ЯҢАЛЫКЛАР
15
февраль, 2012 ел
чәршәмбе
Бүген Россия Премьер-министры Владимир Путин Чаллы Ашыгыч медицина ярдәме хастаханәсе базасында 2025 елга кадәрге демографик сәясәтне гамәлгә ашыру һәм 2011 елда сәламәтлек саклау өлкәсен модернизацияләү буенча төбәк программасы үтәлеше мәсьәләләре буенча киңәшмә үткәрә. Киңәшмәдә РФ вице-премьеры Владислав Сурков, РФ сәламәтлек саклау һәм социаль үсеш министры Татьяна Голикова, РФ Президентының Идел буе федераль округы буенча тулы вәкаләтле вәкиле Михаил Бабич, министрлыклар һәм ведомстволар вәкилләре, Идел буе федераль округы төбәкләре җитәкчеләре, шулай ук видеоконференция режимында РФ субъектлары җитәкчеләре катнашты. Киңәшмәдә Татарстан Президенты Рөстәм Миңнеханов та чыгыш ясады.
Бүген РФ Премьер-министры Владимир Путин Чаллыга килде. Элек Россия Хөкүмәт башлыгы белән Татарстан Президенты Рөстәм Миңнеханов 2 миллионынчы “КАМАЗ” чыгару тантанасында катнашты.
Бүген Чаллыда «СиЭнЭйч-КАМАЗ Индустрия» Россия-Италия предприятиесендә «CNH» комбайннары производствосы ачылды.
14
февраль, 2012 ел
сишәмбе
Бүген Татарстан Республикасы Президенты Рөстәм Миңнеханов Федерация Советының аграр-азык сәясәте һәм табигый байлыкларны файдалану комитеты рәисе урынбасары Сергей Лисовский һәм “FGN Capital” директорлар советы рәисе Александр Халдей белән очрашты.
Бүген Татарстан Республикасы Президенты Рөстәм Миңнеханов Мариинский театрының сәнгать җитәкчесе Валерий Гергиев белән очрашты.
Бүген “ТАИФ” ААҖ офисында Татарстан Президенты Рөстәм Миңнеханов катнашында Түбән Каманың “ТАИФ-НК” ААҖ һәм Американың «KBR, Inc.» («Kellogg Brown & Root») инженер-төзелеш һәм сервис компаниясе арасында килешү имзаланды. Документка “ТАИФ-НК” генераль директоры Әмир Кәлимуллин һәм «KBR» компаниясенең беренче президенты, Директорлар советы әгъзасы Тим Чалланд кул куйды.
Күп балалы гаиләләргә Татарстанда бушлай җир кишәрлеге бирү буенча РФ Президенты йөкләмәсе буенча гамәлгә кергән “ТР Җир кодексына үзгәрешләр кертү турында”гы 90 нчы ТР законына ярашлы рәвештә, Татарстанда җир сорап 6830 гаилә (аларның иң күбе Казанда – 1328) гариза белән мөрәҗәгать иткән, шуларның 8,2 проценты электрон формада, ә Казан буенча алынган гаризаларның 20 проценты электрон; гаризаларның 4618е теркәлгән һәм аларның 91 процентында торак төзү максаты белдерелә – 13 февраль мәгълүматлары әнә шундый.
Бүген Татарстан Президенты Рөстәм Миңнеханов Казанда “Хендэ Мотор СНГ” компаниясе генераль директоры Бюн Квон Лим белән очрашты. Очрашу барышында яклар 2013 елгы Бөтендөнья җәйге универсиадасына әзерлек һәм аны үткәрү кысаларында Татарстан Республикасы һәм «Hyundai» компаниясе арасындагы хезмәттәшлеккә бәйле мәсьәләләр хакында фикер алышты.
13
февраль, 2012 ел
дүшәмбе
Чирмешән муниципаль район Советының бүген узган хисап утырышында 2011 елда башкарылган эш йомгаклары игълан ителеп, агымдагы елга бурычлар билгеләнде. Утырыш ТР Премьер-министры Илдар Халиков катнашында узды. Чарага предприятие-оешмалар, авыл хуҗалыгы предприятиеләре җитәкчеләре, фермерлар, эшмәкәрләр чакырылган иде.
Бүген республика Премьер-министры Илдар Халиков Татарстанның Ютазы муниципаль районына сәфәре кысаларында Ютазы район советының хисап утырышында катнашты. Утырышта катнашучылар арасында шулай ук ТР Дәүләт Советы депутаты Марат Галиев, ТР муниципаль берәмлекләр Советы рәисе Минсәгыйть Шакиров, ТР төзелеш, архитектура һәм торак-коммуналь хуҗалык, мәгариф һәм фән, сәламәтлек саклау, сәнәгать һәм сәүдә министрлары урынбасары һәм башка рәсми затлар бар иде.
Датасы буенча тикшерү
ЯҢАЛЫКЛАРГА ЯЗЫЛУ
Адрес: 420060, Казан шәһәре, Ирек мәйданы, 1
Телефон:
+7 (843) 264-77-74
E-Mail: prav@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз