Татарстан Республикасы Хөкүмәте

ЯҢАЛЫКЛАР

август, 2013 ел

җомга

Рөстәм Миңнеханов Казанда яңа “Азино” балалар поликлиникасын ачуда катнашты

Казанда (Глушко ур., 41 а) яңа “Азино” балалар поликлиникасы тантаналы төстә ачылды. Чарада Татарстан Республикасы Президенты Рөстәм Миңнеханов, Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы сәламәтлек саклау министры Айрат Фәррахов, Казан мэры Илсур Метшин катнашты. Бу сәламәтлек саклау объекты “ТР ССМның Республика балалар клиник сырхауханәсе” ДАУЗ составына керә һәм Россиядә иң эре балалар поликлиникасының берсе булып тора, мәйданы - 9 794,3 кв. метр, объект хакы – 411,9 млн. сум. Казан мэры Илсур Метшин, тантанада чыгыш ясап белдергәнчә, “Азино” микрорайонында яшәүчеләр өчен яңа балалар поликлиникасы – иң озак көтелгән вакыйга. Бу 70 мең бала өчен үз вакытында заманча медицина ярдәме алу дигән сүз.

Татарстан Президенты Казанда яшүсмерләр клубында булды

Реконструкциядән соң бүген Казанда ачылган "Лада" яшүсмерләр клубында Татарстан Республикасы Президенты Рөстәм Миңнеханов булды. Аның белән бергә клубка Казан мэры Илсур Метшин да килгән иде.

Татарстан Президенты Россия Урман хуҗалыгы агентлыгы башлыгы белән очрашты

Бүген Татарстан Республикасы Президенты Рөстәм Миңнеханов Россия Федарациясе Табигать ресурслары һәм экология министры урынбасары – Федераль урман хуҗалыгы агентлыгы башлыгы ВладимирЛебедев белән очрашты. Татарстан Республикасы Хөкүмәте йортында узган әлеге очрашуда Татарстан Республикасы Премьер-министры Илдар Халиков, Татарстан Республикасы Президентының икътисадый мәсьәләләр буенча ярдәмчесе по экономическим вопросам Айрат Хәйруллин, Татарстан Республикасы урман хуҗалыгы министры Наил Мәһдиев катнашты.

“Төркия радиосы һәм телевидениесе” корпорациясе (ТРТ) һәм “Татмедиа” ААҖ арасында хезмәттәшлек турында килешүгә имза салынды

Бүген Татарстан Республикасы Президенты Рөстәм Миңнеханов дәүләт телерадиокомпаниясе ТРТ (Төркия Республикасы) генераль директоры Ибраһим Шаһин белән очрашты. Очрашу Татарстан Республикасы Хөкүмәте йортында узды, анда Татарстан ягыннан Татарстан Республикасы Президенты ярдәмчесе Радик Гыйматдинов, матбугат һәм массакүләм коммуникацияләр республика агентлыгы җитәкчесе Ирек Миңнеәхмәтов, “Татмедиа” ААҖ генераль директоры Рөстәм Бикмөхәммәтов, “Яңа гасыр” (“ТНВ”) телерадиокомпаниясе генераль директоры Илшат Әминов катнашты. Яклар массакүләм коммуникацияләр өлкәсендә үзара файдалы хезмәттәшлек мәсьәләләре буенча фикер алыштылар

Рөстәм Миңнеханов татарстанлыларга Республика Көне уңаеннан мөрәҗәгать итте

"Хөрмәтле татарстанлылар! Республика Көне дәүләтчелегебезне торгызуның хәзерге этабын ачык чагылдыра, Татарстанның икътисадта һәм социаль өлкәдә ирешкән зур казанышларын, иҗтимагый үсештәге үзгәрешләрен, халкыбыз тормышының яңа дәрәҗәсен һәм яшәү рәвешен күрсәтә. Күптән түгел Казанда узган XXVII Бөтендөнья җәйге универсиадасы уңышлары республикабызның төп бәйрәменә быел үзенчәлекле төсмер бирә. Универсиада тәҗрибәсен һәм аның күпкырлы мирасын республикада гомумроссия һәм халыкара колачлы яңа проектларны гамәлгә ашыруда файдаланырга мөмкин һәм шулай эшләргә кирәк тә" - диелгән мөрәҗәгатьтә.

август, 2013 ел

пәнҗешәмбе

Татарстан муниципаль берәмлекләре арасындагы смотр-бәйгедә җиңүчеләргә 100 автомобиль тапшырылды

Бүген муниципаль берәмлекләр арасында уздырылган республика смотр-бәйгенең җиңүчеләренә Татарстан парламенты бинасы каршындагы мәйданда 100 “Нива” автомобиле тапшырылды. Тантаналы чара ТР Президенты Рөстәм Миңнеханов, Дәүләт Советы рәисе Фәрит Мөхәммәтшин, ТР Премьер-министры урынбасары вазифаларын башкаручы Юрий Камалтынов, ТР Муниципаль берәмлекләре советы рәисе Минсәгыйть Шакиров катнашында узды.

Рөстәм Миңнеханов “Татнефтехиминвест-холдинг” ААҖ Директорлар советының чираттгы утырышын уздырды

Бүген Татарстан Республикасы Президенты Рөстәм Миңнеханов “Татнефтехиминвест-холдинг” ААҖ Директорлар советының чираттгы утырышын уздырды.
Утырыш Татарстан Республикасы Хөкүмәте Йортында уздырылды, Директорлар советы әгъзалары көн тәртибендәге өч мәсьәләне карадылар.
Аерым алганда, “СибНАЦ” ААҖ (Төмән) ТЭК анализы департаменты директоры Лариса Нечипорук 2013 – 2030 еллар чорына “Ямал – Идел буе” проектын гамәлгә ашыру өчен чимал базасын нигезләү буенча нотык белән чыгыш ясады.
Исегезгә төшерәбез, 2012 елның сентябрендә Татарстан, Башкортостан һәм Ямал-Ненец автономияле округы (ЯНАО) башлыклары һәм Россия Федерациясе Энергетика министрлыгының кайбер белгечләре “Ямал – Идел буе” продукт үткәргечен төзү проекты инициаторлары булдылар, әмма проектны реализацияләү кирәкле чимал запаслары булмау һәм техник каршылыклар аркасында кыенлашырга мөмкин.

"Татнефть" ААҖ Директорлар советы 2013 елның беренче яртыеллыгы йомгакларын ясады

Бүген "Татнефть" ААҖ Директорлар советы чираттагы утырышын Татарстан Республикасы Президенты Рөстәм Миңнеханов уздырды. Утырыш Татарстан Республикасы Хөкүмәте Йортында узды, анда 2013 елның җиде ае эчендә "Татнефть" ААҖ бюджеты үтәлеше каралды һәм агымдагы елның сентябренә бюджет расланды, "Татнефть" ААҖнең 2013 елның беренче яртыеллыгында финанс-хуҗалык эшчәнлеге йомгаклары буенча фикер алышынды. Хисап чорында компания ятмаларында 12,932 млн тонна нефть чыгарылган, планнан тыш 335 мең тонна нефть. Юлдаш нефть газын чыгару 426 млн куб. м тәшкил иткән, бу үткән елның шул ук чорынна 2,8 процентка артып китә. 127 яңа скважина файдалануга тапшырылган, аларда 85 мең. Тонна нефть чыгарыла. Татарстан Республикасыннан читтә лицензияләнгән кишәрлекләрдә 158,4 мең тонна нефть чыгарылган, 15 скважина борауланган. Үзлелеге аеруча югары булган нефтьнең Ашальчин ятмаларында беренче яртыеллыкта 57,3 мең тонна нефть чыгарылган. Барлыгы ятманы эшкәртә башлаганнан бирле 237,4 мең тонна шундый нефть чыгарылган.

август, 2013 ел

чәршәмбе

Рөстәм Миңнеханов: "Мәскәүдә татарларга иң яхшы шартлар тудырылган"

Татарстан Президенты Рөстәм Миңнеханов Мәскәү җитәкчелегенең татарларга яхшы яшәү шартларын булдыруга куйган көчләрен югары бәяли. Бу хакта ул бүген Мәскәүдә Татарлар Көненә багышланган тантаналы кичәдә хәбәр итте. Мәскәү музыка йортында узган гадәттәге тантанада шулай ук Мәскәү мэры вазыйфаларын вакытлыча үтәүче Сергей Собянин да катнашты.

Рөстәм Миңнеханов Россия Федераль куркынычсызлык хезмәте директоры боерыгы белән “Хәрби бергәлек өчен” медале белән бүләкләнде

Бүген XXVII Бөтендөнья җәйге Универсиаданы үткәрүгә нәтиҗә ясап Россия Федераль куркынычсызлык хезмәте директоры Александр Бортников Татарстан Республикасы җитәкчелегенең студентлар Уеннарын оештыруда һәм иминлек тәэмин итүдә югары нәтиҗәгә ирешүен билгеләп үтте.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ