ЯҢАЛЫКЛАР
Хөрмәтле Россия Федерациясе иминлек органнары хезмәткәрләре һәм ветераннары!
Татарстан Республикасы Хөкүмәте исеменнән сезне һөнәри бәйрәмегез - Россия Федерациясе иминлек органнары хезмәткәрләре көне белән котлыйм.
Иминлек органнары һәрвакыт дәүләтнең ышанычлы терәге булды.
Татарстан Премьер-министры Алексей Песошин «Теләкләр чыршысы» бөтенроссия хәйрия гамәлендә катнашты. Ул «Татарстан Республикасы Муниципаль берәмлекләре советы» ассоциациясенең XIX съезды алдыннан балаларның теләкләре язылган открыткаларны чыршыдан алды.
Бүген Казанда Идел буе дәүләт физик культура, спорт һәм туризм университетының 50 еллыгы уңаеннан чаралар уза. Тантанада Татарстан Республикасы Премьер-министры Алексей Песошин катнашты.
Юбилейда мәртәбәле кунаклар арасында-Россия Федерациясе Спорт министрлыгының мәгариф, фән һәм халыкара мөнәсәбәтләр департаменты директоры урынбасары Максим Боев, Татарстан Республикасы Дәүләт Советы депутаты Марат Бариев, министрлыклар һәм ведомстволар вәкилләре, төбәкнең әйдәп баручы тренерлары һәм спортчылары.
Татарстанда Гаилә елында меңнән артык чара узган. Ел тәмамлана, әмма төбәктә гаиләләргә ярдәм итүгә һәм гаилә кыйммәтләрен популярлаштыруга юнәлдерелгән эш дәвам итәчәк. Бу хакта бүген ТР Хөкүмәте Йортында узган брифингта ТР Премьер-министры урынбасары Ләйлә Фазлыева хәбәр итте.
Бүген Татарстан Республикасы Хөкүмәте Йортында Россия венчур форумы-2025не әзерләү һәм уздыру буенча оештыру комитетының икенче утырышы узды. Утырыш Татарстан Премьер-министры Алексей Песошин рәислегендә узды. Чарада ТР Фәннәр академиясе президенты Рифкать Миңнеханов катнашты.
РВФ-2025не әзерләү һәм уздыру турындагы нотык белән Татарстан Республикасы Инвестиция-венчур фонды директоры Дамир Галиев чыгыш ясады.
10 ел эчендә республика икътисадына инвестицияләр күләме 2 тапкырдан күбрәккә артты. Бу күрсәткеч буенча Татарстан Идел буе округында 1 нче урында һәм ил буенча 6 нчы урында тора. Бу хакта Казанда ТР Инвесторлар клубы утырышында республика Премьер-министры Алексей Песошин хәбәр итте.
2024 елның узган 11 аенда Татарстанда өч меңгә якын юл-транспорт һәлакәте булган, аларда 288 кеше һәлак булган. Мондый мәгълүматлар бүген Татарстан Республикасы Министрлар Кабинетының «Татарстан Республикасында юл хәрәкәте иминлеген арттыру, юл-транспорт һәлакәтләрен кыскарту һәм алардан килгән зыяннарны киметү чараларын гамәлгә ашыру турында» утырышында әйтелде.
Утырыш ТР Хөкүмәте Йортында узды, аны Татарстан Премьер-министры Алексей Песошин алып барды.
Чарада Татарстан Рәисе Рөстәм Миңнеханов катнашты. Видеоконференцэлемтә режимында муниципаль районнар башлыклары, юл хәрәкәте иминлеген тәэмин итү буенча муниципаль комиссияләр рәисләре һәм әгъзалары, башкалар катнашты.
Татарстанда 417 мең шәхси һәм 2,5 мең фермер хуҗалыгы 10 айда 112,7 млрд. сумлык тулаем авыл хуҗалыгы продукциясе җитештергән, ягъни барлык категорияләрнең 40% ы. Шәхси һәм фермер хуҗалыклары 610 мең тонна сөт, 81 мең тонна ит, 302 млн. данә йомырка, 881 мең тонна ашлык, 758 мең тонна бәрәңге, 185 мең тонна яшелчә җитештергән.
Мондый мәгълүматларны бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров китерде.
Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.
Татарстанда 2024 елда күп фатирлы йортларны капиталь ремонтлау программасы төгәлләнеп килә. Төзелеш-монтаж һәм сезонлы эшләр тәмамланырга 1 проценттан да кимрәк калган. Бүгенгә эшләр 4 муниципаль берәмлектә 7 йортта алып барыла. Подряд оешмалары тарафыннан соңгы ярты айда файдалануга тапшырылган дүрт муниципалитеттагы 8 объектны да кертеп, 742 йорт тәмамланган. Мондый мәгълүматларны бүген ТР Хөкүмәте Йортында узган республика киңәшмәсендә ТР төзелеш, архитектура һәм торак-коммуналь хуҗалык министры Марат Айзатуллин китерде.
Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды.
Бүген ТР Хөкүмәте Йортында 2024 ел нәтиҗәләре буенча «Ел җитәкчесе» республика иҗтимагый конкурсының конкурс комиссиясе утырышы узды. Чараны Татарстан Премьер-министры Алексей Песошин уздырды.