Татарстан Республикасы Хөкүмәте

ЯҢАЛЫКЛАР

сентябрь, 2013 ел

сишәмбе

Казанда Бишбалтаны (Адмиралтейская слобода) торгызу концепциясен тәкъдир иттеләр

2030 елга Казанның Бишбалтасы кешеләрне җәлеп итәрлек һәм яшәү өчен уңайлы булган урынга әверелергә тиеш. Бишбалтаны үстерү концепциясендә шундый максатлар куелган, бүген аны семинар кысаларында Казан дәүләт архитектура-төзелеш университетында тәкъдир иттеләр. Семинар эшендә Татарстан Республикасы Президенты Рөстәм Миңнеханов катнашты.

Социаль юнәлешле коммерцияле булмаган оешмалар өчен субсидияләргә конкурска заявкалар 10 нчы сентябрьдән кабул ителә

Татарстан Республикасында социаль юнәлешле коммерцияле булмаган оешмаларга финанс ярдәме күрсәтү турында бүген брифингта Татарстан Республикасының Иҗтимагый палата рәисе Анатолий Фомин сөйләде. Брифинг гадәттәгечә Татарстан Республикасы Хөкүмәт Йортында, республиканың барлык муниципаль районнары белән видеоконференцэлемтә режимында узды.

сентябрь, 2013 ел

дүшәмбе

Игорь Шувалов Казан IT-лицеенда булды

Бүген Россия Хөкүмәте Рәисенең беренче урынбасары Игорь Шувалов Казанга эш визиты кысаларында Казан федераль университетының. IT- лицеенда булды. Аны Татарстан Республикасы Президенты Рөстәм Миңнеханов, Казан мэры Илсур Метшин, Татарстан Республикасы вице-премьеры вазыйфаларын башкаручы – мәгариф һәм фән министры Энгель Фәттахов озата йөрде.

Игорь Шуваловка "ТР алдындагы казанышлары өчен" ордены һәм "Казанның мактаулы гражданы" исеме бирелде

Бүген Казан Ратушасында башкаланың һәм республиканың социаль-икътисади үсешенә зур өлеш керткән бертөркем шәхесләрне бүләкләделәр. Аларга Россия һәм Татарстанның дәүләт бүләкләрен ТР Президенты Рөстәм Миңнеханов тапшырды. Бүләкләнүчеләр арасында РФ Премьер-министрының беренче урынбасары, Казандагы 27 нче Бөтендөнья җәйге Универсиадасына әзерлек һәм аны уздыру буенча оештыру комитеты рәисе Игорь Шувалов та бар иде. Аңа Рөстәм Миңнеханов “Татарстан Республикасы каршындагы казанышлары өчен” орденын тапшырды. Россия Хөкүмәте рәисенең беренче урынбасары республиканың әлеге югары дәүләт бүләгенә 2013 елгы Универсиадага әзерлек һәм аны уздыруга керткән зур өлеше өчен лаек булды.

Минтимер Шәймиев белән ИКОМОС һәм ЮНЕСКО экспертлары уртак эш юнәлешләре хакында фикер алышты

Бүген Казан Кремлендә Татарстан Республикасы Татарстан Республикасы Дәүләт киңәшчесе, “Яңарыш” Республика фондының Попечительләр Советы рәисе Минтимер Шәймиев Халыкара һәйкәлләрне һәм истәлекле урыннарны саклау советы (ИКОМОС) экспертлары Рудольф Бритта һәм Виллем Виллемс, ЮНЕСКО генераль директорының мәдәният буенча урынбасары Франческо Бандарин һәм ЮНЕСКО генераль директорының махсус киңәшчесе Мунир Бушенаки белән очрашты.

Минтимер Шәймиев “Тарихи шәһәр ландшафты. Урбанизм чорында мирас белән идарә итү” китабының рус басмасын тәкъдир итүдә катнашты

Бүген Казан Кремленең “Эрмитаж-Казан” үзәгендә Франческо Бандарин һәм Рон Ван Оерс язган “Тарихи шәһәр ландшафты. Урбанизм чорында мирас белән идарә итү” исемле китапның рус теленә тәрҗемә ителгән басмасын тәкъдир итү булды. Чарада ТР Дәүләт Киңәшчесе Минтимер Шәймиев, “Казан Кремле” дәүләт тарихи-архитектура музей-тыюлыгы директоры Зилә Вәлиева, хезмәт авторларының берсе – ЮНЕСКО генераль директорының мәдәният буенча урынбасары Франческо Бандарин, ЮНЕСКО генераль директорының махсус киңәшчесе, мәдәни хәзинәләрне саклау һәм үзгәртеп кору буенча халыкара тикшеренү үзәге генераль директоры (ИККРОМ) Мөнир Бушенаки һәм башкалар катнашты.

Илдар Халиков: Бүген Татарстан Республикасында капиталь ремонт программасы буенча планлаштырылган барлык мәктәпләр дә ачылды

Бүген ТР да капиталь ремонт программасы буенча планлаштырылган барлык мәктәпләр дә ачылды. Бу хакта бүген ТР Премьер-министры журналистлар белән очрашуда белдерде.

Татарстан Президенты Казанда яңа мәктәптә булды

Бүген Казан шәһәренең 35нче гомуми белем мәктәбе укучылар өчен беренче мәртәбә үзенең ишекләрен ачты. Уку елы башлану уңаеннан уздырылган тантаналы линейкада Татарстан Республикасы Президенты Рөстәм Миңнеханов булды. Шулай ук әлеге тантанада Казан мэры Илсур Метшин, Татарстан Республикасы вице-премьеры вазыйфаларын башкаручы – Татарстан Республикасы мәгариф һәм фән министры Энгель Фәттахов, "Ак Барс Банк" ААҖ Директорлар советы рәисе Валерий Сорокин катнашты.

Рөстәм Миңнеханов ИКОМОС һәм ЮНЕСКО экспертлары белән очрашты

Һәйкәлләр һәм күренекле урыннарны саклап калу буенча Халыкара совет (ИКОМОС) экспертлары һәм ЮНЕСКО вәкилләре белән бүген Татарстан Республикасы Президенты РӨстәм Миңнеханов очрашты. Очрашу Татарстан Республикасы Хөкүмәт Йортында узды. Анда ИКОМОС экспертлары Рудольф Бритта һәм Виллем Виллемс, ЮНЕСКО мәдәният буенча генераль директор урынбасары Франческо Бандарин һәм ЮНЕСКО генераль директорының махсус киңәшчесе Мөнир Бушенаки катнаштылар.

сентябрь, 2013 ел

якшәмбе

Татарстан Республикасы Президенты Рөстәм Миңнехановның Бөтенроссия “Белем көне” уңаеннан мөрәҗәгате

Кадерле дуслар! Укучыларны һәм студентларны, ата-аналарны, педагогларны һәм тәрбиячеләрне, Татарстан мәгариф системасының барлык хезмәткәрләрен чын күңелдән Белем көне һәм яңа уку елы башлану белән чын күңелдән тәбрик итәм!

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ