Татарстан Республикасы Хөкүмәте

ЯҢАЛЫКЛАР

апрель, 2011 ел

чәршәмбе

ТР Министрлар Кабинеты Президиумы утырышы узган кышта агачларга боз кату нәтиҗәләрен бетерүгә багышланды

Узган елның декабрендә Татарстанда агачларга көчле боз кату 30 мең гектардан артык мәйданда урманнарның һәлак булуына китерде. Әлеге саннар бүген ТР Министрлар Кабинеты Президиумы утырышында яңгырады. Республика урман хуҗалыгында агачларга боз кату нәтиҗәләрен бетерүгә багышланган утырыш Премьер-министр Илдар Халиков рәислегендә үтте.

апрель, 2011 ел

сишәмбе

Рөстәм Миңнеханов: Татарстан “Алабуга” МИЗ да “Форд” автомобильләре производствосы проектын гамәлгә ашыру белән кызыксына

ТР Президенты Рөстәм Миңнеханов бүген Мәскәүдә “Ford” компаниясе һәм “Соллерс”ААҖ топ-менеджменты вәкилләре белән очрашты. Яклар “Алабуга” махсус икътисади зонасында “Ford” автомобильләрен җитештерү проектын гамәлгә ашыруга әзерлек мәсьәләсен карады.

Быел “Созвездие-Йолдызлык” фестиваленең гала-концерты 29 апрельдә “Пирамида”да узачак

29 апрельдә “Пирамида” мәдәният-күңел ачу үзәгендә быелгы “Созвездие-Йолдызлык” фестиваленең гала-концерты узачак. Республиканың 9 шәһәрендә үткән фестивальнең сайлап алу турлары нәтиҗәсендә, 18-22 апрель көннәрендә Казанда узачак суперфиналга 3300 егет һәм кыз чыккан. Бу хакта бүген ТР Министрлар Кабинетында узган брифингта ТР яшьләр эшләре, спорт һәм туризм министры Рәфис Борһанов, “Созвездие-Йолдызлык” фестиваль хәрәкәтенең генераль продюсеры Дмитрий Туманов, башкаручы директор Ландыш Шәрәфетдинова сөйләде.

апрель, 2011 ел

дүшәмбе

Зилә Вәлиева: “Татарстан һәм Согуд Гарәбстаны арасында мөнәсәбәтләр мәдәнияткә нигезләнеп төзелә”

Согуд Гарәбстаны Корольлеге белән Татарстан арасындагы мөнәсәбәтләр үсеше нигезендә мәдәни элемтәләр ята. Бүген ТР Министрлар Кабинетында Согуд Гарәбстаны делегациясе белән очрашуда ТР Премьер-министры урынбасары Зилә Вәлиева шулай дип белдерде. Делегацияне Согуд Гарәбстанының РФ дәге Гадәттән тыш һәм Тулы вәкаләтле илчесе Али Хәсән Җәгъфәр белән мәдәният һәм мәгълүмат министры урынбасары Абдел Азиз бин Салих бин Сәлам җитәкли. Согуд Гарәбстаны делегациясе Татарстанга Ислам китапханәсе ачылышында катнашу өчен килде.

Илдар Халиков Бөтенроссия телерадиокомпаниясе ФДУП генераль директоры урынбасары белән очрашты

Бүген ТР Премьер-министры Илдар Халиков -“Татарстан” ДТРК төбәк департаменты җитәкчесе - генераль директоры урынбасары Рифат Сабитов белән очрашты.

Рөстәм Миңнеханов РФ субъектларының югары вазифа биләүче затлары өчен оештырылган семинарда катнаша

4-8 апрель көннәрендә РФ Президенты каршындагы Россия халык хуҗалыгы һәм дәүләт хезмәте академиясе базасында (Мәскәү) Россия Федерациясе субъектларының югары вазифа биләүче затлары өчен оештырылган өстенлекле социаль-икътисади мәсьәләләргә багышланган семинар уза. Семинарда Татарстан Республикасы Президенты Рөстәм Миңнеханов та катнаша.

апрель, 2011 ел

якшәмбе

Рөстәм Миңнеханов Болгарда төзелеш һәм реставрация объектларында булды

Бүген Татарстан Президенты Рөстәм Миңнеханов борынгы Болгар шәһәрендә төзелеш һәм реставрация объектларында булды.

апрель, 2011 ел

җомга

Рөстәм Миңнеханов: “Идел буе нефтехимиклары көндәш тә, шул ук вакытта партнер да була ала”

Бүген Түбән Камада “Түбән Кама нефтехим” ААҖ завод идарәсендә Россия Федерациясе энергетика министры урынбасары Сергей Кудряшов рәислегендә Татарстан белән Башкортстанның нефть, газ, химия өлкәсен үстерү мәсьәләсенә багышланган киңәшмә узды.

Виктор Зубков: “Һәр төбәкнең урман янгыннарын сүндерүгә кагылышлы җыелма планы булырга тиеш”

Янгын куркынычы зур булган сезон башланганчы, илнең барлык төбәкләрендә урман янгыннарын сүндерүгә кагылышлы җыелма планнар эшләнеп, кабул ителергә тиеш. Бүген Россиядә урман янгыннарын профилактикалау һәм кисәтү мәсьәләләренә багышланган селектор киңәшмәсендә РФ Хөкүмәте рәисенең беренче урынбасары Виктор Зубков шулай дип белдерде. Селектор киңәшмәсендә ТР Премьер-министры Илдар Халиков катнашты.

Илдар Халиков РФ Президентының Идел буе федераль округындагы вәкаләтле вәкиле каршындагы Совет утырышында катнашты

ТР Премьер-министры Илдар Халиков бүген РФ Президентының Идел буе федераль округындагы вәкаләтле вәкиле каршындагы Советның видеоконференция режимында узган утырышында катнашты. Ул “Балалар хокукларын һәм мәнфәгатьләрен яклау, аналарга, гаиләгә һәм балаларга ярдәм итү буенча дәүләт тарафыннан округта гамәлгә ашырыла торган чаралар” дигән темага багышланган иде. Утырыш РФ Президентының Идел буе федераль округындагы вәкаләтле вәкиле Григорий Рапота рәислегендә узды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ