ЯҢАЛЫКЛАР
Бүген Курганга эш визиты кысаларында Татарстан Республикасы Президенты Рөстәм Миңнеханов Г.А. Илизаров ис. «Тернәкләндерү травматологиясе һәм ортопедиясе» фәнни үзәгендә булды. Фәнни үзәк директоры Александр Губин пациентларны дәвалау алымнары һәм эшенең системасы белән таныштырды. Аның сүзләренчә, Г.А. Илизаров ис. «Тернәкләндерү травматологиясе һәм ортопедиясе» Россия фәнни үзәгендә чрескостный остеосинтез алымында сөякләрне дәвалау методын уйдап тапканнар. Бүгенге көндә аны дөньяның 60 илендә кулланалар. Үзәк нигезендә ел саен Россия һәм чит ил табибларына укыту курслары уздырыла.
Курган өлкәсенә эш сәфәре барышында Татарстан Республикасы Президенты Рөстәм Миңнеханов берничә җитештерү объектында булды.
Беренче объект – Кургандагы «Синтез» ААҖнең дару препаратлары җитештерү заводы. Курган өлкәсе губернаторы Алексей Кокорин белән бергә, Рөстәм Миңнеханов заводның җитештерү цехларын карады. Аерым алганда, кунаклар инфузион эретмәләр һәм су әзерләү участогы белән таныштылар.
Татарстан Республикасы Президенты Рөстәм Миңнеханов Курганга бер көнлек эш визиты белән килде. Аэропортта Рөстәм Миңнехановны Курган өлкәсе губернаторы Алексей Кокорин, Курган өлкәсе Думасы рәисе Владимир Воробьев һәм башкалар каршы алды.
Бүген Татарстан Республикасы Президенты Рөстәм Миңнеханов һәм «Швабе» холдингы генераль директоры Сергей Максин Татарстан Республикасы Хөкүмәте Йортында узган очрашуда оптик-электрон инновацион инжиниринг үзәге - «Швабе» фән шәһәрчеге төзү перспективалары буенча фикер алыштылар.
Рөстәм Миңнеханов өчен проектны кыскача гына тәкъдир иттеләр.
Бүген Татарстан Президенты Рөстәм Миңнеханов үткәргән «Татнефтехиминвест-холдинг» ААҖ Директорлар советы утырышында Татарстан сәнәгатендә кулланыла торган перспективалы фәнни эшләнмәләр турында докладлар тыңланды.
Татарстан Республикасында милләтара һәм конфессиональара татулыкны саклап калуга ярдәм итә торган барлык кабул ителгән программ документлар Татарстан Республикасы территориясендә яшәүче халыклар телләрен һәм мәдәниятләрен саклап калуга, милләтара һәм конфессиональара татулыкны тәэмин итүгә, милләтара мөнәсәбәтләрне камилләштерүгә юнәлгән. Бүген бу хакта Милләтара һәм конфессиональара мөнәсәбәтләр буенча Татарстан Республикасы Президенты каршындагы Советның киңәйтелгән утырышында Татарстан Республикасы Президенты Аппараты җитәкчесе урынбасары – Эчке сәясәт мәсьәләләре буенча Татарстан Республикасы Президенты департаменты җитәкчесе Александр Терентьев хәбәр итте.
Утырыш Казан Кремленең Вәкиллек корпусында барлык мунициципаль районнар белән видеоконференцэлемтә режимында уздырылды. Анда Татарстан Республикасы Президенты Рөстәм Миңнеханов, Граждан җәмгыятен үстерү һәм кеше хокуклары буенча РФ Президенты каршындагы совет рәисе, РФ Президенты киңәшчесе Михаил Федотов, ТР Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Идел буе федераль округында РФ Президентының тулы вәкаләтле вәкиле урынбасары Олег Мельниченко һәм башкалар катнашты.
Милләтара һәм конфессиональара мөнәсәбәтләр мәсьәләләрендә бүгенге көндә бигрәк тә яшьләр белән эшне оештыру, эшләр торышы, милләтара һәм конфессиональара сәясәт уздырылуы турында мәгълүматны җиткерү мөһим. Бу хакта Татарстан Республикасы Президенты Рөстәм Миңнеханов бүген милләтара һәм конфессиональара мөнәсәбәтләр буенча ТР Президенты каршындагы Советның киңәйтелгән утырышында белдерде. Утырыш Казан Кремленең Вәкиллек корпусында бөтен муниципаль районнар белән видеоконференцэлемтә режимында узды. Чарада РФ Президенты Киңәшчесе, РФ Президенты каршындагы гражданлык җәмгыятен үстерү һәм кеше хокуклары буенча Советы рәисе Михаил Федотов, ТР Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, РФ Президентының ИФОдагы Тулы вәкаләтле вәкиле урынбасары Олег Мельниченко һәм башкалар катнашты.
Илдәге икътисадый ситуацияне исәпкә алып, Татарстанның Арбитраж судына бирелә торган гаризалар һәм дәгъвалар саны артачак. Бүген бу хакта Татарстан Республикасы Арбитраж суды коллегиясенең киңәйтелгән утырышында Татарстан Республикасы Президенты хәбәр итте, утырыш 2014 елдагы эш йомгакларына багышланды.
Коллегия утырышында Татарстан Республикасы Арбитраж суды Рәисе Николай Новиков, Идел буе округы Арбитраж суды Рәисе Юрий Глазов, Татарстан Республикасы буенча Баш федераль инспекторы Ренат Тимерҗанов, Татарстан Республикасы Президенты Аппараты җитәкчесе Әсгать Сәфәров һәм башкалар катнашты.
Үткән елга йомгак ясап, Николай Новиков билгеләп үткәнчә, 2013 ел белән чагыштырганда ТР Арбитраж судына кергән гаризалар саны 1,7%ка кимеде һәм 29852 тәшкил итте.