Миңнеханов Мәскәүдә “Россия һәм дөнья: яңа унъеллык ташлаган чакырулар” халыкара конференциясендә катнаша.
Конференция Россия Федерациясе каршындагы Халык хуҗалыгы академиясе бинасында уза.
Конференциянең максаты булып социаль-икътисади сәясәт приоритетларын ачыклау һәм 2010 нчы елларда аларны гамәли тормышка ашыру әсбапларын булдыру тора.

19 гыйнвар көнне Татарстан Республикасы Премьер-министрының беренче урынбасары Б.П.Павлов “Роснанотех” дәүләт корпорациясенең Федераль һәм региональ органнар белән үзара хезмәттәшлек итү департаменты директоры Дмитрий Криницкий белән бергә “Роснанотех” дәүләт корпорациясе һәм Татарстан арасында Нанотехнологияләр һәм наноидустрияне үстерү өлкәсендә хезмәттәшлек итү турында килешүне тормышка ашыру буенча Координацион советның булачак киңәйтелгән утырышын әзерләү буенча киңәшмә үткәрде.
Шул ук көнне алар Казан шәһәренең наноиндустрия сферасында проектлар төзүне һәм тормышка ашыруны башкара торган берничә предприятиесендә һәм оешмасында булдылар.

Бүген без яшәү сыйфатының яшәеш мохитеннән ничек бәйле икәнен күрәбез, һәм урман тармагы әлеге мәсьәләдә зур роль уйный. Бүген бу турыда Татарстан Республикасы Урман хуҗалыгы министрлыгының коллегия утырышында Татарстан Республикасы Хөкүмәт башлыгы Рөстәм Миңнеханов хәбәр итте.
Коллегия эшендә Рослесхоз бюджет-финанс идарәсе башлыгы Николай Петрунин катнашты.