ЯҢАЛЫКЛАР
Татарстан Республикасында Россия Федерациясе Президентының “май” Указлары нигезендә гражданнарны арзан бәяле уңайлы торак белән тәэмин итү бурычы тора. Бу максатта “Россия гаиләсенә торак” федераль программасын эффектив гамәлгә ашыруны тәэмин итү зарури. Бу хакта бүген Татарстан Республикасы Президенты Рөстәм Миңнеханов ТР Төзелеш, архитектура һәм ТКХ министрлыгы коллегиясенең күчмә утырышында белдерде.
Бүген Татарстан Республикасы Президенты Рөстәм Миңнеханов Мамадыш муниципаль районына эш сәфәре кысаларында, “Татспиртпром” ААҖ филиалы Мамадыш спирт заводының коры азык чүпрәсе җитештерү цехында булды. Бүген Мамадыш спирт заводы югары җитештерүчәнлеккә ия технологик предприятие булып тора.
Бүген Мамадышта «Стройсервис» ЯАҖнең мәйданчыкларында керамик кирпеч җитештерү буенча яңа завод ачылды. Проект, Испания компанияләренең заманча җиһазларын һәм технологияләрен кулланып, гамәлгә ашырылган. Яңа производствоны ачу тантанасында Татарстан Республикасы Президенты Рөстәм Миңнеханов, Татарстан Республикасы Премьер-министры Илдар Халиков, ТР Төзелеш, архитектура һәм ТКХ министры Ирек Фәйзуллин, җиһазлар белән тәэмин итүче чит ил компанияләре вәкилләре һәм башкалар катнашты.
Бүген Татарстан Республикасы Президенты Рөстәм Миңнеханов Кытай аэрокосмос фәне һәм сәнәгате корпорациясе (CASIC) һәм аның бүлендек компаниясе Aerosun делегациясе белән очрашты. ТР Хөкүмәт Йортындагы очрашуда шулай ук ТР вице-премьеры – сәнәгать һәм сәүдә министры Равил Зарипов, эре Татарстан предприятиеләре җитәкчеләре катнашты.
«Рубин» - «Спартак» матчына әзерлек һәм аны уздыру чорында хокук саклау органнары тарафыннан күрелгән чаралар стадиондагы тамашачылар иминлеген тәэмин итүгә һәм Казан урамнарында тәртип урнаштыруга юнәлгән булырга һәм алар катгый рәвештә закон кысаларында үтәлергә тиеш. Бүген бу хакта Татарстан Республикасы Президенты Рөстәм Миңнеханов хәбәр итте.
Июль аенда әлеге субсидияне алучы 135 меңгә якын ата-ана яңадан теркәлгән. Бу тиешленең 70 проценты икәнен хәбәр итте бүген ТР Министрлар Кабинетында узган брифингта ТР хезмәт, халыкны эш белән тәэмин итү һәм социаль яклау министры урынбасары Наталья Бутаева.
Татарстан җитәкчелеге авиакосмос тармагы предприятиеләре үсешенә максималь рәвештә ярдәм итә һәм алга таба да ярдәм итәргә әзер. Бу хакта бүген Татарстан Республикасы Президенты Рөстәм Миңнеханов Казанда ачылган АКТО-2014 күргәзмәсе кысаларында узган фәнни-практик конференциясендә белдерде. Конференция эшендә шулай ук “Берләштерелгән авиатөзелеш корпорациясе” ААҖ президенты Михаил Погосян, авиация сәнәгате тармагының Россия һәм чит илләр предприятиеләре, конструктор бюролары, фәнни институтлары җитәкчеләре катнашты.
Бүген Казанда «Авиакосмик технологияләр, заманча материаллар һәм җайланмалар. Казан -2014» VII махсуслаштырылган күргәзмә ачылды. “Казан ярминкәсе” күргәзмә комплексындагы ачу тантанасында Татарстан Республикасы Президенты Рөстәм Миңнеханов һәм Берләштерелегән авиатөзелеш корпорациясе башлыгы Михаил Погосян катнашты.
Бүген Н.Э.Бауман исемендәге Мәскәү дәүләт техник университет ректоры Анатолий Александров һәм Татарстан Республикасы Президенты Рөстәм Миңнеханов очрашуда мәгариф һәм кадрлар әзерләү өлкәсендә хезмәттәшлек мәсьәләләре турында сөйләштеләр.