ЯҢАЛЫКЛАР
Татарстан Республикасы 2014 елга планлаштырылган бөтен программаларны да башкарды, шул исәптән социаль программаларны да. Бу хакта бүген Татарстан Республикасы Президенты Рөстәм Миңнеханов тәмамланып килүче ел нәтиҗәләренә багышланган гадәттәге федераль һәм республика массакүләм мәгълүмат чаралары белән очрашуда белдерде. Без елны зур буламаган икътисадый үсеш белән тәмамлыйбыз, дип әйтте Рөстәм Миңнеханов, әлбәттә, үсеш темпларының зуррак булуын теләр идек. Салым керемнәренә, төп капиталга инвестицияләргә килгәндә – барлык бу параметрлар башкарылган, дип билгеләде ул.
Бүген Казанда муниципаль дәрәҗәдәге мәдәни мирас объекты - сәүдәгәр Леонтий Кекин йортын реставрациядән соң ачу тантанасы узды. Элек "Идел" кунакханәсе булган объект архитектор Христофор Пашковский проекты буенча төзелгән.
Тантаналы чарада Татарстан Президенты Рөстәм Миңнеханов, Казан мэры Илсур Метшин, министрлыклар һәм ведомстволар җитәкчеләре, сәнгать эшлеклеләре катнашты.
Бүген ТР Хөкүмәте Йортында узган республика киңәшмәсендә ТР Премьер-министры урынбасары – авыл хуҗалыгы һәм азык-төлек министры Марат Әхмәтов Татарстан Республикасында авыл хуҗалыгы билгеләнешендәге җирләрне дәүләт контролендә тоту чаралары турында хәбәр итте. Киңәшмәне видеоконференцэлемтә режимында бөтен муниципаль районнар белән Татарстан Республикасы Президенты Рөстәм Миңнеханов үткәрде. Киңәшмә эшендә шулай ук Татарстан Республикасы Премьер-министры Илдар Халиков катнашты.
2014 елның 19 декаберенә мәгълүматлар буенча Татарстан Республикасында 2 млн. 245,9 мең кв. м. торак сафка кертелгән, бу еллык планның 93,6% тәшкил итә. Социаль ипотека программасы буенча 383,4 мең кв. метрның 351,3 мең кв. м. сафка кертелгән, бу планның 91,6% тәшкил итә. Мондый мәгълүмат бүген Татарстан Республикасы Хөкүмәте Йортында узган республика киңәшмәсендә яңгырады. Киңәшмәне видеоконференцэлемтә режимында бөтен муниципаль районнар белән Татарстан Республикасы Президенты Рөстәм Миңнеханов үткәрде. Киңәшмә эшендә шулай ук Татарстан Республикасы Премьер-министры Илдар Халиков катнашты.
Киләчәк автоспорт сезоны Татарстан узышчылары өчен тагын да уңышлырак булыр, дип өмет белдерде бүген Татарстан Республикасы Президенты Рөстәм Миңнеханов ел йомгаклары буенча уздырылган традицион тантанада. Чарада узышчылар, Татарстан Республикасы Автомотоспорт федерациясе хезмәткәрләре һәм ТР автоспорт ветераннары катнашты.
Бүген Татарстан Республикасы Президенты Рөстәм Миңнеханов Татарстан Республикасы территориясендә урнашкан югары уку йортлары ректорлары белән очрашты.
Очрашу Татарстан Республикасы Хөкүмәте Йортында узды.
Рөстәм Миңнеханов очрашу барышында хәбәр иткәнчә, республикада мәгариф системасын, мәктәпкәчә балалар учреждениеләреннән алып югары уку йортларына кадәр, модернизацияләүгә юнәлеш алынган. Без беренче чиратта балаларыбызга киләчәктә алар конкуренциягә сәләтле булырлык, заман таләпләренә туры килерлек итеп белем бирергә тиеш, диде Татарстан Республикасы Президенты.
Граждан-патриотик тәрбия эшенең уңышлы баруы барлык кызыксынучы якларның тырышлыгын берләштерүгә бәйле. Бүген бу хакта Татарстан Республикасы Президенты Рөстәм Миңнеханов Россия Федерациясе Президентының Идел буе федераль округындагы Тулы вәкаләтле вәкиле каршындагы совет утырышында хәбәр итте. Казанда узган бу утырышны Россия Федерациясе Президентының Идел буе федераль округындагы Тулы вәкаләтле вәкиле Михаил Бабич алып барды, темасы – яшьләрне патриотик тәрбияләү һәм армиягә әзерләү. Утырышта шулай ук округ регионнары губернаторлары, РФ генераль прокуроры урынбасары Сергей Зайцев, Россия Яшьләр эшләре буенча федераль агентлык башлыгы Сергей Поспелов, Тулы вәкаләтле вәкил каршындагы яшьләр советы әгъзалары катнашты.
Бүген Казанда РФ Президентының ИФОда тулы вәкаләтле вәкиле Михаил Бабич җитәкчелегендә Идел буе федераль округы регионнарының губернаторлары «Патриот» республика спорт-патриотик һәм яшьләрне хәрби хезмәткә әзерләү үзәгендә һәм Татарстан Республикасы Хәрби комиссариатының җыелу пунктында булдылар. Хезмәттәшләрен Татарстан Республикасы Президенты Рөстәм Миңнеханов озата йөрде.