ЯҢАЛЫКЛАР
20
июнь, 2010 ел
якшәмбе
Татарстан киләчәктә дә Кувәйт белән мәдәни мөнәсәбәтләрне үстерәчәк һәм эшлекле мөнәсәбәтләрне җайга салу өчен барлык көчен куячак. Бу хакта кичә Татарстан Президенты Рөстәм Миңнеханов Кувәйт дәүләте вакыфлар һәм ислам эшләре министры урынбасары Гадел Абдулла Әл-Фаләх белән очрашуда белдерде.
Татарстандагы Сабантуйлар парады бүген Казанда тәмамланды. Халкыбызның милли бәйрәме башкаланың 4 мәйданында оештырылган иде. Сабан туе мәйданының берсе, традиция буенча Аккош күле урман паркы зонасында гөрләде. Элегрәк елларда бу мәйданда башкаланың Киров районы Сабан туе узган булса, быел Аккош күле Мәскәү һәм Авиатөзелеш районнары халкын да үзенә җыйды. Казанлыларны бу матур бәйрәм белән котларга ТР Президенты Рөстәм Миңнеханов килгән иде. Дәрәҗәле кунаклар арасында шулай ук ТР Премьер-министры Илдар Халиков, Казан мэры Илсур Метшин, министрлык-ведомстволар җитәкчеләре, Мәскәү шәһәре,Төркия, Кувәйт, Болгария һәм Казахстан делегацияләре бар иде.
19
июнь, 2010 ел
шимбә
Бүген Идел буе Болгар дәүләтенең Ислам динен рәсми кабул итүнең 1121 еллыгына багышланган Болгар җыенының рәсми ачылышында РФ һәм ТР рәсми вәкилләре, килгән чит ил кунаклары дини даирәләргә хөрмәт күрсәтеп күрешеп чыккач, изге дога белән тантана башланып китте.
Бүген борынгы Болгар шәһәрендәге җыен өчен тарихи һәйкәлләр янында төзелгән сәхнә түрен, Татарстан җитәкчелеге, дини даирә башлыклары белән бергә, Г.Камал исемендәге Татар дәүләт академия театры һәм ТР Дәүләт камера хоры артистлары, Коръән уку осталыгына уздырылган конкурс җиңүчеләре алды: мөнәҗәтләр, борынгы татар җырлары, Коръән сүрәләре яңгырады.
18
июнь, 2010 ел
җомга
Бүген ТР Премьер-министры Илдар Халиков Яшел Үзән муниципаль районы Советының 55 нче чираттан тыш сессиясендә катнашты.
17
июнь, 2010 ел
пәнҗешәмбе
ТР Президенты Рөстәм Миңнеханов Санкт-Петербургта эш сәфәрендә. Төньяк башкалага сәфәрнең төп максаты – ΧΙV Халыкара икътисади форумда катнашу, дип хәбәр итә Президентның матбугат хезмәте. Петербургтагы зур бизнес көннәре 17-19 июньдә “Ленэкспо” мәйданында уза.
Татарстанда быел планга кертелгән күп фатирлы йортларны капиталь ремонтлау программасы бүгенге көндә 49 процентка финансланган. Муниципаль берәмлекләр счетына төрле чыганаклардан 3 млрд. 190 млн. сум финанслар алынган.
16
июнь, 2010 ел
чәршәмбе
Татарстанның иң яхшы мәктәбе дип Казанның 39 нчы урта мәктәбе табылды. Әлеге мәктәпне директор Галина Нәҗипова җитәкли. ТР Мәгариф һәм фән министры Альберт Гыйльметдинов аңа, интерактив комплекс алу өчен сертификат һәм кыңгырау бүләк итте.
Бүген Россия Федерациясе Президенты Дмитрий Медведевның видеоконференция режимындагы киңәшмәсендә федераль юл фонды булдыру проекты буенча фикер алыштылар. Киңәшмәдә Татарстан Республикасы Президенты Рөстәм Миңнеханов та катнашты.
Татарстан Президенты Рөстәм Миңнеханов РФ Дәүләт Советы Президиумы составының яңа составына керде. Бүген Россия Президенты Дмитрий Медведев указ белән РФ Дәүләт Советы Президиумы составында үзгәрешләр хакында белдерде.
Датасы буенча тикшерү
ЯҢАЛЫКЛАРГА ЯЗЫЛУ
Адрес: 420060, Казан шәһәре, Ирек мәйданы, 1
Телефон:
+7 (843) 264-77-74
E-Mail: prav@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз