ЯҢАЛЫКЛАР
Бүген Татарстан Республикасы Президенты Рөстәм Миңнеханов Вьетнам Социалистик Республикасына ике көнлек (2014 елның 8-9 сентябрь көннәре) эш визиты белән килде. Рөстәм Миңнеханов килеп төшүгә, мәгариф һәм фән өлкәсе, укытучылар белән алышынуны җайга салу, Татарстан Республикасында югары белем алучы студентлар санын арттыру мәсьәләләре турында сөйләшү өчен, Вьетнам Республикасының Мәгариф һәм кадрлар әзерләү министрлыгы җитәкчелеге белән очрашты.
Татарстанда үзең килерлек һәм кунаклар чакырырлык лаеклы рус театры булырга тиеш. Бу хакта кичә В.И.Качалов исемендәге Казан академия рус Зур драма театры бинасын реконструкциядән соң ачу тантанасында Татарстан Президенты Рөстәм Миңнеханов белдерде.
«Зарница» предприятиесе һәм Казанның Киров районы 70 нче номерлы мәктәбендә бүген Татарстан Республикасы Президенты Рөстәм Миңнеханов булды. Аны ТР Президенты Аппараты җитәкчесе Әсгать Сәфәров, Казан мэры Илсур Метшин, республика төзелеш, архитектура һәм ТКХ министры Ирек Фәйзуллин озата йөрделәр.
Бүген Әлмәттә Нефть һәм газ сәнәгате хезмәткәрләре көненә багышланган тантаналы чаралар узды. Бәйрәм чараларында Татарстан Республикасы Президенты Рөстәм Миңнеханов, “Татнефть” ААҖ генераль директоры Наил Маганов, Әлмәт муниципаль районы башлыгы Мәҗит Салихов, РФ һәм ТР министрлыклары һәм ведомстволары җитәкчеләре, республика һәм Россиянең төрле төбәкләреннән мәртәбәле кунаклар, Татарстан Республикасының нефть төбәге муниципаль районнары башлыклары катнашты.
Бүгенге көнгә Татарстанда бөртеклеләр уңышының 82% мәйданы җыелган, уртача уңыш гектардан 22,3 центнер дәшкил итә. Бүген барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов алып барган республика киңәшмәсендә шул турыда хәбәр ителде.
Бүген Татарстан Республикасы Президенты Рөстәм Миңнеханов Чистай муниципаль районына эш сәфәре кысаларында чистайлылар гадәттә ял итә торган Скарятин бакчасында булды.
Скарятин бакчасы Чистай үзәгендә урнашкан, аңа 1867 елда Казан губернаторы Скарятин кушуы буенча элеккеге Икмәк мәйданы урынында нигез салынган.
Чистай муниципаль майонының № 11 кадетлар мәктәп-интернатында бүген Татарстан Республикасы Президенты Рөстәм Миңнеханов булды. Мәктәп бинасы яңа уку елына капиталь ремонтланган. Рөстәм Миңнехановны кадетлар мәктәбенең укучылары һәм җитәкчелеге – директоры Фоат Сөнгәтуллин каршы алды.