ЯҢАЛЫКЛАР

Россия Президенты Дмитрий Медведев Казан Кремле янында бу минутларда бара торган “Тынычлык яратылышы” IV халыкара фестивалендә булды. Шулай ук Татарстан Президенты Рөстәм Миңнеханов һәм Казан мэры Илсур Метшин бәйрәмнең дәрәҗәле кунаклары иде.

Татарстан социаль–икътисади программаларны гамәлгә ашыруда уңай тәҗрибәгә ия буларак, федерация һәм федерация субъектлары арасында функцияләрне һәм вәкаләтләрне яңадан билгеләүгә кагылышлы эшкә кушылырга тиеш. Бу хакта бүген Россия Президенты Дмитрий Медведев Казанда Татарстан башлыгы Рөстәм Миңнеханов белән очрашуда белдерде.

Бүген Казан Ратушасында Россия дәүләте башлыгы Дмитрий Медведев рәислегендә уздырылган РФ Президенты карамагындагы Физик культура һәм спортны, югары казанышлар спортын үстерү, 2014 елда Сочида XXII кышкы Олимпия уеннарына һәм XI кышкы Паралимпия уеннарына, 2013 елда Казанда XXVII Бөтендөнья җәйге Универсиадага, футбол буенча 2018 елда дөнья чемпионатына әзерлек һәм аларны үткәрү буенча Совет белән Россия Олимпиячеләренә ярдәм күрсәтү фондының уртак утырышында РФ спорт, туризм һәм яшьләр сәясәте министры Виталий Мутко доклад белән чыкты.

“Татар халкын берләштерә торган мөкатдәс ике мәйдан бар. Аның берсе театр сәхнәсе булса, икенчесе- Сабан туе”, дип язган халкыбызның мәшһүр әдибе Аяз Гыйләҗев. Аның бу сүзләре елдан-ел актуальрәк яңгырый бара. Милли бәйрәмебез географиясен киңәйтеп, Бөтенроссия, халыкара статустагы бәйрәмгә әйләнде.

Татарстан Рсепубликасы Хөкүмәте белән “Спортивное вещание” коммерцияле булмаган оешма арасында хезмәттәшлек турындагы килешү имзаланды. Бүген ТР Хөкүмәт йортында документка Татарстан Премьер-министры Илдар Халиков һәм “Спортивное вещание” коммерцияле булмаган оешма генераль директоры Василий Кикнадзе имзалады.

Бүген “Универсиаданы каршылап” призына үткәрелгән бәйгедә Россиянең иң яхшы спринтерлары катнашты. Бәйге “Казан” ат-спорт комплексында Россия Федерациясе призына оештырылган ат чабышлары кысаларында узды.

Татарстан башкаласына Россия Президенты Дмитрий Медведев килде.

Бүген Казанга Әрмәнстан Президенты Серж Саргсян җитәкчелегендәге Әрмәнстан Республикасы делегациясе килде. “Казан” Халыкара аэропортында кунакларны Татарстан Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин, Татарстан Премьер-министры Илдар Халиков каршы алды.
Серж Саргсянның Казанга эш визиты белән килүенең төп максаты – Казан Кремлендә узачак Россия, Әрмәнстан һәм Әзербайҗан башлыкларының өч яклы очрашуында катнашу.

Казанга эш визиты белән килгән Әзербайҗан Президенты Илһам Алиев бүген Татарстан башкаласында берничә объектта булды. Татарстан Президенты Рөстәм Миңнеханов Әзербайҗан башлыгына республиканың сәнәгый, спорт һәм IT-казанышларын тәкъдим итте.

Табигать авыл кешесен һәр елны үзенчә сыный. Узган елгы корылык тиешле күләмдә терлек азыгы туплаудан мәхрүм итсә, быел басу-кырлардагы мул үләнне җыеп алырга туктаусыз яуган яңгырлар комачаулый. “Болар арасыннан сайлаганда, билгеле, яңгырлы көннәр булу яхшырак. Терлек азыгын, бәлки, теләгәнчә сыйфатта туплап та булмас, ләкин азыксыз калырга ярамый. Эшне оештыруның формасын табыгыз, эш мөмкинлеге бар, һава торышы үзгәргәнне көтәргә ярамый, агымдагы режимда эшләргә кирәк”, - дигән бурыч куйды Президент Рөстәм Миңнеханов муниципалитет башлыкларына.