ЯҢАЛЫКЛАР
Бүген Татарстан Республикасы Президенты – “Татнефть” ААҖ Директорлар советы рәисе Рөстәм Миңнеханов “Татнефть” ААҖ Директорлар советының чираттагы утырышын үткәрде.
Наркоманиягә каршы тору, халыкны наркотизацияләүгә каршы профилактика чаралары алып баруга карамастан, соңгы елларда Чаллыда вазгыять шактый катлаулы санала. 2011-2013 елларга каралган шушы афәтне профилактикалау программасы буенча агымдагы ел чараларына 200 мең сум акча каралган.Чаллы мэры Васил Шәйхразиев моны җитәрлек түгел, дип саный, чөнки моның сәбәпләре бар.
Бүгенге көндә торак шартларын яхшыртуга мохтаҗ булган сугыш ветераннары реестрында 2005 елның 1 мартыннан соң чиратка баскан 15275 кеше исәпләнә. Шуларның 12809 ы фатир сатып алу килешүләрен имзалаган, 12465 е яңа торакларга инде күченгән. Шуларның 58 проценты яшәү шартларын яхшыртуда икенчел торак базарындагы әзер фатирларга өстенлек биргән, 42 проценты ТР Дәүләт торак фонды, Баш Инвестиция-төзелеш идарәсе, Казанның “Шәһәр халкына торак” программалары буенча төзелгән яңа торакларны сайлаган.
ТР Премьер-министры Илдар Халиков алдында “Czech Airlines” генераль директоры Йири Марек белән “Татарстан” авиакомпаниясе” ААҖ генераль директоры Руслан Шакиров документка кул куйды.
Бүген ТР Хөкүмәте йортында видеоконференция режимында узган чакырылыш комиссиясе утырышында ТР Премьер-министрының беренче урынбасары Равил Моратов студентларга хәрби билет тапшыруга тиешле әһәмият бирергә чакырды.