ЯҢАЛЫКЛАР
Бүген Татарстан Республикасы Премьер - министры Алексей Песошин тармакның барлык хезмәткәрләрен һөнәри бәйрәм-торак-коммуналь хуҗалык хезмәткәрләре көне белән котлады.
Татарстан Республикасы Министрлар Кабинетында узган брифингта 2023 елда «Иннополис инновацион үзәге» проектын тормышка ашыруга йомгак ясадылар һәм 2024 елга планнарны игълан иттеләр, алар Иннополиста шәһәр инфраструктурасын, җитештерү һәм мәгариф юнәлешен алга таба үстерүне үз эченә ала.
2024 елда юл хәрәкәте иминлеген тәэмин итү буенча Хөкүмәт комиссиясенең беренче утырышы ТР Хөкүмәте Йортында узды. Утырышны Татарстан Республикасы Премьер-министры урынбасары - Татарстан Республикасы Министрлар Кабинеты Аппараты җитәкчесе Шамил Гаффаров үткәрде. Чара республиканың барлык муниципаль районнары белән видеоконференцэлемтә режимында узды. Утырыш эшендә ТР буенча ЭЭМ ЮХИДИ идарәсе башлыгы - ТР буенча Юл хәрәкәте иминлеге баш дәүләт инспекторы Рөстәм Гарипов, ТР транспорт һәм юл хуҗалыгы министры Фәрит Хәнифов, республика министрлыклары һәм ведомстволары җитәкчеләре катнашты.
Бүген Татарстан Премьер-министры Алексей Песошин Россия Федерациясе Президентын сайлауларда тавыш бирде.
Алексей Песошин Казанда 143 нче урта гомуми белем бирү мәктәбенең сайлау участогында (Четаев урамы, 1 нче йорт) сайлады.
Исегезгә төшерәбез, Россия Федерациясе Президентын сайлаулар күп көнлек форматта – 2024 елның 15-17 мартында сәгать 8.00 дән 20.00 гә кадәр уза.
15-17 мартта уза торган Россия Федерациясе Президентын сайлауларын оештыру буенча эш кысаларында Татарстан Республикасы Премьер-министры урынбасары Роман Шәйхетдинов республиканың Югары Ослан районы участок сайлау комиссияләрен карап чыкты.
Татарстан Республикасында кайбер муниципаль районнар агымдагы ел программасы буенча «Безнең ишегалды» программасы кысаларында ишегалды территорияләрен төзекләндерү буенча эшләрнең йомгаклау схемаларын кабул итмәде.
Бу хакта бүген ТР Хөкүмәте Йортында узган киңәшмәдә «ТР шәһәрләрен үстерү институты» фонды җитәкчесе Наилә Зиннәтуллина хәбәр итте.
Киңәшмәне Татарстан Республикасы Рәисе Рөстәм Миңнеханов барлык районнар белән видеоконференцэлемтә режимында уздырды. Киңәшмәдә ТР Премьер-министры Алексей Песошин да катнашты.
Бүген Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм торак-коммуналь хуҗалык министрының беренче урынбасары Алексей Фролов торак төзелеше программалары буенча эшләрнең агымдагы торышы, социаль-мәдәни өлкә объектларын, җәмәгать киңлекләрен төзү һәм инженерлык инфраструктурасын модернизацияләү буенча эшләр турында сөйләде.
Киңәшмәне Татарстан Республикасы Рәисе Рөстәм Миңнеханов барлык муниципаль районнар белән видеоконференцэлемтә режимында уздырды. Киңәшмәдә ТР Премьер-министры Алексей Песошин да катнашты.
Татарстан Республикасы Премьер-министры урынбасары Роман Шәйхетдинов «Иннополис» МИЗ Күзәтчеләр советы әгъзасы Николай Никифоров һәм Иннополис мэры Руслан Шаһгалиев белән бергә Иннополис мәктәбенең Ачык ишекләр көнендә булды. Бу - ел саен ИТ-шәһәрдә булачак уку йорты укучылары һәм аларның әти-әниләре өчен үткәрелә торган чара.
15-17 мартта Россия Федерациясе Президентын сайлаулар Иннополис шәһәрендә (Татарстан Республикасы) уза, анда 7 меңнән артык кеше яши һәм эшли. Нигездә, бу ИТ-белгечләр һәм аларның гаиләләре, алар бу шәһәргә Россиянең төрле почмакларыннан килгәннәр. «Артспейс» заманча шәһәр киңлегендә сайлау участогында Татарстан Республикасы Премьер-министры урынбасары Роман Шәйхетдинов тавыш бирде.
Татарстан Республикасы Премьер-министры урынбасары Роман Шәйхетдинов Казан дәүләт энергетика университетында булды, анда ректор Эдвард Габдуллаҗанов һәм югары уку йортының цифрлы технологияләр институты студентлары белән очрашты.