ЯҢАЛЫКЛАР
Татарстан Президенты вазифаларын башкаручы Алексей Песошин Россия Тикшерү комитеты кадетларының өченче слётында катнашучылар белән очрашты. Чара Казан федераль университетында узды. Очрашуда РФ Тикшерү комитетының уку һәм тәрбия эшләре идарәсе җитәкчесе, Россия Герое Сергей Петров катнашты.
“Татспиртпром” үз брендларының алкоголь продукциясен сатуны 9,2 млн декалитрдан 10 млн декалитрга кадәр арттырырга уйлый. Бу хакта бүген “Татспиртпром” АҖ Директорлар советы утырышында билгеле булды, ул ТР Хөкүмәте йортында Татарстан Республикасы Президенты вазифаларын башкаручы Алексей Песошин рәислегендә узды.
Бүген Казанда «TIAF supported by Automechanika» 4 нче халыкара автомобиль төзелеше форумы ачылды.
Форум ачылышында Татарстан Республикасы Премьер-министрының беренче урынбасары Рөстәм Нигъмәтуллин катнашты. Ул форумда катнашучыларны Татарстан Республикасы җитәкчелеге исеменнән котлады.
Бүген Казанда Кемерово сәүдә комплексында һәлак булганнар истәлегенә багышланган акциягә 100 дән артык кеше килгән иде.
Татарстан башкаласында акция шәһәр үзәгендә, Ленин бакчасы янында узды, анда “Кемерово, без синең белән” баннеры урнаштырылган иде.
Бүген ТР Хөкүмәте йортында узган киңәшмәдә РФдә Конкуренцияне үстерү милли планын гамәлгә ашыру мәсьәләләре хакында фикер алыштылар.
Киңәшмәне Татарстан Республикасы Куркынычсызлык Советы секретаре Айрат Шәфигуллин уздырды. Анда Федераль монополиягә каршы хезмәт җитәкчесе урынбасары Анатолий Голомолзин катнашты.
Татарстанда 2017 елда финанс базарында катнашучылар эшчәнлеге нәтиҗәләре һәм 2018 елга бурычлар турында Россия банкының ТР буенча Милли банк бүлегендә киңәшмә узды.
Киңәшмәдә ТР Премьер-министры Алексей Песошин, Россия банкының Идел-Вятка баш идарәсе башлыгы урынбасары Кирилл Коваленко, Татарстан Республикасы буенча Милли банк бүлеге идарәчесе Марат Шәрифуллин һәм финанс оешмалары вәкилләре катнашты.
Хәзерге вакытта Куйбышев сусаклагычында су күләме нормадан 3,5-4 метрга артык. Бу хакта Татарстан Министрлар Кабинетында брифингта Татарстан Гидрометеоүзәге башлыгы Феликс Гоголь хәбәр итте.
Брифинг 2018 елгы язгы ташуны авариясез уздыруны тәэмин итүгә багышланган иде.
Татарстан Республикасында 2018 елгы чәчү кампаниясендә 11 мең трактор, 6 мең чәчкеч, 5 меңнән артык культиватор, 600 дән артык чәчү комплексы катнашачак. Бу хакта Татарстан Хөкүмәте йортында узган киңәшмәдә ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Премьер-министры Алейсей Песошин уздырды.
ТР Хөкүмәте йортында узган киңәшмәдә 2018 елда күп фатирлы торак йортларны капремонтлау программасын гамәлгә ашыруның барышы турында ТР төзелеш, архитектура һәм ТКХ министрының беренче урынбасары Алексей Фролов сөйләде.
Киңәшмәне ТР Премьер-министры Алексей Песошин уздырды.
ТР Премьер-министры Алексей Песошин бүген Түбән Новгородта булды.
ТР Министрлар Кабинеты башлыгы РФ Президентының Идел буе федераль округындагы тулы вәкаләтле вәкиле каршында совет утырышында катнашты.
Советның төп темасы – Идел буе федераль округы төбәкләрендә торак төзелеше базарын үстерү.
Утырышны РФ Президентының Идел буе федераль округындагы тулы вәкаләтле вәкиле Михаил Бабич уздырды.