ЯҢАЛЫКЛАР
Татарстан Республикасы авыл хуҗалыгының тулаем продукциясе 2014 елның 9 аенда хуҗалыкларның бөтеен категорияләре буенча 150,1 млрд. сум тәшкил итте, шул исәптән үсемлекчелек – 61,5 млрд. сум, терлекчелек - 88,6 млрд. сум. 2013 елның шул ук дәвере белән чагыштырганда, 105,2 % үсеш. Бу хакта бүген ТР Хөкүмәте Йортында узган киңәшмәдә Татарстан Республикасы Премьер-министры урынбасары – авыл хуҗалыгы һәм азык-төлек министры Марат Әхмәтов хәбәр итте. Киңәшмәне видеоконференцэлемтә режимында бөтен муниципаль районнар белән Татарстан Республикасы Президенты Рөстәм Миңнеханов уздырды. Киңәшмә эшендә Татарстан Республикасы Премьер-министры Илдар Халиков катнашты.
Татарстан Республикасында 2014 программасы буенча күп фатирлы торак йортларда капиталь ремонтау бөтен 793 объектта тәмамланган. Бу хакта бүген ТР Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Киңәшмәне видеоконференцэлемтә режимында бөтен муниципаль районнар белән Татарстан Республикасы Президенты Рөстәм Миңнеханов уздырды. Киңәшмә эшендә Татарстан Республикасы Премьер-министры Илдар Халиков катнашты.
Бүген Татарстан Республикасы Президенты Рөстәм Миңнеханов Казанның Яңа Савин районында Адоратский урамы буенча күпләп-берәмләп сату базарында оештырылган авыл хуҗалыгы ярминкәсендә булды. Биредә фермерлар, крестьян-фермер хуҗалыклары, шәхси хуҗалыклар һәм Татарстанның Кулланучылар берлеге тарафыннан авыл хуҗалыгы продукциясе белән сәүдә җәелдерелгән.
Академик Ренат Мөслимов Татарстанның һәм бөтен Россиянең нефть сәнәгатен торгызуга һәм үстерүгә бик зур өлеш кертте. Бүген бу хакта Татарстан Республикасы Президенты Рөстәм Миңнеханов Татарстан нефтенең күренекле затына 80 яшь тулуга багышланган Казан федераль университетының Гыйльми һәм Попечительләр советларының тантаналы чарасы барышында хәбәр итте.
Кичә Мәскәүдә Татарстан Республикасы Президенты Рөстәм Миңнеханов кайбер федераль министрлыклар җитәкчеләре: РФ Спорт министры Виталий Мутко, РФ Сәнәгать һәм сәүдә министры Денис Мантуров һәм ГХМ җитәкчесе Владимир Пучков белән очрашты.
Бүген V чакырылыш ТР Дәүләт Советының өченче утырышында "2014 елга, 2015 һәм 2016 еллардагы планлы чорга Татарстан Республикасы бюджеты турында"гы ТР Законына үзгәрешләр кертү хакында" 22-5 номерлы Татарстан Республикасы Законы проекты беренче укылышта каралды. Утырышта исә Татарстан Республикасы Президенты Рөстәм Миңнеханов, ТР Дәүләт Киңәшчесе Минтимер Шәймиев катнаша.
Бүген Татарстан Республикасы Президенты Рөстәм Миңнеханов Мәгариф һәм фән өлкәсендә күзәтчелек буенча федераль хезмәт җитәкчесе (Рособрнадзор) Сергей Кравцов белән очрашты. Очрашу Татарстан Республикасы Дәүләт Советы бинасында узды, анда шулай ук Татарстан Республикасы Премьер-министры урынбасары – мәнариф һәм фән министры Энгель Фәттахов катнашты.
Бүген Татарстан Республикасы Президенты Рөстәм Миңнеханов «Огуз текстиль» Төркия компаниясе идарәсе рәисе Исрафил Учурум җитәкчелегендәге делегациясе белән очрашты.
Очрашу Татарстан Республикасы Хөкүмәте Йортында узды.
Кунакларны сәламләп, Рөстәм Миңнеханов иң беренче чиратта Төркия Республикасына нигез салынуга 91 ел тулу белән барысын да котлады, бу бәйрәм кичә 29 октябрьдә иде. Ул тугандаш төрек халкына уңышлар, шулай ук киләчәктә Төркия Президенты Рәҗип Таип Эрдоган җитәкчелегендә ватаннарының чәчәк атуын теләде.