ЯҢАЛЫКЛАР

Бүген «Татнефтехиминвест-холдинг» ААҖ Директорлар советы утырышында предприятиенең генераль директоры Рафинат Яруллин 2010-2014 елларга Татарстан Республикасы нефть-газ химиясе комплексын үстерү программасын тәкъдим итте.
Утырышны Татарстан Республикасы Премьер-министры - «Татнефтехиминвест-холдинг» ААҖ Директорлар советы рәисе Рөстәм Миңнеханов үткәрде.
Ул, аерым алганда, шуны әйтеп үтте: бу – республикада кабул ителә торган нефть-газ химиясе комплексын үстерү буенча өченче программа. Элеккеге ике программа республикада уңышлы рәвештә тормышка ашырылды.

Бүген Татарстанда яшәүче милиция хезмәткәрләренең тагын 70 гаиләсе яңа фатир алдылар. Губкин урамында Татарстан Республикасы Эчке эшләр министрлыгының Махсус билгеләнүдәге милиция отряды (ОМОН) Административ-көнкүреш комплексының торак бүлеген тантаналы ачу узды.
Ачу тантанасында Татарстан Республикасы Премьер-министры Рөстәм Миңнеханов, Татарстан Республикасы Эчке эшләр министрлыгының Махсус берәмлекләр эшчәнлеге белән идарә итү үзәге башлыгы, милиция генерал-лейтенанты Владимир Горшуков, Татарстан Республикасы эчке эшләр министры Әсгать Сәфәров, шулай ук хәрби состав, аларның гаиләләре һәм Эчке эшләр бүлеге ветераннары катнашты.

Бүген Татарстан Республикасы Министрлар Кабинетында үткән брифингта Татарстан Республикасының тарифлар буенча комитеты җитәкчесе Марина Фәйрушина 2010 елда халык өчен газ, җылылык энергиясе, су үткәрү һәм су белән тәэмин итү тарифлары үзгәртелү турында сөйләде.
Ул тарифларның федераль һәм республика дәрәҗәсендә көйләнелүен, конкрет тарифларның муниципаль берәмлекләрнең регуляцияләү органнары тарафынан билгеләнүен искә төшереп үтте.
2010 ел тарифлары Россия Федерациясе Хөкүмәтенең фараз исәпләүләре нигезендә формалаштырылган (2009 елның 23 октябрендә расланган).

Икътисади кризиска карамастан, агымдагы елны Татарстан Республикасы уңышлы уздырып җибәрде. Бу турыда бүген Казанда Татарстан Республикасы Министрлар Кабинетының киңәйтелгән утырышында Россия Федерациясе Хөкүмәте Рәисенең беренче урынбасары Игорь Шувалов белдерде.
Утырыш республикада гамәлгә ашырылучы кризиска каршы чараларга, шулай ук күп фатирлы йортларга капиталь ремонт үткәрү (“Торак-коммуналь хуҗалыгын реформалауга ярдәм итү Фонды турында” 185 нче номерлы ФЗ) һәм “Россия гражданнарына арзанлы һәм уңайлы торак” милли проектын гамәлгә ашыруга багышланган иде.

Бүген Дәүләт теркәве, кадастр һәм картография Федераль хезмәтенең Татарстан Республикасы буенча идарәсенең киңәйтелгән коллегия утырышында Татарстан Республикасы Премьер-министры Рөстәм Миңнеханов Татарстандагы үзрегуляцияле арбитраж идарәчеләре оешмалары эшчәнлегенә аеруча нык игътибар бирергә тәкъдим итте.
Исегезгә төшерәбез: күчемсез милек объектлары кадастры Федераль агентлыгының Татарстан Республикасы буенча Идарәсенең Федераль теркәү хезмәтенең Татарстан Республикасы буенча Идарәсе белән бер ведомствога берләшүеннән соң, коллегия беренчесен яңа составта үтте.

Бүген Татарстан Республикасы Хөкүмәт Йортында 2010 елга Татарстан Республикасы Профсоюзлар Федерациясе, Татарстан Республикасы Эш бирүчеләр берләшмәсе координация советы, Татарстан Республикасы Министрлар Кабинеты арасында республика килешүенә кул куелды.
Документ социаль-икътисади сәясәт үткәрүне һәм социаль партнерлык үсешен күздә тота.
Килешү текстынна Татарстан Республикасы Премьер-министры Рөстәм Миңнеханов, Татарстан Республикасы Профсоюзлар Федерациясе рәисе Татьяна Водопьянова, Татарстан Республикасы Предприятиеләр һәм эшмәкәрләр ассоциациясе президенты Александр Лаврентьев кул куйдылар.

Бүген Татарстан Республикасы Премьер-министры Рөстәм Миңнеханов Казанның 7 нче шәһәр поликлиникасында булды.
Шуны әйтеп үтәбез: әлеге муниципаль сәламәтлек саклау оешмасы Казанның тарихи үзәгендә, революциягә кадәр сәүдәгәр Апанаевныкы булган бинада (бина “сәүдәгәр Апанаев йорты” кебек таныш) урнашкан. Бүген Фәтих Кәрим урамындагы йорт архитектура һәйкәле булып тора.

Бүген Татарстан Республикасы Министрлар Кабинеты утырышында 2018 елга кадәр Урман хуҗалыгын үстерү стратегиясе тәкъдим ителде.
Утырыш республика муниципаль районнары белән видеоконференцэлемтә режимында узды, аны Татарстан Республикасы Премьер-министры Рөстәм Миңнеханов үткәрде.
Татарстан Республикасы Министрлар Кабинеты утырышында Урман хуҗалыгы федераль агентлыгы җитәкчесе Алексей Савинов катнашты

Бүген “Казан” милли-мәдәни үзәгендә Татарстан Республикасы Премьер-министры Рөстәм Миңнеханов һәм Урман хуҗалыгы федераль агентлыгы җитәкчесе Алексей Савинов Татарстан Республикасы Урман хуҗалыгы министрлыгы вәкилләренә “ЗИЛ” янгын сүндерү машиналары һәм “УАЗ” урман патруле автомобильләре ачкычларын тапшырдылар.
Шуны әйтеп үтәбез: 17 янгын сүндерү машинасы - республика бюджеты, 30 урман патруле машинасы федераль бюджет акчасына сатып алынды.

Бүген Татарстан Республикасы Премьер-министры – фондның Попечительләр советы рәисе Рөстәм Миңнеханов Татарстан Республикасы Инвестицион-венчур фондының Попечительләр советы утырышын үткәрде.
Төп доклад белән “Татарстан Республикасы Инвестицион-венчур фонды” (ТР ИВФ) дәүләт коммерцияле булмаган оешмасының генераль директоры Айнур Әйделдинов чыгыш ясады.
Ул, аерып алганда, ТР ИВФ портфеленең бүгенге көндә 113 инновацион проектны үз эченә алуы турында хәбәр итте. Аларның яртысы рәсмиләштерелгән интеллектуаль милек стадиясенә җиткерелгән, 25 % - сынау-гамәлгә кертү, 25 % - фәнни-эзләнү, сынау һәм конструктор эшләре стадиясендә.