ЯҢАЛЫКЛАР

“Казаньоргсинтез” ААҖ өчен 2011 ел нәтиҗәләре һәм компания тарафыннан соңгы өч елда гамәлгә куелган инвестицион сәясәт яхшы перспективаларга җитди нигез булып тора, дип саный ТР Премьер-министры Илдар Халиков. Бүген республика Хөкүмәте җитәкчесе “Казаньоргсинтез” ААҖ акционерларының еллык җыелышында катнашты, анда предприятиенең узган елгы эшчәнлегенә нәтиҗә ясалды.

Бүген ТР Президенты Рөстәм Миңнеханов Санкт-Петербургта эшлекле иртәнге ашта катнашты, аны Саклык банкы һәм Бөтендөнья икътисад форумы оештырды.

Бүген Казан дәүләт архитектура-төзелеш университетында шәһәр төзелеше мәсьәләләре буенча алдынгы галимнәр катнашында министрлыклар, ведомтсволар җитәкчеләре һәм Татарстанның эре шәһәр башлыклары өчен фәнни-гамәли семинар үтте. “Дөнья шәһәрләре үзәкләрендә шәһәр төзелешен үстерү буенча иң яхшы тәҗрибәгә анализ” дип аталган темалы чарада ТР Президенты Рөстәм Миңнеханов, республика Премьер-министры Илдар Халиков, Казан, Яр Чаллы, Түбән Кама мэрлары – Илсур Метшин, Вәсил Шәхразиев, Айдар Метшин, ТР прокуроры Кафил Әмиров, бер төркем министрлыклар һәм ведомстволар, ТР Президенты Аппараты вәкилләре катнашты.

2012 нче елның 1 июненә булган мәгълүматлардан күренгәнчә, халыктан торак-коммуналь хезмәтләр өчен түләүләр җыемы 97,2 процентны тәшкил итә. Ел башыннан халыкның ТКХ өчен вакытында түләмәве нәтиҗәсендә бурыч 293 миллион сумга артып, 1 нче июньгә 3 миллиард 365 миллион сумны тәшкил иткән. Бу хакта бүген ТР Министрлар Кабинетында Татарстан Президенты Рөстәм Миңнеханов катнашында узган “Татарстан Республикасында 2011-2012 елгы ягу сезонында ягулык-энергетика һәм торак-коммуналь хуҗалык оешмалары эше нәтиҗәләре һәм 2012-2013 нче елгы ягу сезонына әзерлек буенча бурычлар” темасына утырышта төп доклад белән чыгыш ясаган ТР Төзелеш, архитектура һәм торак-коммуналь хуҗалык министры Ирек Фәйзуллин хәбәр итте.

Бүген Казанда Татарстан Президенты Рөстәм Миңнеханов Самбо халыкара һәвәскәрләр федерациясе президенты, РФ Дәүләт Думасы депутаты Василий Шестаков белән очрашты.

Татарстан халкы һәм туристлар Болгар һәм Свияжскидагы яңа туристик машрутлар буенча сәяхәт белән ләззәтләнеп, тарих битләренә күз сала алачак. Бүген әлеге маршрутларның үзенчәлекләре турында ТР Министрлар Кабинетында узган брифингта ТР Яшьләр эшләре, спорт һәм туризм министры Рафис Борһанов һәм ТР Президентының социаль мәсьәләләр буенча ярдәмчесе, тарих һәм мәдәният һәйкәлләрен торгызу буенча “Яңарыш” республика фонды башкарма директоры Татьяна Ларионова сөйләде.

Казан үзәгендә урнашкан IT-паркта бүген Стратегик инициативалар агентлыгының (АСИ) Татарстан Республикасындагы вәкиллеге ачылу тантанасы булды.

Бүген Татарстан Президенты Рөстәм Миңнеханов Казанның берничә спорт объектын йөреп чыкты. Республика башлыгын ТР вице-премьеры Әсгать Сәфәров, ТР төзелеш, архитектура һәм торак-коммуналь хуҗалык министры Ирек Фәйзуллин, республиканың яшьләр эшләре, спорт һәм туризм министры Рафис Борһанов, Татарстан прокуроры Кафил Әмиров, Казан мэры Илсур Метшин һәм башка рәсми затлар озата барды.

Бүген “Эрмитаж-Казан” үзәгендә “Кочевники Евразии на пути к империи” уникаль күргәзмәсе ачылды. Анда Дәүләт Эрмитажының 2 190 экспонаты тәкъдим ителгән.
“Мондый күргәзмәләр беркайчан да булмады, бу империяләр үсеше хакында энциклопедик язма сыман һәм аны бары тик Дәүләт Эрмитажы гына күрсәтә ала”, - дип билгеләп үтте Михаил Пиотровский.

Бүген Казан Ратушасында футбол буенча дөнья чемпионаты-2018не оештыру хокукына дәгъва кылучы кандидат шәһәрләр исемлегендә булган Татарстан башкаласы Казанны презентацияләү чарасы узды. Билгеле булганча, Казанга генераль директор Алексей Сорокин җитәкчелегендә “Россия-2018” оештыру комитеты делегациясе һәм ярышларны оештыру буенча департамент җитәкчесе Юрген Мюллер җитәкчелегендәге FIFA экспертлары килде. Тәкъдир итү чарасында ТР Премьер-министры Илдар Халиков, Казан мэры Илсур Метшин һәм башка рәсми затлар катнашты.