ЯҢАЛЫКЛАР


17
февраль, 2015 ел
сишәмбе

Кичә көннең икенче яртысында Татарстан Республикасы Президенты Рөстәм Миңнеханов Мәскәүдә эш сәсфәрендә булды. Анад ул Россия Федерациясе Хөкүмәте Рәисе Дмитрий Медведев белән очрашты. Чарада «КАМАЗ» ААҖ генераль директоры Сергей Когогин да катнашты.

Сүз «КАМАЗ» ААҖне үстерү стратегиясе мәсьәләләре турында барды.


16
февраль, 2015 ел
дүшәмбе
Бүген Татарстан Республикасы Президенты Рөстәм Миңнеханов Карелиядәге татар җәмәгатьчелеге вәкилләре белән очрашты. Очрашу Карелия Хөкүмәте бинасында узды. Чарада Карелия башлыгы Александр Худилайнен катнашты. Ул республикада милли берләшмәләргә күрсәтелә торган ярдәм турында сөйләде. Ул билгеләгәнчә, Карелия Республикасында яшәүче 150 милләт арасында саны буенча татарлар җиденче урында тора. 
Бүген Петрозаводскида 2015-2017 елларга сәүдә-икътисадый, фәнни-техник, социаль һәм мәдәни хезмәттәшлек турындагы Килешүне гамәлгә ашыру Беркетмәсе имзаланды. Документка Карелия башлыгы Александр Худилайнен һәм Татарстан Республикасы Президенты Рөстәм Миңнеханов кул куйды. Хемәттәшлек турында Килешү ике регион арасында 2014 ел июлендә имзаланды. 

Татарстан һәм Карелиянең икътисадый потенциалын истә тотып, безгә товар әйләнешен һичшиксез арттырырга кирәк. Бу хакта бүген Татарстан Республикасы Президенты Рөстәм Миңнеханов Петрозаводскида Карелия Республикасы башлыгы Александр Худилайнен белән очрашудан соң белдерде. Очрашу Карелия Республикасы башлыгы администрациясе бинасында узды. Очрашу кысаларында Карелия Республикасы Хөкүмәте һәм Татарстан Республикасы арасында хезмәттәшлек турындагы Килешүне гамәлгә ашыру Беркетмәсе имзаланды.

Бүген Карелиягә Татарстан рәсми делегациясе визиты кысаларында Карелия Республикасы Башлыгы Александра Худилайнен белән Татарстан Республикасы Президенты Рөстәм Миңнеханов очрашты.

Башта регионнар җитәкчеләре үзара сөйләшү барышында хезмәттәшлек юнәлешләре турында фикер алыштылар, аннары очрашу киңәйтелгән составында узды.

Бүген Татарстан Республикасы Президенты Рөстәм Миңнеханов «Петрозаводск дәүләт университеты» ЮҺБ ФДБМУнең Югары биомедицина технологияләре институтында булды.

Искәртәбез, Татарстан Республикасы Президенты Рөстәм Миңнеханов Карелия Республикасы башкаласы Петрозаводск шәһәренә эш сәфәре белән барды (2015 елның15-16 феврале).

Югары биомедицина технологияләре институты 2012-2016 елларга «Европа Төньягы фәнни-мәгариф киңлекләрендә ПетрДУ университет комплексы: инновацион үсеш стратегиясе» программасы кысаларында 2012 елда Петрозаводск дәүләт университетында оештырылган иде.


15
февраль, 2015 ел
якшәмбе

Бүген Татарстан Республикасы Президенты Рөстәм Миңнеханов Петрозаводскта «Калевала» ДОК ҖЧҖнең OSB плиталары (юнәлешле-йомычка плиталары) җитештерү заводында булды.

Искәртәбез, Рөстәм Миңнеханов Карелия Республикасы башкаласы Петрозаводск шәһәренә эш сәфәре белән барды (2015 елның15-16 феврале).

Карелия Башлыгы Александр Худилайнен белән бергә, Рөстәм Миңнеханов завод эшчәнлеге һәм аның үсеш планнары белән танышты.

Бүген кич Татарстан Республикасы Президенты Рөстәм Миңнеханов Карелия Республикасы башкаласы Петрозаводскига эш визиты белән килде. Петрозаводск аэропортында Рөстәм Миңнехановны Карелия башлыгы Александр Худилайнен каршы алды.


14
февраль, 2015 ел
шимбә

Бүген Татарстан Республикасы Президенты Рөстәм Миңнеханов Россия Федерациясе һәм Татарстан Республикасы халык артисты, Г.Тукай исемендәге Дәүләт премиясе лауреаты Илһам Шакировка “Фидакарь хезмәт өчен” Татарстан Республикасы медален тапшырды.

Татарстан Республикасында 2015 елның гыйнвары йомгаклары буенча 745,8 мең баш мөгезле эре терлек санала, шул исәптән сыерлар – 247,5 мең баш. Бүген бу хакта Татарстан Республикасы Хөкүмәте Йортында узган республика киңәшмәсендә ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры вазыйфаларын башкаручы Алексей Песошин да катнашты.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International