ЯҢАЛЫКЛАР
Бүген “Татнефть арена” боз сараенда Татарстан Президенты Чыршысы үткәрелде. Тантанада республика мәктәпләрендә белем алучы 7 меңләп укучы катнашты. Шулардан 1 меңе – Казаннан, 2 меңе – республиканың башка муниципаль берәмлекләреннән, тагын 4 меңләбе – Татарстанның фән олимпиадаларында, фестивальләрдә, спорт ярышларында катнашып җиңү яулаганнар, уку алдынгылары, балалар һәм ижтимагый оешмалар лидерлары, авыр хәлдәге гаиләләрдә тәрбияләнүче, шул исәптән физик мөмкинлекләре чикле балалар.
Шунысы игътибарга лаек: быел Республика Чыршы бәйрәменә 15 ел тула. Шуңа бәйле рәвештә, сценарий “Яңа елның туган көне” темасына багышланды. Иң элек ТР Президенты Чыршысының 2001 елдан бирле уздырылып килгән тамашалары хронологиясе тәкъдим ителде – экранда бәйрәм мизгелләрен чагылдырган фотолар күрсәтелде.
Татарстан Республикасы Муниципаль берәмлекләр съезды – ел саен без очраша торган, муниципалитетларның мөһим проблемаларын хәл итә һәм яңа бурычлар куя торган бик шәп мәйданчык. Бүген Татарстан Республикасы Муниципаль берәмлекләр унынчы съездындагы чыгышын Татарстан Республикасы Президенты Рөстәм Миңнеханов шул сүзләрдән башлады.
Татарстан Республикасы Муниципаль берәмлекләр советының унынчы съезды «Корстон» КСККда (Казан) узды, анда республика муниципаль берәмлекләреннән 955 делегат катнашты.
Төп нотык белән Татарстан Республикасы Муниципаль берәмлекләр советы рәисе Минсәгыйт Шакиров чыгыш ясады.
Татарстан Республикасы Муниципаль берәмлекләр советы рәисе итеп яңадан Минсәгыйт Шакиров сайланды. Аның кандидатурасын яклап бүген Татарстан Республикасы Муниципаль берәмлекләр советының унынчы съездында барлык делегатлар да тавыш бирде.
Татарстан Республикасы Муниципаль берәмлекләр советының унынчы съезды «Корстон» КСККда (Казан) узды.
Аның эшендә Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе урынбасары Юрий Камалтынов, Татарстан Республикасы Премьер-министры Илдар Халиков, Татарстан Республикасыннан Россия Федерациясе Федерация Советы әгъзалары һәм Дәүләт Думасы депутатлары, Татарстан Республикасы Хөкүмәте әгъзалары һәм башкалар катнашты.
Татарстан Республикасы Президенты Рөстәм Миңнеханов бүген "Дуслык" орденын Татарстан Республикасы Премьер-министры Илдар Халиковка тапшырды.
Дәүләт бүләге Казандагы 2015 елгы 16 нчы Су спорт төрләре буенча дөнья чемпионатын оештыру һәм уздыруга керткән гаять зур өлеше өчен бирелде.
Татарстан Президенты "Дуслык" орденын Илдар Халиковка Татарстан Республикасы Муниципаль берәмлекләр советының Х съезды барышында тапшырды.
Язучы Гүзәл Яхина белән бүген Татарстан Республикасы Президенты Рөстәм Миңнеханов очрашты.
Очрашу ТР Хөкүмәте Йортында үтте, анда шулай ук ТР Президенты ярдәмчесе Ләйлә Фазлыева, ТР мәдәният министры Айрат Сибагатуллин һәм башкалар катнашты.
Искәртик, Гүзәл Яхина һәм аның романы "Зөләйха күзләрен ача" романын тәмамланып килүче Әдәбият елы ачышы дип атыйлар.
Бүген Казанда, Татарстан Дәүләт Советы каршындагы мәйданда Татарстан Республикасы Муниципаль берәмлекләр советы тарафыннан гамәлгә куелган республика смотр-конкурсында җиңүчеләрне бүләкләү танатнасы узды.
Татарстан Республикасы Президенты Рөстәм Миңнеханов җиңүчеләргә хезмәттә кулланылучы йөз җиңел автомобиль һәм микроавтобус ачкычы тапшырды.
Бүген Татарстан Республикасы Президенты Рөстәм Миңнеханов «Ел җитәкчесе-2015» тантаналы чарасында катнашты, чара «Корстон» КСККда узды.
Тантанада шулай ук Татарстан Дәүләт Киңәшчесе Минтимер Шәймиев, Татарстан Республикасы Премьер-министры Илдар Халиков, Татарстан Республикасы Хөкүмәте әгъзалары, республика министрлыклары һәм ведомстволары, федераль органнарның территориаль идарәләре, муниципаль берәмлекләр, предприятиеләр җитәкчеләре катнашты.
Бүген Казанда Идел буе фикультура, спорт һәм туризм академиясенең уку-лабортория корпусында талантлы яшьләрне - халыкара, бөтенроссия һәм төбәк олимпиадалары һәм конкурслары җиңүчеләрен һәм призерларын, шулай ук аларны әзерләгән педагогларны бүләкләделәр.
Чарада ТР Премьер-министры Илдар Халиков, ТР Дәүләт Советы рәисе урынбасары Римма Ратникова, ТР Премьер-министры урынбасары – республика мәгариф һәм фән министры Энгель Фәттахов һ.б. катнашты.
Бүген Татарстан Республикасы Президенты РФ Композиторлар берлеге рәисе һәм ТР Композиторлар берлеге рәисе, Россия халык артисты Рәшид Кәлимуллин белән очрашты. Очрашу "Корстон" КСКК мәйданчыгында үтте. Искәртик, Рәшид Кәлимуллинның Россия Композиторлар берлеге рәисе урынына билгеләнүе 2015 елның 9 декберендә билгеле булды.
Бүген Татарстан Республикасы Президенты Рөстәм Миңнеханов Идел буе округы Арбитраж суды төзелүгә 20 ел тулуга багышланган тантанада катнашты.
Тантана Казан Ратушасында узды.
Искәртәбез, Идел буе округы Арбитраж суды (2014 елның 6 августына кадәр – Федераль Идел буе округы арбитраж суды) 1995 елның ноябрендә федераль закон нигезендә төзелгән иде. Аның даими урыны итеп Казан шәһәре билгеләнде.