ЯҢАЛЫКЛАР
Бүген Татарстан Республикасы Тарифлар буенча дәүләт комитетының киң вәкиллекле утырышында Татарстан Республикасы Премьер-министры Алексей Песошин катнашты.
Утырыш 2023 елда Татарстан Республикасы Тарифлар буенча дәүләт комитеты эшчәнлегенең төп нәтиҗәләренә һәм 2024 елга бурычларына багышланды.
Чара Татарстан Республикасы Милли китапханәсе бинасында узды.
Утырышта Монополиягә каршы федераль хезмәт җитәкчесе урынбасары Виталий Королев кунак булды.
Татарстан Премьер-министры Алексей Песошин Монополиягә каршы федераль хезмәт җитәкчесе урынбасары Виталий Королев белән очрашты. Очрашу ТР Хөкүмәте Йортында узды.
2023 елда ТР Рәисе каршындагы Эшкуарлар хокукларын яклау буенча вәкаләтле вәкил адресына эшкуарларның 1217 мөрәҗәгате кергән. Бу 2022 елга караганда ике тапкыр азрак (3296). Бу хакта бүген Татарстан Республикасы Министрлар Кабинетында узган брифингта Татарстанның бизнес-омбудсмены Фәрит Габделганиев белдерде.
Бүген Казанда 2023 елда Татарстан Республикасы Гадәттән тыш хәлләрне кисәтү һәм бетерүнең бердәм дәүләт системасының гражданнар оборонасы һәм территориаль өстәмә системасы эшчәнлегенә йомгак ясадылар һәм 2024 елга бурычлар билгеләделәр. Эштә Татарстан Премьер-министры Алексей Песошин катнашты.
Татарстан Хөкүмәте Рәисе Алексей Песошин Татарстан Республикасы Премьер-министры Кубогына янгын-коткару спорты буенча XIX Бөтенроссия ярышларын ачуда катнашты. Чара Россия гадәттән тыш хәлләр министрлыгының ТР буенча Баш идарәсе спорт манежында узды.
Татарстан Премьер-министры Алексей Песошин Россия Гадәттән тыш хәлләр министрлыгының ТР буенча Баш идарәсе бүлекчәләренә яңа техника ачкычларын тапшырды. Тантана Россия Гадәттән тыш хәлләр министрлыгының ТР буенча Баш идарәсе һәм ТР Гадәттән тыш хәлләр министрлыгы киң вәкиллекле уртак утырышы кысаларында узды.
Бүген Татарстан Республикасы Премьер-министры Алексей Песошин Татарстан Республикасының Инвестицион үсеш агентлыгы коллегиясе утырышында катнашты.
Коллегия ведомствоның 2023 елда эшчәнлеге нәтиҗәләренә һәм 2024 елга бурычларына багышланды. Утырышта катнашучыларга Инвестицион үсеш агентлыгының узган елдагы эшчәнлегенең кыскача йомгакларын үз эченә алган презентацион ролигын күрсәттеләр.
Төп доклад белән ТР ИҮА җитәкчесе Талия Миңнуллина чыгыш ясады.
Бүген Татарстан Республикасының Гадәттән тыш хәлләрне кисәтү һәм бетерү һәм янгын куркынычсызлыгын тәэмин итү комиссиясенең планнан тыш утырышы узды. Ул катлаулы һава шартларында транспортның хәрәкәтенең өзлексез булуын һәм торак-коммуналь хуҗалыкның эшләвен тәэмин итү буенча өстәмә чараларга багышланган иде.
Утырышны ТР Гадәттән тыш хәлләрне кисәтү һәм бетерү һәм янгын куркынычсызлыгын тәэмин итү комиссиясе рәисе урынбасары – ТР Премьер-министрының беренче урынбасары Рөстәм Нигъмәтуллин уздырды.
Росгвардиянең Татарстан Республикасы буенча Идарәсендә Идарә башлыгы Рөстәм Гомәров җитәкчелегендә киңәшмә барышында ведомствоның 2023 елдагы хезмәт-хәрби эшчәнлегенә йомгак ясалды һәм алдагы чорга төп бурычлар билгеләнде. Киңәшмә эшендә Татарстан Премьер-министры Алексей Песошин, РФ Милли гвардиясе гаскәрләренең Идел буе округы командующиеның ведомстводан тыш саклауны һәм лицензия-рөхсәт бирү эшен оештыру буенча урынбасары Павел Дегтярев, ТР буенча Баш федераль инспектор Виктор Демидов, үзара хезмәттәшлек итүче структуралар вәкилләре катнашты.
Татарстанда 155 меңнән артык ата-ана «ТР Электрон мәгариф» системасында теркәлгән инде. Бу хакта Татарстан Республикасы Министрлар Кабинетында узган брифингта ТР мәгариф һәм фән министры Илсур Һадиуллин хәбәр итте.