ЯҢАЛЫКЛАР

Бүген Менделеевскта Менделеевск муниципаль районы Советының чираттан тыш, 25 нче утырышы үтте. Аның эшендә ТР Премьер-министры Илдар Халиков һәм ТР Президенты Аппараты җитәкчесе урынбасары – ТР Президентының Территорияләр белән эшләү идарәсе башлыгы Илнур Гарипов катнашты. Көн үзәгендә район башлыгын һәм җирле хакимиятнең вәкилләр органы җитәкчесен сайлау торды.

Бүген ТР Президенты Рөстәм Миңнеханов республиканың Әлки районына эшлекле сәфәре кысаларында Карамалы авылына таба җәелгән яңа асфальт юлны карады. Карамалы авылына кадәр асфальт юл быел җәелгән – моңа кадәр 208 кеше яшәгән торак пунктка кадәр каты катламлы юл җәелмәгән булган. Подрядчы "Алексеевскдорстрой" трассадан авылга кадәр 5 км юлдан тыш, үз акчаларына торак пунктның эчендә тагын бер километр асфальт юл салган. Төзелеш эшләренең гомуми бәясе 107 миллион сум тәшкил иткән.

Бүген ТР Президенты Рөстәм Миңнеханов Карнеги Меллон Университеты (Питтсбург, АКШ) вәкилләре белән “Иннополис” инновацион шәһәр-иярчене базасында ИТ-университет булдыру проекты турында сөйләште. Очрашу ТР Хөкүмәт Йортында үтте, анда ТР Премьер-министр урынбасары – ТР мәгълүматлаштыру һәм элемтә министры Роман Шәйхетдинов, ТР мәгариф һәм фән министры Энгель Фәттахов, ТР Президенты ярдәмчесе Радик Гыйматдинов катнашты.

Халыкара инвестицияләрне җәлеп итү буенча Татарстанның яңа проектлары республиканың бизнес-климатын гына яхшыртып калмый, яшьләргә реальләшү мөмкинлеген дә бирә. Бүген бу хакта ТР Премьер-министры Илдар Халиков чит ил инвестицияләре буенча беренче Мәскәү халыкара форумында белдерде.

Бүген ТР Премьер-министры Илдар Халиков Мәскәүдә конкуренция һәм кече, урта эшмәкәрлек үсеше мәсьәләләре буена комиссия утырышында катнашты. Утырышны РФ Хөкүмәте Рәисенең беренче урынбасары Игорь Шувалов уздырды.

Бүген Казан Кремлендә ТР Дәүләт Киңәшчесе, “Яңарыш” Республика Фонды Попечительләр советы Рәисе Минтимер Шәймиев Халыкара Табигатьне Саклау Берлегенең (МСОП) табигый мирасны саклау буенча эксперты һәм консультанты Калев Сеппны кабул итте.

Бүген ТР Дәүләт Киңәшчесе Минтимер Шәймиев Казанда Төркия Республикасының яңа Генераль консулы Сабри Тунч Ангылы белән очрашты. Сабри Тунч Ангылы үз вазыйфаларына 2012 нче елның 12 нче сентябрендә керешкән. Дипломатик хезмәте вакытында Ангылы Төркия Чит ил эшләре министрлыгында, Тегеранда Төркия илчелегендә, Европа Союзында Төркиянең даими вәкиллегендә эшләгән. Казанга билгеләнгәнче Токиода Төркия Республикасының илчелегендә киңәшче булган.

Бүген ТР Президенты Рөстәм Миңнеханов “Тикшерү, модификация һәм төрле физик табигать материалларын алуның плазмалы технологияләре” (“Плазменные технологии исследования, модификации и получения материалов различной физической природы”) халыкара фәнни конференция катнашучылары белән очрашты. Очрашуда Россия фәннәр академиясе вәкил-хәбәрчесе Юрий Михайлов, Калифорния университеты профессоры Альфред Вонг, КМТТУ ректоры Герман Дьяконов, ТР Президентының икътисади мәсьәләләр буенча ярдәмчесе Айрат Хәйруллин, ТР мәгариф һәм фән министры Энгель Фәттахов, ТР Фәннәр академиясе президенты Әхмәт Мәзһәров катнашты.

Бүген ТР Президенты Рөстәм Миңнеханов Уфада Таҗикстан Республикасы Генераль консулы Садык Имомов белән очрашты. Очрашу ТР Хөкүмәт Йортында үтте.