ЯҢАЛЫКЛАР
Бүген ТР Министрлар Кабинетында узган брифинг коену сезонын ачуга багышланды.
ТР Гражданнар оборонасы эшләре һәм гадәттән тыш хәлләр министрлыгы мәгълүматлары буенча, комлыклар саны кимү тенденциясе күзәтелә. 2010 елда алар 56 булса, быел 52гә калган. Бүгенге көндә 31 пляж (60 проценты) тикшерелгән. Бары тик 16 комлык кына кулланылышка рөхсәт алды.
Казанга Новосибирски өлкәсе губернаторы Василий Юрченко җитәкчелегендә делегация өч көнлек эш визиты белән килде.
Татарстан белән Польша арасындагы икътисади-сәүдә, гуманитар һәм мәдәни өлкәләрдә хезмәттәшлекне үстерү өчен зур потенциал бар. ТР Президенты Рөстәм Миңнеханов бүген Польшаның РФ Гадәттән тыш һәм Тулы вәкаләтле илчесе Войцех Зайончковски белән очрашуда шулай дип белдерде. ТР Хөкүмәте йортында узган очрашуда шулай ук Польшаның эшлекле даирә вәкилләре дә катнашты.
Социаль ипотека буенча торак төзелеше программасы табыш алу ысулы түгел һәм булмаячак та, ул социаль программа булып калачак. ТР Премьер-министры Илдар Халиков бүген журналистлар белән булган әңгәмәсендә шулай дип белдерде.
Әгерҗедәге, Удмуртиядә сугыш кирәк-яраклары складында булган шартлау нәтиҗәсендә зыян күргән торак йортларны һәм социаль объектларны яңадан торгызу буенча төп эшләр өч көн дәвамында төгәлләнәчәк. Бүген ТР Премьер-министры Илдар Халиков Казанда журналистларга биргән интервьюсында әнә шулай дип белдерде.
Илнең үсеш векторы һәм динамикасы, “Стратегия-2020” гамәлгә ашыру барышы, гомумән гражданнарның яшәү дәрәҗәсе Дәүләт Думасына депутатлар сайлаулары буенча сайлау компаниясе нәтиҗәләреннән, “Бердәм Россия”нең закон чыгару хакимиятендә нинди роль уйнавы һәм нинди урын алуыннан тора.
Бүген Казанда “Корстон” кунакханә, сәүдә–күңел ачу комплексында “Бердәм Россия” бөтенроссия сәяси партиясе Татарстан төбәк бүлегенең XVIII конференциясе уза.
Конференциядә “Бердәм Россия” партиясенең югары совет рәисе, РФ Федераль Җыены Дәүләт Думасы Рәисе Борис Грызлов, Татарстан Республикасы Президенты Рөстәм Миңнеханов, республика Дәүләт киңәшчесе Минтимер Шәймиев, “Бердәм Россия” бөтенроссия сәяси партиясе Татарстан төбәк бүлеге сәяси совет секретаре, ТР Дәүләт Советы Рәисе Фәрит Мөхәммәтшин катнаша.