ЯҢАЛЫКЛАР

Бүген рәсми рәвештә Биектау муниципаль районы Башкарма комитетын җитәкләгән, бер үк вакытта район башлыгы вазифасын башкаручы Рөстәм Кәлимуллинга яңа постта районга элеккеге данын кайтару өчен бик күп тырышырга кирәк булачак. Муниципаль район Советының бүген ТР Президенты Рөстәм Миңнеханов, министрлыклар-ведомстволар җитәкчеләре, ТР Дәүләт Советы депуталары катнашында узган утырышында районның социаль-икътисади үсеше белән бәйле проблемалар күтәрелде.

Бүген Россиядә РФ Кораллы Көчләренә чакырылыш төгәлләнде. ТР Министрлар Кабинетында беренче вице-премьер - республика чакырылыш комиссиясе урынбасары Равил Моратов рәислегендә узган ТР чакырылыш комиссиясе утырышында Татарстанда 2010 елгы язгы чакырылыш кампаниясенә нәтиҗәләр ясалды.

Татарстан хәрби комиссары Сергей Погодинның сүзләренә караганда, республикада язгы чакырылыш тулаем алганда оешкан төстә узган. Шәһәр-районнарда чакырылышны тәэмин итү буенча чараларны үтәмәү һәм хокук бозу очраклары теркәлмәгән. Быел армиягә 7 меңнән артык татарстанлы киткән. Чакырылыш комиссияләренә 30476 граждан чакырылган, шуларның 99,3 проценты килгән. 193 татарстанлы армиягә барудан качып йөргән. Аларның күпчелеге хәрби хезмәткә яраклы.

Татарстанга ике көнлек визит белән Саха (Якутия) Республикасы делегациясе килде. Сәфәрнең максаты- төбәкне үстерүнең инновацияле юлларын өйрәнү һәм тәҗрибә уртаклашу. Бүген ТР Премьер-министры Илдар Халиков Саха (Якутия) Республикасы вице-президенты Дмитрий Глушко һәм Фәннәр академиясе президенты Игорь Колодезников белән очрашты, дип хәбәр итә ТР Президентының матбугат хезмәте.

Бүген Татарстан Республикасы Министрлар Кабинеты һәм “Эр-Телеком Холдинг” ЯАҖ арасында Татарстан Республикасы территориясендә мәгълүмати технологияләрне һәм хезмәтләрне үстерү өлкәсендә хезмәттәшлек итү турында килешү имзаланды.

Документка ТР Премьер-министры Илдар Халиков һәм “Эр-Телеком Холдинг” ЯАҖ генераль директоры Андрей Семериков кул куйды.

Татарстан җитәкчелеге Япония компанияләренең респулика базарына килүенә карата кызыксыну белдерә. Бүген Татарстан Президенты Рөстәм Миңнеханов Япониянең Россия Федерациясендәге Гадәттән тыш һәм Тулы вәкаләтле илчесе Масахару Коно белән очрашуда әнә шулай дип белдерде. Очрашу ТР Хөкүмәте йортында узды.

Искәртеп үтәбез, Масахару Коно җитәкчелегендәге япон эшкуарлары делегациясе Татарстан Республикасына 12 июльдә килде. Делегация составына Япония бизнес-клубы (Мәскәү) вәкилләре, автомобиль, нефть, банк һәм икътисадның башка тармакларындагы мәнфәгатьләрне тәкъдим итүче егермедән артык эшкуар керә. Делегация әгъзалары «КАМАЗ” ААҖ, “Соллерс” ААҖ, “Алабуга” махсус икътисади зонасы, Казандагы IT-паркта, шулай ук “Йокогава электрик” компаниясенең Техник үзәгендә (“Идея” технопаркы) булды.

Россия Хөкүмәте Президиумы утырышы булды. Утырыш корылык китергән нәтиҗәләрне бетерү темасына багышланган иде.

Утырышта Татарстан Президенты Рөстәм Миңнеханов, аномаль югары температурадан аеруча нык зыян күргән башка төбәкләрнең җитәкчеләре катнашты.

Татарстан Президенты эш визиты белән Воронеж өлкәсендә булды, анда ул Воронеж өлкәсе губернаторы Алексей Гордеев белән очрашты.

Узган ел Татарстанда муниципалитетларда үз эшен башлап җибәрүче кече һәм урта эшмәкәрләргә грант ярдәме күрсәтү буенча тәҗрибә проекты гамәлгә ашырыла башлады. Кече һәм урта эшмәкәрлекне үстерү буенча комитет гамәлгә ашыра торган бу проект лизинг механизмы кулланып ярдәм итүне күздә тота. Узган ел йомгаклары “Лизинг-грант” программасының нәтиҗәлелеген раслаган. Быел аны дәвам итәргә булганнар. Бүген ТР Министрлар Кабинетында Президент Рөстәм Миңнеханов рәислегендә узган киңәшмәдә Татарстанда “Лизинг-грант” программасының яңа этабына старт бирелде. Киңәшмәдә узган елга йомгак ясалып, программаны быел гамәлгә ашырудагы бурычлар билгеләнде.