ЯҢАЛЫКЛАР
Бүген Казанда «Татнефтехиминвест-холдинг» ААҖ акционерларының еллык җыелышы узды. Рөстәм Миңнеханов яңадан «Татнефтехиминвест-холдинг» ААҖ Директорлар советы рәисе итеп сайланды.
Бүген “Казан Кремле” музей-тыюлыгында Халыкара балаларны яклау көненә багышланган “Без Кремльне яратабыз” фестивале уздырылды. Ул ТР Президенты вазифаларын вакытлыча башкаручы Рөстәм Миңнеханов ярдәме белән оештырылды. Чара 11.00дә башланып 15.00гә кадәр дәвам итте. Бәйрәм программасы Казан Кремле территориясенең берьюлы берничә мәйданында оештырылды.
Чарада ТР Премьер-министры Илдар Халиков, юл хәрәкәте куркынычсызлыгын тәэмин итү өлкәсендә ЮХИДИ белән хезмәттәшлек итүче министрлык һәм ведомство вәкилләре катнашты.
Бүген Халыкара балаларны яклау көне уңаеннан Татарстан Республикасы Президенты вазыйфаларын вакытлыча башкаручы Рөстәм Миңнеханов ТР Сәламәтлек саклау министрлыгының Республика балалар клиник сырхауханәсендә булды. Аны ТР сәламәтлек саклау министры Гадел Вафин, ТР Президенты Аппараты җитәкчесе Әсгать Сәфәров һәм башкалар озата йөрде.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Алексеевское поселогында «Алексеевские перезвоны» XIII колокол тавышлары фестиваленең ачылу тантанасында катнашты. Алексеевск муниципаль районы үзәгенә килүгә, Рөстәм Миңнеханов Бөек Ватан сугышында һәлак булганнар һәйкәленә чәчәкләр салды.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Россия Федерациясе Федераль Собраниесе Федерация Советы Рәисе Валентина Матвиенко белән очрашты.
Очрашу Казан Кремлендә Рөстәм Миңнехановның эш бүлмәсендә узды.
Бүген Татарстанның хәзерге заман тарихында парламентаризмны торгызуның 25 еллыгына багышланган тантаналы җыелышта «Парламентаризм үсешенә керткән өлеше өчен» мактаулы тамгасы беренче мәртәбә тапшырылды.
Беренче бүләкләрне Татарстанның беренче Президенты, Татарстан Республикасы Дәүләт Киңәшчесе Минтимер Шәймиев, Россия Федерациясе Федераль Собраниесе Федерация Советы Рәисе Валентина Матвиенко, Татарстан Республикасы Президенты вазыйфаларын вакытлыча башкаручы Рөстәм Миңнеханов, шулай ук җәмәгать эшлеклеләре Индус Таһиров, Валентина Липужина һәм Татарстан Республикасы Дәүләт Советы депутаты Разил Вәлиев алды.
Барлык чакырылышлар Татарстан Республикасы депутатларының һәм җәмәгатьчелегенең Татарстанның хәзерге заман тарихында парламентаризмны торгызуның 25 еллыгына багышланган тантаналы җыелышы бүген Казанда Салих Сәйдәш исемендәге Зур концерт залында узды.
Чарада Россия Федерациясе Федераль Собраниесе Федерация Советы Рәисе Валентина Матвиенко, Россия Федерациясе Федераль Собраниесе Дәүләт Думасы Рәисенең беренче урынбасары Александр Жуков, Татарстан Республикасы Президенты вазыйфаларын вакытлыча башкаручы Рөстәм Миңнеханов, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Дәүләт Киңәшчесе Минтимер Шәймиев, XII чакырылыш Татарстан Республикасы Югары Советы депутатлары һәм аларның тарихи дәвамчылары – республика Дәүләт Советының барлык биш чакырылышы депутатлары катнашты.
Шулар арасында 700 кунак – Россия регионнары парламентлары җитәкчеләре, Россия Федерация Советы әгъзалары һәм Дәүләт Думасы депутатлары, кайбер чит илләр парламентлары вәкилләре.
Татарстан Республикасында «Парклар һәм скверлар» программасы кысаларында 44 муниципаль районда 104 объектта эшләр башланган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры урынбасары Алексей Песошин катнашты.
Ирек Фәйзуллин билгеләп үткәнчә, алты объектта эшләр тәмамланган. Бу – Әлки, Лаеш, Лениногорск, Питрәч районнары (берәр парк) һәм ике парк Казанда.